Hatutan.com, (11, Juñu 2025) Díli–Daudaun ne’e kondisaun eletrisidade iha Ataúro bele lakan deit oras 18 nia laran. Nune’e, Ministru Obras Públika, Samuel Marçal, despaxa tan jeradór ida ba Ataúro atu garante eletrisidade lakan durante oras 24 nia laran.

Lee Mós: EDTL,E.P Eziste Prezidente Rua, Sekretáriu Estadu Ida ho Komisáriu Rua

Ministru Obras Públika, Samuel Marçal. Foto/Dok

Ministru Obras Públiku Samuel Marçal hateten  Governu  presiza aumenta tan fatin nune’e husu bá komunidade sira  hodi fó fatin  atu aumenta tan  tanke   rezerva mina  atu nune’e bele lakan to’o oras  24 nia laran.

“Ha’u haruka ona jeradór ida bá Ataúro hodi halo instalasaun, espera katak iha tempu badak ne’e  eletrisidade bele lakan ona oras 24  nia laran,” Ministru Samuel Marçal hateten bá Jornalista sira iha Palásiu Governu, Kuarta (11/06/2025).

Daudaun ne’e servisu  instalasaun jeradór bá Ataúro la’o hela, atu nune’e bá oin  eletrisidade ne’e  bele lakan oras 24  nia laran. Tanba ne’e,  Governu  hala’o esforsu   atu  eletrisidade iha Ataúro tenke lakan to’o oras 24 nia laran kada loron.

Distribuisaun liña eletrisidade iha fatin seluk iha Ataúro, hanesan iha Beloi, Bikeli, Makadade, no Matenek, hetan eletrisidade ba tempu ruma de’it tan distánsia no limite kapasidade rede.

 Jornalista: Marcelino Tomae