Hatutan.com, (05 Marsu 2025), Díli– Reprezentante Santa Sé iha Timor-Leste, Mgr. Marco Sprizzi, Kuarta-feira Sinzas (05/03/2025), prezide  Misa despedida  ho prezu sira iha Prizaun  Becora, Díli.

Lee Mós: Kuarezma, Tempu Naton Atu Ema Fila Hikas Ba Objetivu Moris Nian ho Dalan Tolu

Reprezentante Santa Sé iha Timor-Leste, Mgr. Marco Sprizzi prezide misa Kuarta-feira Sinzas (05/03/2025) iha Prizaun Becora, Díli. Foto/Zita Menezes

Mgr.  Marco Sprizzi hala’o nia misaun hanesan reprezentante Santa Sé nian mai Timor-Leste durante tinan-neen ona no dau-daun ne’e Santu Padre Francisco nomeia nia hanesan Prezidente da Autoridade de Traballu Santa Sé nian, signifika hanesan ministru iha Vatikanu.

“Ohin, ha’u nia Misa ikus bá públika iha Timor-Leste. Liu tiha tinan-neen no fulan-rua Reprezentante Amu Papa nian mai Timor-Leste rai ida furak tebes no ha’u atu husik hela Timor-Leste. Liuhusi tinan Santu Padre ha’u bá ferias tiha, antes  ida-ne’e ha’u ko’alia ho Padre Kapelaun  hodi halo Misa bá Prizaun Becora,” Mgr.Marco Sprizzi  hateten iha nia omilia.

“Ida ne’e hanesan vokasain ida ida-idak sira liuliu ita ne’ebé hela iha fatin ne’e. Doben Guarda sira hanoin bá iha Prijioneiru sira nia aan ne’e Jesus iha ne’ebá. Ida-ne’e la dehan katak la apliká regra sira, maibé regra sira ne’e nesesáriu, Justisa la’o tuir regra sira ne’ebé iha ona ita tenke kumpri. Ita nia komunikasaun ho dadur sira ho respeitu no haree Jesus iha dadur sira nia aan. Laiha sala ida ne’ebé Jesus lakohi perdua,” Mgr. Marco Sprizzi afirma.

Nia esplika atu hetan perdaun sarani hotu-hotu  hakribit sala, presiza husi nia aan katák  ema sala na’in  mak halo sala, tanba ne’e molok hahú Misa ne’e  ida-idak husu perdaun bá  sala. Amu Papa Francisco bá vizita kadeia sira ne’e nia sempre hanoin buat ne’ebé akontese bá dadur. Ida-ne’e  la Justifika sala, maibé ema ida-idak buka hai’a aan.

“Ha’u mós reprezentante Amu Papa nia iha ne’e, husu ita ida-idak rekonsila ita nia aan. Jesus hateten dalan bátolu, esmola, orasaun no Jejun ka halo peniténsia. Dala tolu ida-ne’e ita ida-idak bele hala’o ita rekonssila ho Maromak ita hotu-hotu hala’o dalan ida-ne’e. Ha’u sei hato’o imi nia saudasaun bá Santu Padre Papa Francisco,” nia tenik.

Iha selebrasaun misa Kuarta-Feira Sinzas ne’e Minstériu Justisa Sergio Hornai de Jesus  hato’o agradese bá Mgr. Marco Sprizzi ne’ebé hamutuk ona ho povu Timor iha tempu barak nian laran no ohin loron espesiál tebes hodi  komemora loron importante loron kuarta-Feira sinzas nu’udár sarani katoliká.

“Hanesan tradisaun ne’ebé ema katoliká iha kada tinan iha nia istória buka atu bele tau nian fé oinsá atu halo konversaun diariamente fé ne’ebé iha bá iha Aman Maromak. Agradese bá amu tanba bele selebra misa ho ema sira ne’ebé hela iha prizaun no mós maluk sira ne’ebé tau matan bá iha prisioneiru sira,” Minstru Jusitisa Sergio Hornai  hateten.

Tuir dadus husi Ministériu Justisa katák, agora daudaun prizaun Becora akomoda prezu 425 no     iha prizaun Gleno  akumula prezu 101 ho iha prizaun Suai akumula prezu liu 100.

Jornalista Estajiária: Zita Menezes