Dili
Hatutan.com submete dokumentu rejistu ba Conselho de Imprensa
Hatutan.com, (03 setembru 2021), Díli-Sekretaria Redasaun Hatutan.com, Laurentina Pires ho Gabriel Nelson do Nascimento (videographer), sesta (03/09/2021), submete dokumentu komprovativu ba Conselho de Imprensa de Timor Leste, hodi hetan sertifikadu ofisiál nu’udar órgaun no meiu komunikasaun sosiál.
Hatutan.com submete dokumentu rejistu meiu no orgaun komunikasaun sosiál ba Conselho de Imprensa iha salaun Conselho de Imprensa, Kintal-Boot, Dili, Sesta (03/09/2021). Foto/CI
Submisaun dokumentu ne’ebé hala’o iha salaun enkontru Conselho de Imprensa nian, iha Kintal-Boot, Dili, ne’e simu diretamente hosi Diresaun Rejistu no Apoiu Jurídiku (DRAJ) Conselho de Imprensa, nune’e fó tempu semana ida atu Conselho Imprensa halo avaliasaun ba dokumentu sira ne’e molok atribui sertifikadu legal ba www.hatutan.com hanesan órgaun no meiu komunikasaun sosiál.
Dokumentu komprovativu sira ne’ebé Hatutan.com submete tuir rekizitu ba rejistu meiu no órgaun komunikasaun sosiál sira-nian iha Conselho de Imprensa maka hanesan;
- Sertifikadu lisensa ba atividade ekonómika hosi SERVE,I.P
- Númeru TIN 138875 hosi SERVE,I.P
- Sertidaun Rejistu Komersiál hosi SERVE,I.P
- Sertidaun Dívida hosi Ministériu Finansas Timor Leste
- Estatutu Empreza nian ne’ebé aprovadu
- Estrutura Redasaun Hatutan.com
- Estatutu Editoriál Hatutan.com
- Organograma Hatutan.com
Órgaun no meiu komunikasaun sosiál sira hotu ne’ebé eziste iha Timor-Leste iha obrigasaun tuir Lei Komunikasaun Sosiál artigu 28 (Rejistu) tenke rejistu ba-iha Conselho de Imprensa.
Hatutan.com hahú nia atividade hanesan meiu komunikasaun sosiál iha loron 20 Agostu 2021, hodi publika informasaun ka notísia sira iha rai-laran, rai-li’ur tuir padraun universal jornalizmu nian, kumpre ba Kódigu Étika Jornalistika no lejizlasaun sira ne’ebé vigora iha Timor-Leste.
Hatutan.com nu’udar meiu komunikasaun sosiál ida hosi órgaun komunikasaun sosiál RAYA MEDIA & ENTERTAINMENT, Unipessoal, Lda. Daudaun ne’e, Hatutan.com iha nia jornalista nain 10, kompostu hosi feto na’in tolu no mane nain hitu. (bit)
SEATOU Halo Evikasaun Tanba Simu Orden
Mari Alkatiri Husu Lidér Sira Tuur Hamutuk
APC Sei Instala Postu Bombeiru Hitu iha Área Protejida Sira no Rekruta Kadete Na’in-146
Projetu Obras Públika 62 Laiha Formalizasaun Kontratu
Uma-Kain 40 iha Bidau Santa-Ana Ne’ebé Hetan Evikasaun Seidauk Simu Indenizasaun
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Dili2 days agoEspasu Ne’ebé SEATOU Sobu Sei Halo Jardín
-
Indonesia1 week agoMerkadu Sira iha Kupang La Fa’an Foos Subsídiu
-
Dili6 days agoRamos-Horta Kestiona Prezensa Militár iha Eviksaun, Germano Dehan Presiza Seguransa Tanba Vida La Fa’an iha Loja
-
Dili1 week agoGovernu ho AMD Presiza Prepara Fatin Dignu bá Komunidade Ne’ebé Hetan Eviksaun
-
Nasionál1 week agoCI ho ABC-ID Lansa Matadalan Jornalizmu Inkluzivu
-
Nasionál1 week agoProjetu Reabilitasaun Estrada iha Díli Laran “La Obedese” bá Prinsípiu Transparénsia
-
Indonesia1 week agoFoos Subsídiu Beruang Merah Tama Ilegál iha TTU
-
Polítika4 days agoArmanda Berta ho Ilídio Domingos de Araújo Lidera KHUNTO Períodu 2024-2028
António Cunha
03/09/2021 at 5:42 AM
Parabéns ba hatutan.com…
Atu husu deit, karik hakarak manda artigu ka opiniaun ruma atu publika iha hatutan.com, ne’e bele manda husi se no ninia rekizitu oinsá?
Obrigado ba resposta
hatutan
03/09/2021 at 2:12 PM
Ola Sr. António Cunha, bele manda deit artigu refere ba ami nia email admin@hatutan.com aneksu ho informasaun identidade hanesan Naran Kompletu, Enderesu, Numeru Kontaktu, nomos aneksu ho fotografia. Obrigado wain
Nelias Fernandes
03/09/2021 at 1:05 PM
Parabéns ba ekipa hatutan.com
Inocencio
08/09/2021 at 12:23 PM
Apresia tebes ho presensa husi media hatutan.com nebee lori nuansa foun nudar media investigativu. Susesu ba ekipa tomak