Hatutan.com, (30 Agostu 2024), Díli- Prezidente APORTIL, Institutu Públiku (IP), José Oliveira Leong, garante laiha kobransa ilegál iha ró-laran, tanba  ema hirak ne’ebé mak durante ne’e halo servisu hatún no hasa’e pasajeiru sira-nia sasán iha Portu Díli hetan koñesimentu husi APORTIL,I.P.

Lee Mós: APORTIL Seidauk Simu Informasaun Tripulante Sira “Haknauk” iha Ró Berlin Ramelau ho Nakroma

Ró Berlin Nakroma atraka hela iha Portu Díli, Tersa (11/06/2024). Foto/Tome da Silva

“Kona-bá kobransa ilegál ha’u hanoin loloos. Ne’e ita-nia interpretasaun bá linguajen ne’e mak laloos, akontese ka la akontese ami halo investigasaun bá direita ona iha kampu,” Prezidente APORTIL, I.P José Oliveira Leong haktuir hodi responde  Hautuan.com iha Portu Díli, Kuarta, 07 fulan-Agostu 2024.

Nia esplika katák durante ne’e ema sira ne’e mai uza kartaun bá loos ona halo sira nian servisu, maibé bá oin sei ko’alia ho sira  no sei tau ema sira ne’e iha nian fatin tuir regra ne’ebé mak APORTIL,I.P iha.

“Ne’ebé situasaun ida-ne’e ami resolve ona, bá tempu kotuk ha’u lahatene ami vogál dois ne’ebé ha’u ko’alia ida ami nian tempu ne’e, ne’ebé iha ne’e kuandu akontese buat ne’e ami investiga kedas, ne’ebé ami iha ona solusaun bá situasaun iha terminal portu nian,” Nia afirma.

Solusaun ne’ebé APORTIL,I.P foti mak tenke tau sira iha sira nia fatin no sira tenke servisu tuir regra ne’ebé mak APORTIL,I.P fó bá sira tanba iha fatin hotu-hotu servisu hanesan bá atendimentu públiku tenke iha nia regra, tanba sistema antes  la’o tiha ona maibé sem iha kontrolu.

Jornalista Estajiária: Zita Menezes