Hatutan.com, (19 Maiu 2026), Díli–Prokuradór-Jerál  Repúblika  (PGR, sigla portugés), Nelson de Carvalho,  la fiar relatóriu husi Autoridade Aduaneira liu-husi  Diresaun Nasional Operasaun Departamentu Alfándega ne’ebé hamutuk ho  Polísia Sientífiku Investigasaun Kriminál (PCIC) halo teste bá droga hamutuk  grama 980,8 tipu kokaína.

Lee Mós: Kazu Droga Kokaína Grama 980,5, Deskonfia Autoridade Sira Taka De’it no Halo Destroisaun Ba Prova sira

Prokuradór-Jerál Repúblika Nelson de Carvalho hateten bá Hatutan.com iha palásiu Prezidensiál, Tersa (19/05/2026), konfirma katak kazu droga  ho tipu Kokaína hamutuk 980,5 grama ne’e Ministériu Públiku maka halo investigasaun la’ós Autotoridade Aduaneira.

“Agora sira (Autoridade Aduaneira-Red), maka ivestigadór ka? Ministériu Públiku maka investigadór, ita bele ko’alia, maibé buat ne’e teste lai bá laboratoriu,  maka bele hatene katak bele ai-farina uut, bele trigu uut, loos ka lae, hein de’it rezultadu,” PGR Nelson de Carvalho heteten.

PGR Nelson afirma, nia la lembra ona grama hira, maibé kazu ne’e valór loloos ne’e maka 980,5 grama maka halo teste  nia sampel iha Portugál.

“Ne’ebé 980,5 grama ne’e, la’ós bá teste hotu, maibé ita fó sampel de’it, iha Portugál,” dehan PGR Nelson.

Tuir Kronolójia

Iha  Segunda-feira  25 Agostu 2025,  haleu 10:09 OTL Ekipa Kargo Autoridade Adeuaneira (AA) Aeroportu Imternnasionál Prezidente Nicolau Lobato, halo scan bá merkaduria refere, rezultadu husi scan hatudu figura balu ne’ebe presiza halo inspesaun fiziku mais detallu.

Iha prosesu inspesaun fizika ekipa hetan pasta mamuk laptop  rua , laiha laptop iha laran, ekipa hato`o kedas informasaun ba Xefe Departamentu atu   haree objetu ne’ebé deskonfia iha risku boot.

Momentu ne’e kedas ekipa kargo ho Xefe Departamentu, foti desizaun hodi kua “kemasan” ne’ebé falun pasta leptop mamuk rua refere,  nia rejultadu hetan po’o ou bubuk kristal balun iha kemasan ne’e nia laran.

Ekipa kargo ho Xefe Departamentu  Autoridade Audoneira halo kedas teste dala rua, uza “NICK TEST”  no hetan rezultadu pozitivu kokaína.

Momentu halo inspesaun bá merkadoria refere,  Staff Ájensia Fedex mak reprezenta hanesan na’in hodi hambrik iha  ekipa kargu nia oin hodi loke merkadoria no halo teste ba merkadoria .

Depois de teste hetan ona rezultadu pozitivu Kokaína, Xefe Departamentu   AA Aeroportu pasa kedas informasaun ba  Komisáriu Autoridade Aduaneira no mós Diretor Nasional  operasaun.

Komisáriu Autoridade Audoneira, halo kordenasaun ho Polísia Sientífiku Investigasaun Kriminál (PCIC), haleu tuku 12:00 PM , ekipa PCIC to’o iha edifísiu kargo Autoridade Audoneira Aeroportu Internasional Preszdente Nicolau Lobato (AIPNL) hodi halo kordenasaun entre Komisáriu AA, Diretór Nasionál Operasaun (DNO), Diretór Jestaun de Risku, Xefe departamento AA Aeroportu Internasionál Prezidente Nicolau Lobato (AIPNL), Xefe Anti Fraude no PCIC.

Ekipa AA, Ajensia FEDEX hamutuk ho PCIC hodi merkaduria refere ba Edifisiu PCIC. Iha tuku 13:02 ekipa AA ho PCIC molok atu hala’o teste bá merkaduria refere, primeiru sei tetu hodi hatene nia todan ingeral.

Todan  kaixa  No. 1 =   483,0 gram kakaina

Todan kaixa No. 2  =  497,5 gram kokaina

Total kaixa rua  ne`e hetan  980,5 gram kokaina

Depois halo teste no tetu hotu merkaduria refere halo termu de entrega bá PCIC.

Jornalista: Marcelino Tomae