Hatutan.com, (01 Jullu 2026) Díli– Ministeriu relevante sira, liuliu Ministériu Negosiu Estranjeiru no Kooperasaun (MNEK) ho Sekretária Estadu Komunikasaun Sosiál (SEKOMS) halo diskirimasaun ba média sira iha kobertura  vizita ofisiál Primeiru-Ministru Singapura, Lowrence Wong mai Timor-Leste.

Lee Mós: Vise-PM Assanami ho SEKOMS Expedito Orienta Jornalista Labele Husu Pergunta Ba PM Xanana Kona-bá Falesimentu Saudozu Lú-Olo

Hatutan.com halo konfirmasaun ho SEKOMS Expedito Dias Ximenes kona-bá aktu diskirimasaun ba média sira iha kobertura vizita ofisiál Primeiru-Ministru Singapura, Lowrence Wong mai Timor-Leste. Foto/Juvinal Cabral dos Santos

Primeiru-Ministru Singapura, Lowrence Wong halo vizita ofisiál mai Timor-Leste, Kinta-Sesta, 02-03 fulan-Jullu ne’e. Nune’e, parte sira ne’ebé organiza média no jornalista sira iha kobertura mak Sekretaria  Estadu Komunikasaun Sosial (SEKOMS). Maibé, tuir lista SEKOMS nian,  akredita de’it media seluk. Hatutan.com ho média balun tan la hetan akreditasaun no la tama iha lista ofisiál kobertura durante PM Singapura nia estadia iha Timor-Leste    

Iha  dokumentu ofisiál ne’ebé Hatutan.com asesu hatudu katak iha Kuarta (01/07/2026),, Sekretaria  Estadu Komunikasaun Sosial (SEKOMS)   prepara Media  Advisory kona-bá matadalan kobertura média bá vizita ofisiál Primeiru-Ministru Singapura mai Timor-Leste.

Tuir dokumentu ne’e, atividade sira sei hahú ho simu delegasaun iha Aeroportu Internasionál Prezidente Nicolau Lobato, ne’ebé kobertura média ho kategoria limitadu.

Iha Palásiu Prezidensiál, ajenda inklui resepsaun ofisiál, asina Llvru onra, enkontru bilateral taka bá mídia, no sei iha deit deklarasaun bá imprensa.

Iha Palásiu Governu, Primeiru-Ministru Singapura sei partisipa iha resepsaun ofisiál, enkontru bilateral, konferénsia imprensa, almosu ofisiál ho kobertura limitadu, no remata ho partida ne’ebé mós asesu média limitadu.

Dokumentu  ofisiál husi SEKOMS  hatudu  katak SEKOMS autoriza ka  akredita média no jornalista husi RTTL,E P na’in -tolu (3) Ájensia Notisioza Tatoli,I.P na’i -tolu (3), GMN-TV na’in-rua (2) , SMNews na’in-rua (2), TVE-Timor na’in-rua (2), NTV-RAFA na’in-rua (2), Jornal Independente na’in-rua (2) , Timor Post na’in-ida  (1) no STL na’in-ida (1) mak bele halo kobertura ba vizita ofisiál ne’e.

Ajénsia notísia internasionál sira iha Timor-Leste hanesan AFP, Lusa, Reuters no EPA parte prokolu ka SEKOMS akredida kada ajensia sira ne’e ema na’in-ida.

Ofisiál média  husi Palásiu Prezidensiál na’in-rua (2), Primeiru-Ministru na’in-rua (2), Vise Prirmeiru-Ministru I, na’in-rua (2), no vise VPM-II na’in-2 inklui MFA na’in-ida (1).

Média Nasionál sira  ne’ebé rejistu ofisiál no hetan sertifikasaun husi Conselho de Imprensa de Timor-Leste tuir atribuisaun Lei Komunikasuan Sosiál nian hanesan Hatutan.com, SapNews, Média Mudansa, Lafaek News, Media Demokrásia, no Diligente, inklui média organizasaun RENETIL (Neon Metin) la hetan akreditasaun hodi halo koberutura iha vizita ofisiál PM singapura nian ne’e.

Hafoin remata reuniaun Konsellu Ministru Hatuan.com halo konfirmasaun bá Sekretáriu Estadu Komunikasaun Sosiál (SEKOMS), Expedito Dias Ximenes, klarifika  katak, ajenda sira ne’e Asesór SEKOMS Agustinho Sarmento “Turky Reis” maka responsabilidade no SEKOMS Expedito rasik hateten nia laiha koñesimentu.

“Ne’e ita boot (jornalista-red) bá husu bá Agus, tanba ha’u mós foin rona husi ó ne’e,  ha’u seidauk simu  ajenda kompletu, depois  ita-boot komfirma Agus, ita boot hatene nia to? tanba Agus maka halo kordenasaun ho Ministériu Negosiu Estranjeiru no Kooperasaun (MNEK),” Expedito Dias Ximenes hateten.

Kona-bá regra ne’ebé kontempla iha dokumentu hodi limita média  ka Jornalista sira atu foti video, Imajen  hodi halo dokumentasaun, SEKOMS Expedito Ximenes afirma katak regra ne’e aprezenta husi Vise-Ministra  Negósiu Estranjéiru no Kooperasaun, Jesuína Maria Ferreira Gomes.

Nune’e mós Hatutan.com  halo konfirmasaun ho Asesór SEKOMS Agustinho Sarmento “Turky Reis”, ne’ebé fahe konvite, rejistu no fahe informasaun ba jestor média sira kona-bá vizita ofisiál PM Singapura nian ne’e rekoñese katak sira ne’ebé mak tama iha lista ne’e hetan akreditasaun.

“Ha’u  sente, la’ós Hatutan.com de’it, média sira seluk balun la tama, tanba ne’e kompeténsia protukolu estadu nian, ami husi SEKOMS hein implementa de’it,” nia hateten.

Jornalista: Marcelino Tomae