Connect with us
Pakote Ahi

Nasionál

Dezastre Naturál Hamate Ema Na’in-Rua no Estraga Uma 55

Published

on

Hatutan.com, (18 Juñu 2024), Díli—Durante semana ida, hahú hosi loron 10 to’o 17 fulan Juñu 2024 Autoridade Protesaun Civil (APC) rejista ema na’in-rua lakon-vida  no uma hamutuk 55 mak hetan estragus hosi dezastre naturál iha territóriu tomak.

Ahi han abitante ida nia uma. Foto/APC

Munisípiu Ainaro, postu administrativu Ainaro-Villa, suku Soru-Kraik, aldeia Riamori, iha loron 09 juñu 2024 akontese rai-halai estraga komunidade nia uma 1. Iha Suku Casa, aldeia Mausuka, iha loron 02 juñu 2024 akontese rai-halai ameasa komunidade nia uma, apoiu de’it emerjénsia.

Lee Mós: Dezastre Naturál Hamate Ema Ida no Estraga Uma Hitu

Munisípiu Baucau, postu administrativu Baguia, suku Alawa-leten, aldeia Es-Afa, iha loron 11 maiu 2024 akontese anin sobu komunidade nia uma 1.

Advertisement

Iha suku Alawa-leten, aldeia Es-Afa, iha loron 11 maiu 2024, akontese anin sobu komunidade nia uma 1.

Iha suku Alawa-kraik, aldeia Ne-Alidae, iha loron 05 juñu 2024 akontese anin sobu komunidade nia uma 1.

Iha suku Samalari, aldeia Taubere, iha loron 11 maiu 2024 akontese anin sobu komunidade nia uma 1.

Iha postu Venilale, suku Baha mori, aldeia laco-uma, iha loron 08 juñu 2024 akontese anin sobu komunidade nia uma 1.

Munisípiu Bobonaro, postu administrativu Bobonaro, Suku Leber, aldeia Holbese, iha loron 08 juñu 2024 akontese rai-halai estraga komunidade nia uma 3.

Advertisement

Munisípiu Covalima, postu administrativu Zumalai, suku Lour, aldeia Uluk LoLo, iha loron 06 juñu 2024 akontese Bee-sae sobu komunidade nia uma 18.

Iha suku Lour, aldeia Lagatal, iha loron 06 juñu 2024 akontese Bee-sae sobu komunidade nia uma 15.

Iha suku Lour, aldeia Palet, iha loron 10 juñu 2024 akontese rai-halai estraga komunidade nia uma 2.

Munisípiu Dili, postu administrativu Vera-Cruz, Suku Lahane Ocidental, aldeia Hospital Militar, iha loron 10 juñu 2024 akontese ahi han komunidade nia uma 1.

Munisípiu Ermera, postu administrativu Hatulia A, aldeia Hauhei, iha loron 31 Maiu 2024, akontese anin sobu komunidade nia uma 1.

Advertisement

Iha postu administrativu Atsabe, iha loron 01 juñu 2024 akontese rai-halai estraga komunidade nia uma 1.

Munisípiu Manufahi, postu administrativu Same, suku Babulu, aldeia Nunfu, iha loron 06 juñu 2024 akontese anin sobu komunidade nia uma 1.

Munisípiu Lautem, postu administrativu Lautem, suku Parlamentu, aldeia Irara, iha loron 14 juñu 2024 akontese lafaek tata komunidade 1 ho naran Alazinho Donacio dos Santos idade 26, iha parte tasi Com (Teno) nian.

Munisípiu Liquiça, postu administrativu Liquiça-Vila, suku Asu-Manu, aldeia Kaikasiko, iha loron 16 Juñu 2024 akontese komunidade 1 ho naran Eugenio dos Santos ho idade 38, hadia elistrisidade soke vitima mate-fatin.

RAEOA, sub rejiaun Pante makasar, suku Lifau, aldeia Nefoba’i, iha loron 14 juñu 2024 akontese ahi han komunidade nia uma 1.

Advertisement

Munisípiu Viqueque, postu administrativu Viqueque-vila, suku Maluro, aldeia Makaroso iha loron 10 juñu akontese ahi-han komunidade nia uma 1.

Komando APC munisipiu ho parseiru relevante fornese asisténsia emerjénsia bá familia afetadu sira hanesan ai-han no la’ós ai-han (food Item & Non-food Item).

“APC nafatin alerta bá komunidade atu hadok-an hosi fatin risku no prevene-an nafatin hodi minimiza dezastre naturál,” Porta-voz APC, João Filipe hateten iha edifisiu APC Caicoli, Segunda (18/06/2024).

Afetadu hirak ne’e, Autoridade Protesaun Civil destakadu sira iha munisipiu hotu fó ona apoiu emerjénsia bá vítima hamutuk 55.

Monitorizasaun liu hosi previzaun hosi modelu meteorolójiku hosi (WMO, BOM. BMKG no DNMGL-TL) no monitoriza bá rai nakdoko liu hosi GTS, Website, Email, SMS no Regional Tsunami Service Provider (RTSP) Indonesia, Australia no India.

Advertisement

CNOPC-APC Servisu hamutuk ho Diresaun Nacional Meteorologia no Geofisica (DNMG)-MTC, bazeia ba informasaun previzaun tempu hosi DNMG no analiza monitorizasaun hosi CNOPC iha semana kotuk komesa iha loron 10-17 juñu 2024.

Kondisaun tempu iha semana kotuk nia laran atmosfera kuaze instavel ka maioria kalohan taka kuaze iha territoriu nasional hodi hamosu udan ho intensidade hosi (chuviska) liuliu iha kosta sul no rejiaun foho hanesan iha munisipiu Covalima, Viqueque, Lautem, Manufahi, Ainaro no Manatuto.

Kondisaun Anin

Anin hu’u ho velosidade normal nune’e iha rejiaun foho no anin hu’u ho velosidade moderadu-forte iha rejiaun kosteiras liuliu Manatuto, Lautem, Viqueque, Covalima, Liquiça, Atauro inklui RAEOA.

Kondisaun Laloran

Advertisement

Iha kosta norte nia a’as varia hosi 0.5 -1.0 nune’e metru (Kategoria Normal).

Kosta sul nia a’as varia hosi 1.3-2.0 nune’e metru (Kategoria Moderadu).

Kondisaun Rai nakdoko

Akontese rai nakdoko ho nia magnitudo 3.5 iha Maneto Ainaro, Timor-Leste iha dia 13 Juñu 2024 iha H21:49:53 ho nia profunidade 10 km, laiha informasaun rezulta uma estragus.

Autoridade Protesaun Civil hakarak rekomenda bá komunidade hotu katak karik akontese anin bo’ot ruma husu komunidade atu bele hasees-an hosi fatin risku sira hanesan mota ninin, foho lolon, ai-hun bo’ot, liña eletrisidade no rai dokumentus importante iha fatin ne’ebé seguru.

Advertisement

Jornalista Estajiáriu: Lázaro Pereira Quefi

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Sei Foti Medida Própriu Hasoru Funsionáriu Tama Servisu Tarde

Published

on

Hatutan.com, (19 Jullu 2024), Díli – Ekipa konjunta; Komisaun Funsaun Públiku (CFP), Komisaun Anti-Korrupsaun (CAC),  Inspetór Jerál Estadu (IGE) no Diresaun Nasionál Patrimóniu Estadu  (DNPE) iha hela faze diskusaun atu foti medida própriu hasoru funsionáriu sira ne’ebe mak tama servisu tarde no sai servisu sedu.

(more…)

Kontinua Le'e

Nasionál

Ema Balun Lori Veteranu Nia Naran Impede Projetu Reabilitasaun Estrada Alas Vila Bá Wedauberek

Published

on

Hatutan.com, (19 Jullu 2024), Díli-Projetu reabilitasaun estrada husi Alas Vila bá Wedauberek, Suku Mahakidan, Munisípiu Manufahi, paradu besik fulan ona, tanba iha ema ka grupu balun lori veteranu nia naran bá halo impedimentu.

(more…)

Kontinua Le'e

Nasionál

Ramos-Horta husu Komisaun Organizadora Vizita Papa Francisco Servisu ho Másimu

Published

on

Hatutan.com, (18 Jullu 2024), Díli- Prezidente Repúblika (PR), José Ramos-Horta husu atu komisaun organizadora vizita Papa Francisco mai Timor-Leste atu halo servisu ho másimu atu lori susesu ba vizita pastorál ne’e.

(more…)

Kontinua Le'e
Advertisement

Trending