Hatutan.com,  (24 Setembru 2025), Díli–  Primeiru-Ministru (PM) Kay Rala Xanana Gusmão  hamutuk ho nia omólogo Primeiru-Ministru Malázia, Dato‘ Seri Anwar Bin Ibrahim lansa fatuk dahuluk  ba projetu Sentru Konvensaun Internasionál Timor-Leste ne’ebé sei konstrui iha antigu Portu Dili.  

Lee Mós: PM Anwar Ibrahim To’o iha Timor-Leste Simu Direta husi Xanana-Ramos Horta

PM Anarwar Ibrahim akompaña husi PM Xanana, PR José Ramos-Horta ho vise-PM na’in-rua; Francisco Kalbuadi Lay ho Mariano Assanami Sabino lansa fatuk dahuluk projetu Sentru Konvensaun Internasionál Timor-Leste iha antigu Portu Dili. Foto/Média Vise-PM

Primeiru-Ministru (PM) Kay Rala Xanana Gusmão  bá  jornalista sira, Kuarta (24/09/2025),   esplika lansamentu bá Sentru Konvensaun Internasionál Timor-Leste  ne’e la’ós  de’it Timor-Leste  atu adere bá ASEAN, maibé haree mós  planu  Governu atu dezemvolve ekónomia azúl.

“Lansamentu ida-ne’e la’ós de’it tanba ASEAN,  maibé  kondisaun ida mós bá ASEAN,  ita haree bá haree mai  ita iha ona Portu Tibar iha ne’e ita haree bá  iha kedas sentrál  ita-nia rai nian  ne’e  bainhira tama Governu  no mós tanba ekonómiaaAzul  dala ruma ita temi ekonómia Azul, maibé la hatene saída  maka ekonómia azul,” PM Xanana dehan.

Xefe Governu ne’e haktuir, iha tinan rua ka tolu liubá  husi Austrália sempre mai iha ne’e,  semana rua iha ne’e,  tanba Governu husu apoiu ró na’in sira  lori universitáriu, dosente sira  hodi haree, tanba  tenke dezenvolve ona ekonómia azul.

“Tanba ita haree bá ita tama  ASEAN iha loron 26 fulan-Outubru, tinan ne’e,  ita tuir órden Malázia iha tinan ida-ne’e  no  Myanmar iha 2026,  no 2027 maka singapura, 2028 Tailandia no 2029  Timor-Leste ho ida-ne’e maka ita prepara  Sentru Konvensaun Internasionál tenke  termina konstrusaun  iha 2028,” Xanana afirma.

Nia hateten, preparasaun ne’e  la’ós de’it tanba ASEAN, maibé ne’e hanoin antes kedas  hodi  fó netik buat ruma, tanba ne’e sé hadia hotu tasi ibun sira ne’e  atu nune’e  sai buat di’ak ruma.

Nia  haktuir  agora  loke dadauk ona estrada buat sira ne’e hotu,  hanesan  ordenamentu  urbana,  atu nune’e bele dada turista sira mai Timor-Leste, maka liu-husi planu dezemvolvimentu ekónomia azul.

PM Xanana haktuir tan,  Amrikanu sira servisu iha  nasionál jiografika sira bá haree depois kontaktu, depois  Governu Timor-Leste husu bá sira kontinua,  nune’e  husik tiha nasionál jioigráfika, agora haree  maka Ataúro, ho sira konsege duni  iha tinan  hirak liubá   komunidade Ataúro  hodi bele hatuur   tarabandu.

Jornalista: Marcelino Tomae