Connect with us

Nasionál

Reinu Unidu Kompromete Apoiu TL Nia Dezenvolvimentu Ekonomia, Saúde no Nutrisaun

Published

on

Hatutan.com, (29 Setembru 2023), Díli- Ministra de Estado para o Indo-Pacífico do Reino Unido, Anne-Marie Trevelyan, hateten Reinu Unidu iha kompromisu boot atu apoiu Timor-Leste iha dezenvolvimentu ekonomia, saúde no nutrisaun.

Lee Mós: Ramos-Horta Simu Kredensiál Hosi Reinu Unidu, Kooperasaun Buras bá Beibeik

PR Ramos-Horta entrega prenda bá Ministra de Estado para o Indo-Pacífico do Reino Unido, Anne-Marie Trevelyan, Sesta (29/09/2023). Foto/Elio dos Santos da Costa

Ministra Anne-Marie Trevelyan, kontente vizita Timor-Leste nu’udár vizita ministeriál dahuluk Reinu Unidu nian mai Timor-Leste, nu’udár nasaun ida-ne’ebé importante tebes ba Reinu Unidu.

“Ha’u iha diskusaun ne’ebé util tebes ho Prezidente Ramos-Horta no hodi Governu British nia naran, ha’u hakarak kongratula Prezidente Repúblika, José Ramos-Horta kona-bá eleisaun pasifika no mudansa Governu ne’ebé di’ak. Ami hein atu servisu hamutuk ho Governu foun tanba ami diskute dalan sira atu hametin ami-nia parseria ho Timor-Leste, hodi apoia dezenvolvimentu ekonomia inklui saúde no nutrisaun,”  Ministra Anne-Marie Trevelyan ba jornalista sira hafoin enkontru ho Prezidente Repúblika José Ramos-Horta iha Palásiu Prezidensiál Nicolau Lobato, Díli, Sesta (29/09/2023).

Advertisement

Durante Ministra  Anne-Marie Trevelyan  estadia iha Timor-Leste sei lansa Programa Saúde Reinu Unidu-UNICEF hodi suporta kampaña nasional Prezidente Ramos-Horta nian hodi ajuda kombate má-nutrisaun bá labarik.

Programa ida-ne’e sei treinu voluntáriu komunitáriu sira no estabelese grupu apoiu atu enkoraja no fó konsellu bá inan-aman kona-bá prátika ai-han saudavel.

Apoiu TL Nia Adezaun bá ASEAN

Ministra Anne-Marie Trevelyan informa mós katak Reinu Unidu iha kompromisu boot atu  apoiu Timor-Leste nia adezaun bá organizasaun rejionál Association of Southeast Asian Nation (ASEAN).

Iha hasoru-malu ho Primeiru-Ministru Kay Rala Xanana Gusmão no Ministru Negósiu Estranjeiru Bendito Freitas, diskute liután kona-bá apoiu Reinu Unidu nian ba Timor-Leste nia adezaun bá ASEAN atu nune’e nasaun ne’e bele hetan benefísiu sira bá dezenvolvimentu.

Advertisement

Ministra Anne-Marie Trevelyan hein tebes atu ko’alia ho detallu liu tan ho Reinu Unidu  omólogu sira iha Díli, no inklui Reinu Unidu nia parseiru internasionál no interlokutór sira, oinsá Reinu Unidu bele suporta dezenvolvimentu ekonomia no prosperidade bá povu Timor-Leste.

Jornalista: Vito Salvadór

 

Advertisement

Nasionál

MACLN La Impede Konstrusaun Monumentu Memoriál Masakre Santa Krús Maibé La Konkorda Estatua Halo Fali iha Xina

Published

on

By

Hatutan.com, (04 Dezembru 2025),Díli— Ministru Asuntu Kombatente no Libertasaun Nasionál (MACLN-sigla portugés), Gil da Costa Monteiro “Oan-Soru”  afirma nia parte la halo impedimentu ba progresu konstrusaun monumentu memoriál Masakre Santa Krús, 12 Novembru 1991, maibé duvida ho empreza ezekutór Bobolait group produs fali estatua sira iha Xina lori fali ba Portugál mak foin lori fali mai Timor-Leste.

(more…)

Continue Reading

Nasionál

Proklamasaun Independénsia Ba Dala-50, Povu Nafatin Mukit no Halerik

Published

on

By

Hatutan.com, (28 Novembru 2025), Díli-Sekretáriu Jerál partidu FRETILIN, Mari Alkatiri, Sesta (28/11/2025), hola parte iha serimonia selebrasaun tinan-50 Proklamasaun Indepedénsia Unilaterál iha Palásiu Governu, ne’ebé prezide direta husi Preizdente Repúblik, José Ramos-Horta.

(more…)

Continue Reading

Nasionál

Diskursu Prezidente Repúblika José Ramos-Horta iha Komemorasaun Loron Proklamasaun Unilaterál Indepedénsia

Published

on

By

Hatutan.com, (28 Novembru 2025), Díli– Diskursu Prezidente Repúblika Timor-Leste José Ramos-Horta iha ámbitu komemorasaun loron proklamasaun unilaterál  indepedénsia Timor-Leste ba dala-50, 28 Novembru 1975-2025.

(more…)

Continue Reading

Trending