Hatutan.com, (25 Fevereiru 2025), Díli- Embaixadora Repúblika Populár Xina iha Timor-Leste, Wang Wenli hamutuk ho Komandante-Jerál Polísia Nasionál Timor-Leste (PNTL) Komisáriu Jerál Polísia Henrique da Costa hamutuk ho reprezentante sira husi empreza investimentu Xinés no Asosiasaun komunidade Xinés, Tersa (25/02/2025), halo reuniaun tripartida ba daruak  hodi ko’alia kona-bá projetu direitu lejítimu empreza Xinés no komunidade Xinés  iha Timor-Leste.

Lee Mós: Xina iha Kompromísu Boot Tulun Nafatin Dezenvolvimentu Timor-Leste

Enkontru tripartida Embaixada Xina iha TL ho PNTL, Tersa (25/02/2025). Foto/Vito Salvadór

Embaixadora China Wang Wenli ba jornalista sira hateten, Embaixada Repúblika Populár Xina iha Timor-Leste hamutuk ho PNTL reprezenta sira husi empreza investimentu Xinés no Asosiasaun komunidade Xinés halo reuniaun tripartida segundu ba projetu direitu lejitimu empreza Xinés no komunidade Xinés iha Timor-Leste.

“Dezde mekanizmu Tripartida ne’e estabelese tinan kotuk progresu signifikante hetan hodi hadi’a komunikasaun entre PNTL no komunidade projetu seguransa empreza Xinés no komunidade Xinés, rezultadu pratika sira ne’e refleta Timor-Leste nia kompromisu atu hadi’a relasaun bilaterál ho PNTL nia esforsu ne’ebé la para maibé mantein estabilidade sosial no seguransa públiku ne’ebé ami apresia tebes,” Embaixadora Xina Wang Wenli hateten.

Diplomata Xinés ne’e hatutan relasaun Xina ho Timor-Leste hetan progresu historiku iha tinan naruk, iha fulan Jullu 2024 Prezidente Repúblika (PR), José Ramos Horta hala’o Vizita estadu istóriku ba Xina,  ne’ebé Prezidente Xi Jinping ho Prezidente Repúblika José Ramos-Horta halo diskusaun amijavel no hetan konsensu importante hakarak dalan ba komunidade futuru ida fahe ba ema hotu.

Empreza Xinés sira no Kamara komérsiu iha Timor-Leste kontribui tebes ba dezenvolvimentu sosiál ekonómiku nasaun nian liu husi partisipasaun multimensaun no inisiativa responsabilidade sosiál, vou direta Primeiru entre Xina no Timor-Leste lansa ne’ebé sei hadi’a liu tan no troka entre nasaun rua no kooperasaun ekonómiku.

Embaixadora Wang Wenli espera katak empreza no sidadaun Xinés barak liu sei investe servisu no vizita Timor-Leste.

“Xina prontu atu hadia mekanizmu Tripartidu liu husi estabelese Plataforma komunikasaun regular no hadi’a protokolu resposta emerjénsia nomea pontu kontaktu permanente forma ekipa voluntáriu tradutór no enkoraja empreza no ema privadu atu aumenta konsiénsia seguransa liu-hosi treinamentu regular,” Nia subliña.

Ba futuru embaixada Xina iha Timor-Leste sei kontinua fó kontribuisaun ba PNTL no Xina mós iha planu atu fo apóiu ekipamentu ba PNTL hodi hasae kapasidade servisu PNTL nian.

Embaixada Xina mos iha planu sei oferese kapasitasaun rekursu umanu ba instituisaun PNTL no haruka membru sira ba aprende no tuir treinamentu iha Xina.

Komandante Jerál PNTL Komisáriu Jerál Polísia Henrique da Costa hateten enkontru tripartida ida-ne’e hamutuk ho Embaixadóra Xina hamutuk ho reprezenta sira husi empreza investimentu Xinés no Asosiasaun komunidade Xinés sira iha Timor-Leste ho intensaun atu pasa mos informasaun sira kona-ba seguransa iha Timor-Leste.

Nia afirma liu husi enkontru triparti ida ne’e atu partilla mos informasaun seguransa nian tamba investor sira atu mai investe iha Timor-Leste sira mos sei hare mos ba servisu seguransa nian.

“PNTL elojia dezenvolvimentu relasaun bilaterál no rekoñese kontribuisaun signifikante empreza mo sidadaun Xinés ba dezenvolvimentu Timor-Leste nian, no atuasaun kondisaun seguransa públiku foun no promete atu responde preokupasaun Xina nian liu husi aumenta tropa Polísia, Estadarliza prosedura Polísia no hadia resposta emerjénsia hodi garante ambiente seguru ba parseiru Xinés sira, promove koperasaun profunda liu tan.” Hateten Komisáriu Henrique da Costa.

Komisáriu ne’e subliña liután katak enkontru triparti ne’e efikasmente aumenta seguransa no kria oportunidade ba investimentu produsaun no moris iha Timor-Leste ra hateten katak konfia an liu ba kooperasaun no kompromisu atu kontribui tan ba amizade Xina ho Timor-Leste.

Jornalista: Vito Salvadór