Hatutan.com (13 Jullu 2026), Díli– Tribunál Judisiál  Primeira Instánsia Díli (TJPID), Segunda (13/07/2026), hatún despaixu  hodi  aplika  medida kausaun US$3000  ho  proibuisaun aujénsia arguidu na’in-96 iha kazu jogu Ilísitu scam call centre iha  Bebonuk.

Lee Mós: PCIC Aprezenta Arguidu Na’in-96 Kazu Scam Call Centre iha Bebonuk bá Tribunál

Arguidu na’in-96 ba kazu jogu ilísitu scam call centre iha Bebonuk partipa kontinuasaun audénsia interogasaun dahuluk iha TJPID, Segunda (13/07/2026). Foto/Marcelino Tomae

Kontinuasaun julgamentu interogasaun dahuluk  bá jogu ilísitu online scam call centre iha  Bebonuk ne’e, Prokuradór  João Marques ho Pedro Batista,  ne’ebé reprezenta Ministériu Públiku, solisita bá Tribunál atu aplika medida kausaun US$3000 no medída  koasaun proibuisaun aujénsia bá arguidu na’in-95 ne’ebé maioria Xinés.

Ministériu Públiku  promove arguidu sira bá  krime jogu ilísitiu, brankeamentu kapitáis no burla informátika ne’ebé previstu ona iha kódigu penál Timor-Leste.

Iha Tribunál  nia entendimentu juridiku katak arguidu ho nasionalidade Xina na’in-96 ne’e komete krime tolu, hanesan asosiasaun kriminoza, burla informátika, jogu ilísitiu, tanba ne’e  mantein médidia kausaun kada arguidu ho montante US$3000.

Tribunál fó prazu loron 10 bá kada  arguidu kumpre médida kausaun. Bainhira dentru loron 10  arguidu sira la kumpri, tribunál bele revolta médida rua ne’e.

Iha Kuarta-kalan, 09 Jullu 2026, Polísia Sientífika Investigasaun Kriminál (PCIC)  kolabora  ho Servisu Nasionál Intelijénsia  (SNI),  halo buska no detein sidadaun estranjeiru na’in-95 ne’ebé suspeita envolve iha atividade ilítiu sira hanesan burla informátika no jogu  online ka scam call centre  iha armazém ida iha Bebonuk, Díli.

Iha operasaun surpreza ne’e konsege prende  objetu sira hanesan komputadór  hamutuk unidade 88, laptop 13, Telemóvel  27, no mós iha Osan balún maibé sida’uk sura  inklui telemóvel privadu balún.

Jornalista:Marcelino Tomae