Edukasaun
Deskonfia, MS ho FDCH Prátika Familiarizmu iha Bolsa Estudu
Hatutan.com, (20 Novembru), Díli—Bankada FRETILIN alega Ministériu-Saúde (MS) ho Fundu Dezenvolvimentu Kapitál Humanu (FDCH-sigla portugés ) prátika familiarízmu bá prosesu bolsa estudu.
Lee Mós: AJAR Konsidera Vise-Ministru Saúde José dos Reis Magno Komete Korrupsaun Pekulatu
Asaun pasifisku husi estudante universidade sira kontra desizaun Governu muda Programa Bolsa Hakbiit bá Bolsa Parsiál, Segunda (22/07/2024). Foto/Dok
Liuhosi debate Espesialidade bá Orsamentu Jerál Estadu (OGE-sigla portugés) 2026 iha Parlamentu Nasionál (PN), Kinta (20/11/2025), membru Bankada FRETILIN, Joaquim dos Santos hato’o nia observaun krítiku bá kazu rua, mak hanesan; ida husi Ministériu Saúde, hetan bolsu estudu bá Cuba, seluk husi FDCH) kona-bá bolsu estudu bá Portugál.
“Ha’u hein katak kazu ne’ebé ha’u foti ne’e la akontese tan iha prátika favoritzimu no famliarizmu iha fó bolsu estudu ita-oan sira,” Deputadu Joaquim afirma.
Nia hateten, kazu ne’e akontese iha Ministériu Saúde, veteranu ida nia oan nu’udar abitante ida bá bolsu estudu ne’e ho valór aas liu kanditadu hotu-hotu, maibé konkerenisa la hetan, sira ne’ebé valor iha okos maka hetan fali.
Nia dehan, kazu seluk mós husi FDCH, abitante ne’e fakuldade direitu veteranu ida nia oan, konkore ho valór aas liu-hotu-hotu sira seluk, maibé la hetan bolsu, maske konkore maibé nia maluk sira ne’ebé iha valór ki’ik liu nia maka hetan fali. Tanba ne’e, Deputadu Joaquim dos Santos, konsidera Governu maka laiha jentaun di’ak bá kontrollu iha ezersisiu atribui bolsa ho justu tuir nia rekizitu propriu.
“Ha’u kuandu rona informasaun ne’e ha’u fuan moras. Rekizitu ne’e dehan méritu nia hatene hotu no valór boot, maibé sira seluk valór iha okos maka manán, nia lakon, depois nia perténse bá familia veteranu,” Deputadu Joaquim dos Santos afirma,
Nia esplika, tuir estatutu ne’e fó previlejiu bá veteranu sira, tanbasá maka buat ne’e tenke akontese, tanba ne’e Deputadu Joaquim sénte dúvida uitoan jestaun Governu ninian.
Hatán bá informasaun ne’e Ministru Planeamentu no Investimentu Estratéjiku (MPIE), Gestão Francisco de Sousa husu bá Deputadu Joaquim dos Santos atu aprezenta evidénsia hodi prosede bá investigasaun.
“Agradese tebes bá informasaun ne’ebé maka hato’o mai maibé bá oin ha’u espera katak buat ne’e sei la akontese, maibé ha’u presiza hatene ténke dadus konkretu hanesan naran buat sira ne’e hotu atu bele halo investigasaun ho sériu no kle’an,” Ministru Gestáo de Sousa hateten.
Nia fundamenta tan katak, tanba iha bolsu oioin, ida bá reforma justisa, iha ekipa atu haree, tanba ne’e presiza dadus konkretu hodi avansa bá investigasaun.
“Tanba ita hotu lakohi buat ne’e akontse, iha nasaun ne’ebé de’it ema hotu iha direitu, la’ós tanba nia husi partidu ida-ne’ebá, tanba ne’e fó dadus mai, ha’u sei investiga ho seriedade,’’ Ministru Gastão de Sousa afirma.
Jornalista:Marcelino Tomae
Hatutan.com (15 Outubru 2026), Díli– Universidade Nasionál Timor-Lorosa’e (UNTL), liuhusi Komisaun Instrusaun, hala’o hela investigasaun ba dosente na’in rua iha Fakuldade Edukasaun no Humanidade, ne’ebé hetan alegasaun kona-ba kobransa ilegál ba estudante sira.
Pró-Reitor Asuntu Jurídiku, José Tomás Alves, ne’ebé nu’udar membru Komisaun Instrusaun, hatete katak kazu ne’e hahú bainhira estudante sira hato’o keixa ba estrutura kompetente iha UNTL. Depois, kazu ne’e refere ba Konsellu Disiplinár, ne’ebé kria Komisaun Instrusaun atu hala’o investigasaun.
José Tomás esplika katak Komisaun Instrusaun nomeia ona iha loron 17 Jullu 2026 no hahú servisu kedas. Tuir nia, suspensaun temporária ba dosente na’in rua ne’e importante atu evita interferénsia durante prosesu investigasaun no fó oportunidade ba estudante sira atu hato’o sira-nia deklarasaun ho liberdade.
“Nomeasaun husi Komisaun Instrusaun ne’e tun kedas iha loron 17 Jullu. Ami halo kedas servisu, tanba bainhira investigasaun la’o, profesór sira ne’e kontinua hala’o sira-nia atividade letiva, hanesan orientasaun no hanorin, ida-ne’e bele afeta estudante sira, tanba ne’e, Komisaun Instrusaun propoin ba Konsellu Disiplinár atu emite suspensaun ba dosente na’in rua,” José Tomás hatete iha Kampus Liceu, kuarta-feira, 14 Outubru 2026.
Nia hatutan, Konsellu Disiplinár emite karta suspensaun iha loron 8 Setembru 2026, ho prazu fulan ida, suspensaun ne’e atu para temporariamente atividade dosente sira ne’ebé hetan alegasaun viola sira-nia dever profisionál, no atu fasilita prosesu rona deklarasaun husi estudante sira.
“Karta suspensaun ne’e nia objetivu atu suspende temporariamente atividade profesór sira ne’ebé hetan alegasaun viola sira-nia dever, atu nune’e estudante sira bele ko’alia ho livre no fó oportunidade ba Komisaun Instrusaun atu rona sira-nia deklarasaun,” nia esplika.
Maski prazu suspensaun ne’e remata ona iha loron 8 Outubru 2026, ida-ne’e la signifika katak kazu ne’e rezolve ona. Tuir nia, prazu investigasaun bele estende se Komisaun Instrusaun konsidera katak kazu ne’e kompleksu no presiza tempu tan atu halibur evidénsia.
Nia hatete, komisaun sei kontinua rona testemuña no suspeitu sira, no halibur prova relevante sira atu bele konklui investigasaun ho kuidadu.
“Investigasaun ne’e sei kontinua, tanba ami presiza rona testemuña no suspeitu sira, no halibur prova sira. Hare’e ba komplesidade kazu ne’e, ami presiza tempu atu asegura katak prosesu investigasaun la’o ho di’ak,” nia afirma.
José Tomás hatete, depois Komisaun Instrusaun konklui relatóriu investigasaun, relatóriu ne’e sei submete ba autoridade kompetente iha UNTL, se hetan katak dosente sira viola duni sira-nia dever profisionál, Reitór sei foti desizaun tuir kompeténsia ne’ebé mak iha.
To’o agora, prosesu investigasaun sei kontinua, no alegasaun kona-ba kobransa ilegál ne’e sei presiza hetan konfirmasaun liuhusi rezultadu investigasaun.
Jornalista: Felix Fernandes
FRETILIN Kestiona no Duvida, Sé Mak Benefisiáriu Direta OJE 2027
Governu ho PN Hahú Diskute OJE 2027 ho Total Montante Billiaun US$2.57
Austrália fó oportunidade bolsa estudu ba jornalista joven Timor-oan na’in-rua
Xanana: Pesoalmente ha’u sei apoia feto kandidata ba Prezidente Repúblika períodu 2027–2032
Eleitór Timor-Oan Liu 11.600 Halo Resensiamentu iha Diaspora Iha Ámbitu Preparasaun Eleisaun Prezidénsial 2027
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál4 days agoXanana: Pesoalmente ha’u sei apoia feto kandidata ba Prezidente Repúblika períodu 2027–2032
-
Nasionál14 hours agoGovernu ho PN Hahú Diskute OJE 2027 ho Total Montante Billiaun US$2.57
-
Defeza & Seguransa5 days agoDurante Períodu Finadu, Mosu Asidente 23 no Rezulta Vitíma ida Lakon Vida
-
Nasionál6 days agoPR José Ramos-Horta Hala’o Vizita Ba Repúblika Koreia
-
Nasionál4 days agoEleitór Timor-Oan Liu 11.600 Halo Resensiamentu iha Diaspora Iha Ámbitu Preparasaun Eleisaun Prezidénsial 2027
-
Nasionál3 days agoAustrália fó oportunidade bolsa estudu ba jornalista joven Timor-oan na’in-rua
-
Polítika12 hours agoFRETILIN Kestiona no Duvida, Sé Mak Benefisiáriu Direta OJE 2027