Hatutan.com, (16 Jullu 2026), Díli– Tribunál Judisiál Primeira Instánsia Díli (TJPID), aplika medida haat ba arguidu na’in-90 ne’ebé envolve iha atividade ilísitu scam call centre no jogu online iha Kampu Baru, Comoro ho Ulmera, Liquiça.

Arguidu na’in-90 kazu scam call centre iha Comoro ho Ulmera partisipa audénsia interogasuan dahluuk iha TJPID, Kinta (16/07/2026). Foto/Marcelino Tomae

Médidia sira ne’e mak; medida koasaun Termu Indetidade Rezidénsia  (TIR), Aprezentasaun Periódidika fulan ida dala rua, médidia kausaun US$ 10,000 bá jerente ida  ho inisiál  D  no na’in-75   kausaun US$2500 fó prazu loron 20, no mós proibuisaun aujénsia husi territóriu Timor.

Minitériu Públiku ne’ebé reprezenta husi Prokuradór Domingos Gouveia, durante Julgamentu Primeiru Interrogatóriu, alega  arguidu sira tenke sujeitu bá medida  kauzaun osan US$5000  ho US$10,000 bá   Jerente  ho Inisiál D, no médida proibisaun aujénsia.

Iha audiénsia  ne’e, Minitériu Públiku promove  krime hasoru arguidu hamutuk na’in-76 maka burla informátika, jogu ilísitu, brankeamentu kapitais  no asosiasaun kriminoza.

Ekipa defeza ne’ebé reprezenta husi advogadu Januário Martins no Eusébio Xavier, Defensór Públiku Henrique Maris, husu Tribunál atu aplika medida kausaun ne’ebé labele todan liu, ho kausaun osan US$2000 no proibisaun aujénsia.

Bá  arguidu na’in-14 ne’ebé envolve iha kazu scam call centre iha   Kampu Baru, Comoro,  Minitériu Públiku reprezenta  husi Pedro Batista,  solita bá Tribunál hodi aplika medida kausaun US$3000.

Advogadu Privadu Otavio Cardoso  husu Tribunál, atu aplika medida kausaun ho proibuisaun aujénsia.

Rona tiha alegasaun, Juiz titulár José Maria hatún despaixu hodi aplika  médidia koasaun Termu Indetidade Rezidénsia aprezenta Periódidika fulan ida dala rua, médidia kausaun US$ 10,000 bá Jerente, ho inisiál  D  no na’in-75   kausaun US$2500 fó prazu loron 20, no mós proibuisaun aujénsia hodi bandu  arguidu sira labele sai husi territóriu Timor.

Kazu  scam call centre Kampu Barru, Comoro, arguidu na’in-14  Tribunál deside aplika medida koasaun aprezentasaun periódidika fulan  ida dala rua,  proibusaun aujénsia, médida kausaun US$2500 ba kada arguidu

Iha 13 Jullu 2026  Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK),  halo operasaun no buska hodi dezmantela atividade ilísitu scam call centre  iha área Comoro-Díli ho Ulmera-Liquiça.

Iha operasaun ne’e, aturodiade sira konsege halo detensaun ba sidadaun Indonéziu no Xina hamutuk na’in-90, kompostu husi na’in-76 detein iha área Ulmera no na’in-14 iha Kampu Baru-Comoro.

Jornalista: Marcelino Tomae