Hatutan.com, (25 Fevereiru 2024), Abu Dhabi- Diretora Jerál Organizasaun Mundiál Komersiu (OMK), Ngozi Okonjo-Iweala, konsidera katak, Timor-Leste nu’udár nasaun ne’ebé lais liu prienxe rekézitu sira sai membru plenu OMK kompara ho nasaun adezaun sira seluk.

Lee Mós: Governu Aprezenta Vizaun Estratéjika Hitu Kona-bá Pos-Adezaun Timor-Leste Bá OMK

Prezidente Repúblika, José Ramos-Horta kondekora Medalla Ordem Kolár Timor-Leste bá Diretora Jerál Organizasaun Mundiál Komersiu (OMK), Ngozi Okonjo-Iweala iha Abu Dhabi, Domingu (25/02/2024). Foto/Rogério Pereira Cárceres

Ngozi Okonjo-Iweala, hato’o afirmasaun ne’e  hafoin simu medalla kondekorasaun ho grau ordém kolár Timor-Leste nian hosi Prezidente Repúblika, José Ramos-Horta iha salaun 6, iha Sentru Espozisaun Nasionál Abu Dhabi (ADNEC), Abu Dhabi, Emiradus Arabes Unidus (EAU), Domingu (25/02/2024).

Jornalista Hatutan.com, Rogério Pereira Cárceres ne’ebé akompaña serimonia solene ne’e hosi Abu Dhabi, informa katak atribuisaun kondekorasaun ho grau ordém kolár Timor-Leste ne’e asiste hosi  Prezidente Parlamentu Nasionál (PPN), Maria Fernanda Lay, membru PN balun mós,  Primeiru Vise Primeiru-Ministru, Ministru Koordenadór bá asuntu Ekonómiku, Ministru Turizmu no Ambiente, Francisco Kalbuadi Lay, inklui delegasaun sira hotu hosi Timor-Leste nian.

Diretora Jerál OMK nian ne’e kontente tebes tanba Timor sai ona parte iha W-2. La’ós de’it ida-ne’e mak lori nasaun ida-ne’ebé ema admira, maibé tanba nia luta no hetan susesu. Hanesan parte ida hosi ida-ne’e, komunidade globál ida ba ninia independénsia, servisu hotu ne’ebé TL halo ona antes ne’e.

“Maibé mós, tanba ita halo ona sesaun ida-ne’ebé lalais liu iha OMK tinan-hitu (7). Ida ne’e marka ida-ne’ebé ita bele uza hodi fó inspirasaun no enkoraja nasaun sira seluk ne’ebé liu mak bele halo. Ha’u hatene katak imi sei hetan konvite nu’udár nasaun ida atu fahe imi-nia esperiénsia kona-bá oinsá imi halo ida-ne’e no hanesan parte ida hosi prátika di’ak liu. Tán ne’e, obrigadu bá Ita-Boot nia Exelénsia,” Ngozi Okonjo-Iweala,  hateten.

“Ami hein atu serbisu hamutuk ho imi na’in-rua (TL ho Comoros). Agora, ha’u mós hakarak aproveita oportunidade ne’e hodi rekoñese ha’u-nia ekipa, diretór divizaun, ha’u-nia kolega iha staff. No sira hotu ne’ebé kontribui hodi halo posibilidade iha parte rua. Tán ne’e, obrigadu. Obrigadu bá ónra ne’e no ami hein katak imi sei hetan benefísiu barak liu tán hosi susesaun ne’e. Ami prontu atu servisu. Obrigadu,” Ngozi Okonjo-Iweala tenik.

Kona-bá kondekorasaun ida ne’e, Ngozi Okonjo-Iweala, hato’o nia agradesimentu ne’ebé ua’in tebes bá Xefe Estadu Ramos-Horta, no fó nia benvindu bá delegasaun ida-ne’ebé distintu hosi lista Timor.

“Ha’u bele fó-hatene bá imi katak ha’u sente onra tebes tanba prémiu ne’e, hanesan imi hatete, imi-nia kmanek mak imi-nian, imi-nia asosiasaun naruk ona bá tinan barak ona no ha’u sente onra tebes tanba imi la’ós de’it rekoñese serbisu ne’e, maibé dedika aan bá serbisu públiku,” nia hateten.

Sesaun foto hamutuk delegasaun Timor-Leste ho Diretora Jerál Organizasaun Mundiál Komersiu (OMK), Ngozi Okonjo-Iweala iha Abu Dhabi, Domingu (25/02/2024). Foto/Rogério Pereira Cárceres

Iha biban ne’e, Preizdente Repúblikam, José Ramos-Horta, hato’o obrigadu barak,hodi fó ninia priviléjiu no fó onra bá diretór jerál OMK, tanba servisu hamutuk ona, apoiu másimu bá Timor-Leste nia adezaun sai membru plenu iha OMK.

“Ita mós bele hafolin tebes Ita-nia dedikasaun ba Ita-nia matadalan. No serbisu hamutuk ho ita-nia maluk Promenaster ne’ebé aprezenta ona iha No ita-nia maluk sira atu to’o iha fatuk-murak sira-ne’e. Ida-ne’e importante tebes. País ki’ik sira, rai boot, presiza, regra sira, bá komérsiu internasionál. Maski supervizor sira mós presiza tanba bainhira la iha regra sira,” dehan Horta.

Antigu diplomata timoroan ne’e dehan, uainhira nasaun ki’ik sira iha ona ninia regra bá regula komérsiu internasionál, signifika iha ona protesaun, katak estadu membru sira bele rezolve.

“Ida-ne’e harii liuhosi. Ha’u hateten katak iha mekanizmu nasionál sira-ne’e iha esperiénsia pozitivu. Iha buat balu ne’ebé ita la hanesan. Liuhosi negosiasaun internasionál. Sarnu no mekanizmu ne’ebé dame. Obrigadu,” Ramos-Horta hateten.

kondekorasaun bá Diretora Jerál OMK, Ngozi Okonjo-Iweala ne’e baze bá Dekretu-Lei  númeru 20/2009, 06 fulan-Maiu, kona-bá prestíjiu no dignidade, demonstra ka hatudu Timor-Leste ninia rekoñesimentu bá sidadaun nasionál, estranjeiru sira ne’ebé presta atividade profisionál, sosiál, ka aktu espontáneu bá eroisídade ka altruizmu, hatudu kontribuisaun signifikativamente bá benefísiu Timor-Leste nian, Timoroan sira hotu no bá umanidade. ***