Hatutan.com, (09 Outubru 2024), Díli– Governu liuhosi Ministériu Transporte no Komunikasaun (MTK) seidauk iha desizaun kona-bá opersaun aviaun komersiál AirAsia-Indonézia ne’ebé submete ona pedidu atu halo operasaun ho rute Denpasar-Bali mai Díli, Timor-Leste no husi Díli bá Denspasar-Indonézia.

Lee Mós: Pozisaun AACTL Bá Inisiativa AirAsia: Governu Tenke Próteze Setór Privadu Nasionál

Ministru Transporte no Komunikasaun (MTK), Miguel Marques Gonçalves Manetelu. Foto/Tome da Silva

“Kuandu hau hateten aviaun semo antaun semo ona, se sidauk hateten signifika  sidauk” Ministru Transporte no Komunikasaun (MTK), Miguel Marques  Gonçalves Manetelu hateten hodi responde jornalista sira iha Palásiu Governu, Kuarta (09/10/2024).

Ministru Miguel Manitelu, konfirma katak prosesu operasaun aviaun komersiál husi nasaun ida bá nasaun seluk la’ós hanesan bá sosa brinkedu sira iha loja, osan iha to’o bá sasan mai. Tanba ne’e prosesu ne’e sei la’o no estadu ka Governu Timor-Leste sei tetu asepeitu hotu molok foti desizaun finál.

Ministru Transporte no Komunikasaun (MTK), Miguel  Manetelu  mós  bolu  no haruka ona karta ofisial bá  Autoridade Aviasaun Sívil Timor-Leste (AACTL) hodi  fó paresér ka opiniaun tékniku kona-bá regra  ka regulamentu sira ne’ebé prevalese iha akordu aéreu Timor-Leste ho Indonézia molok foti desizaun atu aviaun komersiál  AirAsia husi Indonézia bele halo operasaun tuir sira-nia pedidu.

Jornalista: Leopoldina de Carvalho