Hatutan.com, (10 Outubru 2024), Díli- Prezidente Repúblika (PR), José Ramos-Horta hateten rekonsiliasaun entre Timor-Leste ho Indonézia estraordináriu no sai ezemplu ba mundu tomak.

Lee Mós: Ramos-Horta Agradese bá Apoiu Oioin Hosi Austrália

Prezidente Repúblika (PR), José Ramos-Horta hato’o deklarasaun ne’e bainhira partilla situasaun Timor-Leste iha National Press Club of Austrália iha Kuarta (09/10/2024).

Ramos-Horta sai oradór iha National Press Club Austrália, Kuarta (09/10/2024). Foto/Mídia GPR

Komunikadu ba Imprensa ne’ebé Hatutan.com asesu husi Gabinete Média Palásiu Prezidensiál, informa imor-Leste nia modelu rekonsiliasaun ho Indonézia sai modélu ida extraordináriu iha mundu tamba bele simu malu hikas hafoin povu Timor deside ukun-an iha 1999.

“Hafoin restaura independénsia iha 20 fulan-Maiu 2002, oras ne’e Timor-Leste iha relasaun metin ho nasaun sira iha reziaun no mundu no kontinua dezenvolve-an no hatudu nafatin nia progresu iha aspetu hotu,” Ramos-Horta hateten.

Ramos-Horta subliña situasaun ekonomia Timor-Leste nian hatudu dadaun ona progresu signifikativu no progresu sira iha setór saúde, doutór sira aumenta ba bebeik inklui PhD Sura ho Liman fuan, maibe hafoin tinan 25 restaura ukun rasik san  Timoroan barak hasai PhD iha Europa, Amérika, Austrália, Japaun, Brazil no nasaun seluk.

Iha tiha 2002 Timor Leste iha doutor ituan los, maibé ho Kuba nia tulun ohin loron Doutor liu ona rihun Ida. Asesu eletrisidade ba populasaun sira kuaze 98% atu sa’e ba 100%. Númeru dezempregu tun ba bebeik. Konektividade Aereu  no terrestre nível nasionál máximu ona.

Ramos-Horta deklara mós katak Timor-Leste mós hatudu nia toleránsia reliziaun no kultura ida ne’ebé forte no sai mos pais ida ne’ebé promove direitu no demokrasia iha mundu.

 Jornalista: Vito Salvadór