Hatutan.com, (20 Fevereiru 2025), Díli- Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente, Francisco Kalbuadi Lay, afirma lista estrutura X Governu ne’ebé espalla iha públiku ne’e laloos ka falsu.

Lee Mós: Bankada CNRT Apoia PM Xanana Halo Remodelasaun

Vise-PM Francisco Kalbuadi Lay. Foto/Elio dos Santos da Costa

Francisco Kalbuadi Lay husu ba estrutura IX Governu Konstitusionál atu kontinua servisu no labele fiar ho lista estrutura sombra falsu ne’ebé espalla ba públiku.

Komunikadu ne’ebé Hatutan.com asesu husi Gabinete Média Vise-Primeiru-Ministru, Kinta (2/02/2025), revela katak relasiona ho estrutura sombra ne’ebé foin lalais ne’e espalla iha media sosial kona-ba mudansa kargu husi Xefe Governu to’o nia membru sira iha IX Governu Konstitusionál ne’ebé sai ona konsumu públiku atu publiku labele fiar.

Francisco Kalbuadi Lay hatutan informasaun ne’e bosok no husu ba públiku labele fiar, no husu ba membru Governu IX atu kontinua servisu no labele fiar lia-anin ne’ebé espalla iha media sosial liu-liu kona-ba estrutura sombra.

“Ha’u husu ba públiku labele fiar lia bosok ne’ebé espalla husi pesoál sira ne’ebé laiha responsabilidade, no ha’u mós hakarak dehan Governu IX nafatin depozita konfiansa ba maun-boot Kay Rala Xanana Gusmão nu’udar Primeiru Ministru iha Governasaun atuál, tanba ne’e membru governu sira nafatin konsentra ba servisu,” Francisco Kalbuadi Lay afirma.

Vise-Primeiru-Ministru ne’e mós informa to’o oras ne’e daudaun Governu solidu hela no seidauk iha desizaun ruma kona-bá mudansa estrutura Governu atuál.

Lista membru X Governu Konstitusionál Falsu ne’ebé empalla mak hanesan tuir mai ne’e:

1. Primeiro Ministro – FRANCISCO KALBUADI LAY
2. Vice Primeiro Ministro – MARIANO SABINO
3. Ministro Presidencia do Conselho Ministros – ADERITO HUGO
4. Ministro Finanças – SANTINA VIEGAS
5. Ministro Saúde – RUI ARAUJO
6. Ministro Economia – JOAQUIM AMARAL
7. Ministro Agrikultura – MARCOS DA CRUZ
8. Ministro Estranjeiro – DIONISIO BABO
9. Ministro Edukasaun – ADRIANO NASIMENTO
10. Ministro Defesa – PEDRO KLAMAR FUIK
11. Ministro Obras Publika – GASTAO SOUSA
12. Ministro Justiça – CARMELITA MONIZ
13. Ministro Petroleo e Minerais – AGIO PEREIRA
14. Ministro Interior – GIL OAN SORU
15. Ministro Tranporte e Telekomunikasaun – MIGUEL MANETELU
16. Ministra Soliedariedade Sosial – VERONICA DAS DORES
17. Ministro Comercio Industria – AGUSTO JUNIOR
18. Ministro Estatal – JACINTO RIGOBERTO
19. Ministro Ensino Superior – JOSE HONORIO
20. Ministro Planeamentu – XANANA GUSMAO
21. Ministro Veterano – SOMOXO
22. Ministro Turismo e Ambiente – VIRGILIO SMITH
23. Ministro Asunto Parlamentar – CEDELIZIA SANTOS

VISE MINISTRU:

1. Vice Ministro Finansas – SARA LOBO BRITES
2. Vice Ministro Saude – ODETE VIEGAS
3. Vice Ministro Agrikultura – JOSE VIEIRA ARAUJO
4. Vice Ministro Estranjeiro – ROBERTO SOARES
5. Vice Ministro Edukasaun – LURDES BESA
6. Vice Ministro Sosial – CEO BRITES
7. Vice Ministro Comersiu Industria – JACINTO XAVIER
8. Vice Ministro Estatal – PAULO REMEDIOS
9. Vice Ministro Planeamento – JULIO TOMAS PINTO

SEKRETARIU ESTADU:

1. SE. Koperativa – ARSENIO PEREIRA
2. SE. Terras e Propriedade – JAIME XAVIER
3. SE. SEATOU – GERMANO SANTA BRITES
4. SE. Igualidade – VENERANDA LEMOS
5. SE. Komunikasaun Sosial – ANTONIO SAMPAIO
6. SE. Artes e Kultura – JORGE SOARES
7. SE. Sefope – ROGERIO MENDONÇA
8. SE. Eletricidade Àgua e Saneamento – SANTOS NORONHA 
9. SE. Protesaun Sivil – ALEXANDRINO XAVIER
10. SE. Veteranos – CUSTODIO BELO ALIN LAEK
11. SE. Juventude Desportu – GREGORIO SALDANHA MOURIS

Jornalista: Vito Salvadór