Hatutan.com, (08 Abríl 2025), Díli--Grupu Traballu Rekonsiliasaun hamutuk ho Centro Nacional Chega (CNC) aprezenta dokumentu rua kona-bá rekonsoliasaun entre Timoroan ho Timoroan bá Primeiru-Ministru (PM), Kay Rala Xanana Gusmão.

Lee Mós: Rekonsiliasaun Timor-Leste ho Indonézia Sai Ezemplu bá Mundu

PM Xanana Gusmão vizita CNC iha Antigu Komarka Balide, Díli, Tersa (08/04/2025). Foto/Elio dos Santos da Costa

Portavós Grupu Traballu Prosesu Rekonsiliasaun Timoroan, Joaquim Russo Fonseca, hateten hasoru malu ho Primeiru-Ministru hanesan oportunidade ida bá Grupu Traballu hamutuk ho CNC aprezenta bá Governu prosesu preparatóriu ne’ebé maka grupu traballu halo ona hodi prepara ba prosesu rekonsiliasaun entre Timoroan ho Timoroan.

“Dokumentu rua mak aprezenta, hanesan nota konseitu kona-bá rekonsiliasaun entre Timoroan, ida-ne’e atu aprezenta vizaun jerál kona-bá rekonsiliasaun. Dokumentu seluk mak termu referénsia bá prosesu rekonsiliasaun, ne’e ko’alia kona-bá tékniku ne’ebé mak tenke foti iha prosesu ida ne’e hodi fó fatin bá Timoroan sira atu bele fó dame bá malu,” Joaquim Russo Fonseca hateten iha edefísiu CNC, Balide, Tersa (08/04/2025).

Joaquim hatutan, rekonsoliasaun ne’e dadaun sei iha prosesu preparatóriu, prosesu ida ne’e la’ós foin hahú, maibé kontinua prosesu sira seluk ne’ebé mak akontese tiha ona iha pasadu, hanesan liuhosi CAVR, prosesu rekonsiliasaun komunitária, ne’ebé balun mai hosi inisiativa komunidade rasik ho fasilitasaun hosi sosiedade sivil sira.

Primeiru Ministru fó ninia hanoin kona-bá dokumentu ne’ebé grupu triballu prepara hodi kompleta saida mak seidauk inklui iha dokumentu ne’e.

PM Xanana haree dokumentu ne’e pozitivu, no agradese ba esforsu sira ne’ebe grupu traballu halo, no kompromete apoia intermu pesoal no nu’udar Xefe Governu IX Governu bá prosesu rekonsoliasaun ida-ne’e.

Jornalista: Elio dos Santos da Costa