Hatutan.com, (23 Abríl 2023), Baucau— Partidu Congresso Nasionál Reconstrução Timor-Leste (CNRT), iha programa 12 atu implementa bainhira povu Timor Leste (TL) fó fiar hodi kaer ukun durante tinan lima nia laran.

Kampaña aberta CNRT iha kampu Tiriloka, munisípiu Baucau, Domingu (23/04/2023).

Programa 12 ne’e fó-sai direta hosi Prezidente Partidu CNRT, Kay Rala Xanana Gusmão durante kampaña aberta ne’ebé hala’o iha kampu Tiriloka, munisípiu Baucau, Domingu (23/04/2023).

Lee Mós: Xanana Promete CNRT Ukun Halo Buat Rua bá Nasaun ho Povu

Programa sanulu resin rua (12) prinsipál ne’ebé CNRT iha bainhira povu fó fiar hodi kaer ukun mak hanesan,  

1. Edukasaun no Saúde inkluziva no kualidade
2. Dignifika veteranu no promove inkluzaun sosiál
3. Kria kampu servisu, liuliu bá foin sa’e sira
4. Promove Produtividade no Diversifikasaun ekonómika
5. Promove Investimentu seitór privadu
6. Harii industria petrolifera iha rai-laran
7. Infraestruturas bázika
8. Hakbesik Servisu públiku ba povu
9. Haburas dezenvolvimentu rural
10. Reforma Seitór Justisa
11. Hametin pás no estabilidade
12. Konsolida polítika esterna

Prezidente CNRT, Kay Rala Xanana Gusmão esplika, iha Dezenvolivimentu Ekonomia Atu Kria Kampu Servisu no Hadi’a Povu nia moris konsentra iha Kriasaun empregu ba ema hotu, liu-liu ba foin-sa’e sira liu husi, Enkoraza no fasilita kriasaun kampu servisu husi setor privadú, Promove auto-empregu, Haburas empresa mikro, kiik, médiu, no kooperativa iha àreas rurais,  Hadia jestaun no haburas programa haruka trabalhador bá rai-liur.

CNRT mos sei Promove investimentu públiku, Industrializasaun no komersializasaun ba setor produtivu sira: agrikultura, turismu, manufatura, no finanseira, sei harii indústria petrolíféra iha kosta-sul, liu husi Harii infrastruturas nesesarias iha kosta-sul, Dada kadoras Greater Sunrise mai Timor-Leste, Dezenvolve rekursus petroliférus iha rai-laran.

Alende ne’e sei Estabelese zonas industriais, Dezenvolve setor finanseiru hodi fasilita investimentu privadu, Hadi’a Jestaun Finansas Públikas hanesan Hadi’a transparensia no akontabilidade, Aselera no hadi’a implementasaun reforma fiskal no Preserva no haburas jestaun Fundu Minarai.

Sei Haburas ekonomia rural liu husi promove agro-negosiu no agro-industria, Aselera integrasaun ekonômika atu atrai investimentu no espanda merkadu no Dezenvolve Kapitál Umanu liu husi Hadi’a kualidade no asesu ba ensinu, Kualidade ensinu ba labarik no foin-sa’e sira, Kualidade ensinu tékniku vokasional hodi responde ba nesesidade merkadu trabalhu, Hadi’a rekursus humanus hodi hasa’e kualidade ensinus, Hadi’a jestaun merenda eskolar atu promove nutrisaun, Promove siénsia no téknolojia iha ensinu superior, Estabelese no hakbiit sentru formasaun tékniku profisional no sentru empregu atu fasilita foin-sa’e asesu ba servisu, Hadi’a no habelar kualidade servisu saúde, Asegura kualidade servisu saúde primária ba povu tomak iha areas rurais, Hadia prestasaun servisu saúde ospitalar ne’ebe iha kualidade iha areas urbanas munisipais no nasional, Promove desportu, arte, no kultura.

CNRT sei Promove Inkluzaun Sosiál hodi Dignifika no valoriza veteranus no luta-nain sira, Proteje trabalhadores no hadia jestaun seguransa sosial, Promove liu-tán programa inkluzaun sosial: idozus, bolsa da mãe jerasaun foun, ema ho nesesidades espesial, no grupu vulneravel no Promove feto no hakbiit partisipasaun feto iha dezenvolvimentu.

CNRT sei estabelese Governasaun Lokál liu hosi Aselera implementasaun programa desentralizasaun no poder lokal, Fornesimentu prestasaun servisu públiku ne’ebe lalais no iha kualidade husi autoridade lokal ba povu, Promove partisipasaun komunidade iha prosesu dezenvolvimentu lokal, Promove Governu Eletroniku (e-Government) iha nível Governasaun hotu, inklui iha munisipius, Haburas implementasaun programa dezenvolvimentu rural.

Iha planu atu hadi’a Justisa liu hosi Harmoniza no hadia kuadrus legais tuir kontekstu no nesesidade país nian, Asegura ema hotu asesu ba justisa ne’ebe iha integridade.

Bainhira manan, Sei Promove Infraestrutura hanesan Rehabilita no konstrui estrada no ponte nasional, munisípal, no rural, Rehabilita, konstrui no hadia jestaun ba aeroportus, portus, fibra-optika, Asegura fornesimentu eletrisidade ne’ebe seguru, efisiente, no baratu ba ema hotu, Asegura asesu ba bé mós, saneamentu, barajen, no irigasaun ba ema hotu, Implementa ordenamentu teritóriu no habitasaun dignu ba povu.

Sei Kria Pas no Estabilidade liu hosi hametin Seguransa no Defeza liuliu Profisíonaliza institusaun F-FDTL no PNTL, Promove partisipasaun F-FDTL no PNTL iha asistensia ba komunidade nebé hetan dezastres naturais, hodi prepara-an atu bele partisipa iha misaun de Paz iha Rai seluk.

Sei Hadia Relasaun no Politika Esterna liu hosi Kontinua negosiasaun fronteiras (RAI no TASI) to’o hetan soberania total, Promove nafatin relasaun no kooperasaun diak ho nasaun hotu-hotu, Defende nafatin politika ‘lakohi aranja Inimigos no Aliados, maibe Parseirus deit’,  Prepara ho diak Timor-Leste nia adezaun no integrasaun ba ASEAN, Promove papel Timor-Leste iha g7+ no hametin nafatin lasus amizade no kooperasaun ho paizes CPLP no Forum Pasífiku.

Kay Rala Xanana Gusmão hateten, CNRT tenke manan maiória iha eleisaun parlamentár tinan ida ne’e atu fila ba kaer ukun no implementa politika Planu Estratéjiku Dezenvolvimentu Nasionál ne’ebé Timor-Leste iha ona.

Partidu CNRT sei fahe manuál polítika no planu estratéjiku ne’ebé partidu iha ona ba militante sira liu-liu ba joven sira atu hatene kona-bá programa saida mak CNRT sei halo bainhira fila fali ba ukun.

Xanana Gusmão esplika, Planu Estratéjiku Dezenvolvimentu Nasionál ne’ebé Timor-Leste iha, nia implementasaun paradu desde 2017 to’o ohin loron, tanba ne’e CNRT mai fali ho kompromisu bainhira povu fó fiar iha eleisaun Parlamentár tinan ne’e, sei servisu ba povu nia di’ak no rai ne’e nia dezenvolvimentu.

“Ita nia programa hahú ho dezenvolvimentu kapitál umanu, kualidade ba assesu ba ensinu, saúde, se la’e ema moras iha foho tenke mai to’o iha ospitál. Sei dezenvolve mós atividade ba joven sira iha área desportu, arte no kultura. Inkluzaun sosiál, programa ba ferik no katuas sira, tau-matan ba defisiénsia no sei tau atensaun didi’ak ba ekonomia tanba CNRT nia planu maka kontinua hala’o dezenvolvimentu iha ita nia rain,” Xanana Gusmão esplika.

Kampaña partidu CNRT ne’ebé halo iha munisípiu Baucau ne’e hetan seguransa másimu hosi Polísia Nasionál Timor-Leste (PNTL) no hetan mós observasaun direta hosi órgaun eleitorál Comissão Nasionál das Eleições (CNE).  

Jornalista: Vito Salvadór