Defeza & Seguransa
Prezidente Lú-Olo kontinua tau-matan ba F-FDTL sira-nia moris di’ak
Hatutan.com, (22 Setembru 2021), Díli-Prezidente Repúblika nu’udar mós Komandante Supremu ba Forsas Armada, Francisco Guterres “Lú-Olo”, kontinua tau-matan ba membru FALINTIL-Forsa Defeza Timor-Leste (F-FDTL) sira-nia moris di’ak, sira-nia disiplina no sira-nia servisu hotu-hotu.
Xefe Estadu Maiór Jenerál F-FDTL, Tenente-Jenerál Lere Anan Timur hasoru malu ho PR Francisco Guterres Lú-Olo. Foto/Mídia PR
Prezidente Repúblika (PR) Francisco Guterres “Lú-Olo” haktuir lia-menon ne’e ba Xefe Estadu Maiór Jenerál F-FDTL, Tenente-Jenerál Lere Anan Timur iha enkontru semanál ne’ebé hala’o iha Palásiu Prezidensiál, Díli, Kuarta (22/09/2021).
“Laiha duvida nu’udar Komandante Forsas Armadas, ha’u sei tau matan ba sira-nia benestar (moris di’ak), sira-nia disiplina no sira-nia servisu hotu-hotu,” Tenente-Jenerál Lere Anan Timur haktuir lia-menon PR Lú-Olo nian ne’e ba jornalista sira ne’ebé Hatutan.com sita fali hosi pajina Facebook Presidência da República Democrática de Timor-Leste.
.Liuhosi enkontru ne’e, Tenente-Jenerál Lere Anan Timur informa mós ba PR Lú-Olo kona-ba situasaun Forsas Armadas nian, liuliu relasiona ho kolokasaun F-FDTL iha liña fronteira Timor-Leste ho Indonézia.
Tenente-Jenerál Lere Anan Timur afirma, maske iha diverjénsia ka opiniaun la hanesan husi lider nasionál sira, maibé hakarak ka lakohi, F-FDTL tenke ba fronteira tanba ne’e desizaun Governu nian.
Lere Anan Timur fundamenta katak kualkér Lei Defeza Nasionál no konseitu estratéjiku defeza nasionál ne’e mai husi Konstituisaun, hateten, defeza externa iha Forsa Defeza Timor-Leste nia liman. Tanba ne’e, laiha dúvida F-FDTL tenke ba iha liña fronteira.
Tenente-Jenerál Lere Anan Timur garante kolokasaun membru F-FDTL iha fronteira sei la kria konflitu entre Unidade Patrullamentu Fronteira (UPF) tanba prezensa F-FDTL nian atu kompleta malu iha servisu.
“Saida maka UPF nia servisu, husik sira hala’o sira-nia servisu no saida maka F-FDTL nia servisu husik sira hala’o sira -nia servisu,” Lere Anan Timur hateten.
Nia hateten, UPF ho F-FDTL la’ós atu ba jere fronteira, maibé ba atu fó seguransa ba fronteira tanba atu jere fronteira ne’e iha komisaun integradu ida maka jere fronteira. (bit)
Defeza & Seguransa
Timor-Leste Kontinua Desmantela Atividade Ilísitu Scam Call Centre no Detein Ona Suspeitu 616
Juventude FRETILIN la’ós aumenta de’it númeru maibé aumenta mós konsensia no kapasidade intervensaun
Profisionál saúde na’in-26 finaliza sira-nia estudu espesialista iha Cuba
Balu gava aan loron ida han dala-10 maibé povu nia bikan sei mamuk no dapur la funsiona
Timor Gap sosa ona asaun Osaka Gas porsentu 10, seidauk bele publika montante osan akizasaun
Fiskalizasaun Komisaun E-PN Nota Projetu Aeroportu Internasionál Prezidente Nicolau Lobato Atraza
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa1 week agoPNTL Detein Sidadaun Australianu iha Aileu, Suspeita Ba Kazu Droga
-
Nasionál5 days agoEzame eskrita kadete PNTL foun adia hodi ajusta ho diploma ministeriál
-
Justisa & Krime1 week agoJulgamentu ba sidadaun australianu ne’ebé suspeita ba kazu droga “dramátiku”, prova la sufisiente
-
Uncategorized6 days agoPNTL fó formasaun téknika no fiziku ba investigadór CAC
-
Nasionál4 days agoProjetu Aeroportu Comoro, Governu Timor-Leste Avalia Servisu PT Waskita Karya La’o Neineik Loos
-
Nasionál1 week agoDNMG alerta sei akontese anin ho kategoria extremu iha Timor-Leste
-
Nasionál3 days agoFONGTIL ho membru asosiadu sira halo diskusaun ba konseptual no definisaun sosiedade sivíl iha Estadu
-
Polítika16 hours agoJuventude FRETILIN la’ós aumenta de’it númeru maibé aumenta mós konsensia no kapasidade intervensaun