Defeza & Seguransa

Kandidatu F-FDTL Barak Lakon iha Altura

Published

4 years ago

02/08/2022

Hatutan.com, (02 Agostu 2022), Díli-Komandu FALINTIL-Forsa Defeza Timor-Leste (F-FDTL) liuhosi Komisaun Rekrutamentu, fó sai katak, prosesu teste fíziku bá kandidatu sira ne’ebé mak oras ne’e la’o hela iha Centro de Formação e Treino (CFT) Metinaro, barak mak lakon iha altura, tanba altura la to’o.

Lee Mós : Rekrutamentu F-FDTL 2022, Laiha Rekomedasaun Espesiál

Tuir rekizitu kandidatu F-FDTL mane tenke ho altura 165 sentímetru no feto nia altura tenke 158 sentímetru.

Portavós komisaun rekrutamentu F-FDTL, Kapitaun Enjeñeira, José António Nunes da Costa, informa bá juventude no povu Timor-Leste tomak katak, daudaun ne’e Komandu F-FDTL hala’o hela teste bá kandidatu foun sira ne’ebé mak pasa ona iha primeira selesaun dokumentu.

Oras ne’e daudaun tama ona bá iha faze segundu bá teste fíziku, saúde, haree liubá altura, psikoteste, akadémiku. Signifika katak kandidatu sira sei tuir entrevista no teste eskrita.

Maske iha dokumentu Billete Identidade (BI) kandidatu sira nian hosi notariadu, hakerek altura to’o 145 bá leten. Maibé, bainhira ekipa komisaun rekrutamentu sira halo sukat fila-fali rezultadu hatudu, balu altura la to’o.

“Buat ida mak ha’u hakarak hatete katak, kandidatu barak mak la liu iha altura. Meske iha sira-nia BI hakerek katak, altura 165 sentímetru talves sira sukat iha notariadu uza sapatu, maibé tuir sistema ne’ebé maka sukat iha Metinaro, tenke ain-tanan, hasai sapatu maka foin sukat,” Kapitaun Enjeñeira, José António Nunes da Costa, hateten ba jornalista sira liuhosi konferénsia imprensa iha Kuartél Jenerál F-FDTL, Fatuhada, Díli, Tersa (02/08/2022).

Lee Mós : Governu Aloka Ona Osan ba Rekrutamentu F-FDTL 600 iha 2022

Durante prosesu teste ne’e, iha kandidatu balu mós la liu, tanba iha problema ho tilun, matan, no nehan. Kandidatu sira ne’e sei elimina kedan tuir rekizitu sira ne’ebé maka fó sai ona, nune’e mós bá teste saúde nian.

Komandu F-FDTL husu bá públiku, atu lalika rona boatu oioin iha kotuk ne’ebá. Depois teste sira ne’e hotu, instituisaun F-FDTL sei fó sai formalmente bá iha públiku kona-bá rezultadu teste sira.

Iha prosesu rekrutamentu ida ne’e, hosi parte instituisaun F-FDTL, la eziste rekomendasaun espesiál sira, tanba buat hotu-hotu bazeia bá rekezitu no regra sira ne’ebé estabelese tiha ona.

Jornalista: Rogério Pereira Cárceres

Related Topics:headline Rekrutamentu F-FDTL 2022

Up Next

SIP Kaptura Joven Ida Na’ok Ekipamentu Informátika iha Manleuana

Don't Miss

Membru F-FDTL Na’in-40 Kontribui Ran ba HNGV

2 Comments

Jose Antonio Nunes da Costa

02/08/2022 at 6:25 PM

Favor hadia noticia jornal ne tamba sedauk temi dehan 600 lakon ona ne lalos. Los maka se tais sira husi numero nebe iha ne se to final ne instituisaun F-FDTL preciza deit 600 Pessoas deit maka bele incorpora e mos feto altura laos 155 maibe 158 Obrigado
Porta voz das F-FDTL Capitao Jose Antonio Nunes da Costa.

Reply
- Francisco Belo Simoes
  
  02/08/2022 at 9:34 PM
  
  Obrigadu barak bá koresaun ka retifikasaun. Bá erru ne’ebe ita mensiona, ami hadi’a ona!! Obrigadu dala ida tan no kontinua apoiu malu!
  
  Reply

Defeza & Seguransa

Membru PNTL Na’in-tolu Kanek iha Ainaro, Na’in-ida Kilat-Musan Sei iha Ulun

Published

3 weeks ago

06/01/2026

hatutan

Hatutan.com, (06 Janeiru 2026), Díli-Kazu membru Polísia Nasionál Timor-Leste (PNTL) na’in-tolu ne’ebé sofre kanek tanba hetan tiru husi arma branka iha Munisípiu Ainaro, foin lalais ne’e, na’in-ida sei kontinua halo operasuan faze segundu tanba kilat-musan husi kilat-anin sei iha nia ulun laran.

(more…)

Defeza & Seguransa

PNTL Rezistu Insidente Tolu no Ema Na’in-tolu Lakon Vida

Published

4 weeks ago

05/01/2026

hatutan

Hatutan.com, (05 Janeiru 2026), Díli- Selebrasaun loron natal 2025 no simu tinan foun 2026, Polísia Nasional Timor-Leste (PNTL) rezista insidente iha munisipiu tolu, Ainaro, Ermera, Baucau no asidente fatal ema mate iha munisipiu rua Covalima ho Díli.

(more…)

Defeza & Seguransa

2026, Governu Mellora Servisu PNTL

Published

1 month ago

23/12/2025

hatutan

Hatutan.com, (23 Dezembru 2025), Díli-Ministru Interiór, Francisco da Costa Guterres, promote sei mellora servisu Polísia Nasionál Timor-Leste (PNTL) iha tinan foun 2026.

(more…)