Defeza & Seguransa

Kandidatu F-FDTL Barak Lakon iha Altura

Published

2 years ago

02/08/2022

Hatutan.com, (02 Agostu 2022), Díli-Komandu FALINTIL-Forsa Defeza Timor-Leste (F-FDTL) liuhosi Komisaun Rekrutamentu, fó sai katak, prosesu teste fíziku bá kandidatu sira ne’ebé mak oras ne’e la’o hela iha Centro de Formação e Treino (CFT) Metinaro, barak mak lakon iha altura, tanba altura la to’o.

Lee Mós : Rekrutamentu F-FDTL 2022, Laiha Rekomedasaun Espesiál

Tuir rekizitu kandidatu F-FDTL mane tenke ho altura 165 sentímetru no feto nia altura tenke 158 sentímetru.

Portavós komisaun rekrutamentu F-FDTL, Kapitaun Enjeñeira, José António Nunes da Costa, informa bá juventude no povu Timor-Leste tomak katak, daudaun ne’e Komandu F-FDTL hala’o hela teste bá kandidatu foun sira ne’ebé mak pasa ona iha primeira selesaun dokumentu.

Oras ne’e daudaun tama ona bá iha faze segundu bá teste fíziku, saúde, haree liubá altura, psikoteste, akadémiku. Signifika katak kandidatu sira sei tuir entrevista no teste eskrita.

Maske iha dokumentu Billete Identidade (BI) kandidatu sira nian hosi notariadu, hakerek altura to’o 145 bá leten. Maibé, bainhira ekipa komisaun rekrutamentu sira halo sukat fila-fali rezultadu hatudu, balu altura la to’o.

“Buat ida mak ha’u hakarak hatete katak, kandidatu barak mak la liu iha altura. Meske iha sira-nia BI hakerek katak, altura 165 sentímetru talves sira sukat iha notariadu uza sapatu, maibé tuir sistema ne’ebé maka sukat iha Metinaro, tenke ain-tanan, hasai sapatu maka foin sukat,” Kapitaun Enjeñeira, José António Nunes da Costa, hateten ba jornalista sira liuhosi konferénsia imprensa iha Kuartél Jenerál F-FDTL, Fatuhada, Díli, Tersa (02/08/2022).

Lee Mós : Governu Aloka Ona Osan ba Rekrutamentu F-FDTL 600 iha 2022

Durante prosesu teste ne’e, iha kandidatu balu mós la liu, tanba iha problema ho tilun, matan, no nehan. Kandidatu sira ne’e sei elimina kedan tuir rekizitu sira ne’ebé maka fó sai ona, nune’e mós bá teste saúde nian.

Komandu F-FDTL husu bá públiku, atu lalika rona boatu oioin iha kotuk ne’ebá. Depois teste sira ne’e hotu, instituisaun F-FDTL sei fó sai formalmente bá iha públiku kona-bá rezultadu teste sira.

Iha prosesu rekrutamentu ida ne’e, hosi parte instituisaun F-FDTL, la eziste rekomendasaun espesiál sira, tanba buat hotu-hotu bazeia bá rekezitu no regra sira ne’ebé estabelese tiha ona.

Jornalista: Rogério Pereira Cárceres

Tópiku Relasionaduheadline Rekrutamentu F-FDTL 2022

Tuir Mai

SIP Kaptura Joven Ida Na’ok Ekipamentu Informátika iha Manleuana

Le'e Mos

Membru F-FDTL Na’in-40 Kontribui Ran ba HNGV

Kontinua Le'e

2 Komentariu

Jose Antonio Nunes da Costa

02/08/2022 at 6:25 PM

Favor hadia noticia jornal ne tamba sedauk temi dehan 600 lakon ona ne lalos. Los maka se tais sira husi numero nebe iha ne se to final ne instituisaun F-FDTL preciza deit 600 Pessoas deit maka bele incorpora e mos feto altura laos 155 maibe 158 Obrigado
Porta voz das F-FDTL Capitao Jose Antonio Nunes da Costa.

Reply
- Francisco Belo Simoes
  
  02/08/2022 at 9:34 PM
  
  Obrigadu barak bá koresaun ka retifikasaun. Bá erru ne’ebe ita mensiona, ami hadi’a ona!! Obrigadu dala ida tan no kontinua apoiu malu!
  
  Reply

Cancel reply

Defeza & Seguransa

Membru PNTL ho F-FDTL Ne’ebé Viola Lei Kódigu Estrada Sei Simu Konsekuénsia

Published

3 days ago

22/04/2024

Francisco Belo Simoes

Hatutan.com, (22 Abríl 2024), Díli-Polísia Nasionál Timor-Leste (PNTL) liuhosi Departamentu Tránzitu Nasionál (DTN) sei aplika sansaun administrativa bá membru PNTL ho membru FALINTIL-Forsa Defeza Timor-Leste (F-FDTL) ne’ebé viola Lei Númeru 03/2006, kona-bá Kódigu Estrada durante halo sirkulasaun iha territóriu nasionál.

(more…)

Kontinua Le'e

Defeza & Seguransa

Forsa Konjunta Preende Tabaku Pohon Sagu Kaixa 320 iha Tasi-Tolu

Published

6 days ago

19/04/2024

Cipriano Colo

Hatutan.com, (19 Abríl 2024), Díli—Forsa konjunta kompostu hosi Polisia Nasionál Timor-Leste (PNTL) liuhosi Departamentu Investigasaun Kriminál (DIK), Servisu Informasaun Polisia (SIP), FALINTIL Forsa Defeza Timor-Leste (F-FDTL) liuhosi Unidade FALINTIL (UF) no Servisu Nasionál Intelijénsia (SNI), halo apreensaun bá evidénsia tabaku ho marka Pohon Sagu hamutuk kaixa 320 iha área Tasi-tolu, Díli.

(more…)

Kontinua Le'e

Defeza & Seguransa

Komandu PNTL Distribui Karreta 47 bá Munisípiu no Unidade Sira

Published

1 week ago

18/04/2024

Cipriano Colo

Hatutan.com, (18 Abríl 2024), Díli—Komandu Polísia Nasionál Timor-Leste (PNTL) iha Kinta 18 Abríl distribui tán karreta unidade hamutuk 47 bá komandu munisípiu 12, Rejiaun Administrativa Espesiál Oecusse Ambeno (RAEOA), Unidade Espesiál Polísia (UEP), Unidade Polísia Marítima (UPM) ho Unidade Patrullamentu Fronteira (UPF).

(more…)

Kontinua Le'e