Connect with us

Uncategorized

Tribunál Aplika Medida Koasaun TIR, AP ho Proibisaun Auzénsia Ba Xinés Ne’ebé Utiliza Pistola ho Kilat PNTL

Published

on

Hatutan.com, (21 Novembru 2025), Díli– Tribunál Judisiál Primeira Instánsia Dili (TJPID), Sesta (21/11/2025), hala’o primeiru interrogatóriu ba sidadaun Xina ho   inisiál SD ne’ebé envolve iha utiiza pistola ho kilat Polísia Nasionál Timor-Leste nian hodi hal otreinu iha fatin treinu tiru iha Kaitehu, Munisípiu Liquiça, foin lalais ne’e.

Arguidu SD nu’udár sidadaun Xina ne’ebé envolve iha utiliza kilat ho pistola PNTL nian hodi treinu tiru iha Kaitehu, foin lalais ne’e. Foto/Juvinal Cabral dos Santos

Prosesu judisiál ne’ebé rejistu ho Númeru Úniku Krime (NUC): 0313/25.PNSIC, juís turnu, José Gonçalves hatun despaixu aplika medida koasaun tolu, mak hanesan;

  1. Medida Termu Identidade Rezidénsia (TIR)
  2. Aprezentasaun Periódika (AP) husu atu arguido sidadaun Xina ne’e aprezenta aan biha Eskuadra PNTL Dom-Aleixo fulan ida dala-rua
  3. Proibisaun ba auzénsia hodi bandu arguidu SD sai husi teritóriu Timor-Leste durante prosesu ne’e la’o hela ho medida kaosaun US$10,000.00.

Observasaun Hatutan.com, Sesta (21/11/2025), hale’u 14:00 Otl, sidadaun Xina ho inisiál SD ne’ebe membru Korpu Seguransa Pesoál (CSP) fasilita fó kilat ho pistola ba nia hodi  treinu tiru iha Kaitehu ne’e, prezensa iha Primeiru-Interrogatoriu Tribunal Judisial Primeira Instánsia Díli akompaña husi autoridade seguransa polísia.

Durante iha prosesu interogatóriu ba kazu ne’e Ministeriu Públiku liuhusi Prokuradór João Marques promove arguidu ho krime arma proivida ne’ebé previstu no punidu iha artigu 211 husi Kódigu Penál Timor-Leste.

Liuhosi prosesu interogatóriu  dahuluk ne’e Ministeriu Públiku (MP) iha nia alegasaun husu ba Tribunál atu aplika medida aprezentasaun periódika, proibisaun auzénsia no medida obrigasaun selu osan kaosaun ba Tribunál $10,000.00

Advertisement

Iha alegsaun Defeza ne’ebé fó asisténsia legal ba arguido,  Advogadu Privadu Jerónimo Piedade da Silva husu atu Tribunál absolve nia kliente husi krime ne’ebé Ministeriu Públiku promove tanba iha indikasaun katak  detensaun ne’ebé mak autoridade sira halo hasoru nia kliente ne’e iha iregularidade uituan. Infelismente, Tribunál adopta no aplika  medida koasaun tolu ne’e ba arguido SD.

Iha entervista Defeza Arguidu nian Jerónimo, fundamenta katak  nia parte la konkorda ho despaisu Tribunál nian, nune’e sei halo rekursu hodi kontesta ba despaisu referida.

“Husi ami nia parte la konkorda, mas ida ne’e mak desizaun Tribunálno ita tenke obedese maibé se ita la konkorda ita iha via seluk para rekore hodi halo rekursu,” Jerónimo Piedade da Silva hateten.

Jornalista: Juvinal Cabral dos Santos

Advertisement
Continue Reading
Advertisement
Click to comment

Leave a Reply

Your email address will not be published. Required fields are marked *

Uncategorized

Deskonfia Falsifika Dokumentu Veteranu, HABADA Husu Komandu Jerál PNTL ho Ministru Interiór Fó Sansaun Todan Ba Superintendente Asistente Polísia AQ

Published

on

By

Hatutan.com, (17 Novembru 2025), Díli– Diretór Ezekutivu Asosiasaun Hali Ba Dame (HABADA), Abel Amaral husu Komandu Jerál Polísia Nasional Timor-Leste (PNTL) ho Ministru Interiór (MI), Francisco da Costa Guterres, tenke halo investigasaun no fó sansaun todan ba Superintendente Asistente  Polísia  AQ  ne’ebé deskonfia falsifika dokumentu veteran hodi hetan grau 8 a 14.

(more…)

Continue Reading

Uncategorized

PNTL Detein Inan-Aman Ne’ebé Nia Oan Fó Isin-rua Bá S

Published

on

By

Hatutan.com, (29 Jullu 2025), Díli–Polísia Nasionál Timor-Leste (PNTL) detein inan-aman ne’ebe sira-nia oan mane fó isin rua ba nia namorada ho inisiál S.

(more…)

Continue Reading

Nasionál

Governu Kontínua Suspende Atividade Prátika Arte-Marsiál bá Fulan-6 Tan

Published

on

Hatutan.com, (30 Outubru 2024), Díli-Sorumutu Konsellu Ministru ordináriu, Kuarta (30/10/2024), iha Palásiu Governu, aprova  projetu Rezolusaun Governu nian ida hodi kontínua halo suspensaun ka hapara atividade sira prátika grupu arte-marsiál nian bá fulan-neen (6) tán.

(more…)

Continue Reading

Trending