Hatutan.com, (23 Dezembru 2025), Díli-Ministru Interiór, Francisco da Costa Guterres, promote sei mellora servisu Polísia Nasionál Timor-Leste (PNTL) iha tinan foun 2026.

Lee Mós: PNTL Husu Loja Nain iha Kapitál Díli Koloka Pesoál Estasionamentu Hodi Regula Transporte Sira

Membru PNTL na’in-505 ne’ebé identifika nu’udár membru GAM&GAR, Segunda (10/03/2025), ofisiálmente entrega sira-nia atributu hodi jura serbí de’it povu no rai-doben RDTL. Foto/dok

Ministru Interiór (MI) Francisco da Costa Guterres ba jornalista sira iha Sentru Formasaun Polisia (CFP-sigla portugés), Comoro, Tersa (23/12/2025) hateten, Governu apresia ho servisu PNTL durante ne’e, maibé 2026 sei mellora servisu di’ak liután nune’e PNTL bele servisu profisionál liután.

“Iha avaliasaun ne’e ita buka haree saida mak di’ak no saida mak ladi’ak, oinsá ho rekursu umanu no ekipmanetu sira, nune’e iha tinan 2026 ita komesa mellora hotu para nune’e sira nian servisu iha terenu ne’e di’ak atu bele ajuda nasaun,” Francisco da Costa Guterres hateten.

Nia afirma, Ministeriu Interiór nian planu ba tinan oin kontinua foku ba  hadia kapasidade operasionál instituisaun ne’ebé mak iha Ministeriu nia okos ne’e liliu  PNTL Imigrasaun sira no sira  prevensaun konflitu inklui  autoridade protesaun sivíl.

Ministru Interiór informa, , avaliasaun institusaun ne’e importante, primeiru atu instituisaun relata kona-bá saida mak halo tiha ona tinan rua nia laran ne’e (2024 no 2025) depois husu ba sira idak idak atu identifika sira nia problema no dezafiu saida mak sira enfrenta  durante sira halo sira-nia servisu.

Governante hatutan, husi avaliasaun ne’e  foin hatene instituisaun sira ne’e nia problema mak prinsipiu, lojistika ka tanba  problema ne’e kapasidade ka  atetude ka tanba menus rekusu umanu.

“Ita identifika no 2026 ita sei hadia di’ak liután,” Ministru Interiór Francisco da Costa Guterres tenik.

Jornalista: Juvinal Cabral dos Santos