Iha loron 22, fulan Outubru, Uma-kreda halo festa ka memória amu Papa João Paulo II nian. Nia naran Karol Józef Wojtyla, moris iha Wadowicw, loron 18 maiu 1920.

Saun João Paulo II, Papa. Foto/Espesiál.

Nia aman naran Karol Wojtyla, no inan naran Kaczorowska. Wainhira nia ho otas iha tinan 8, ninia mamã mate. Nia maun na’in rua mos mate.

Ho tinan 9, Karol Wojtyla simu Komuñaun ba dala uluk (Primeira Comunhão). Menino Karol eskola iha Marcin Wadowin. Ikus mai, nia tama Seminário. Iha tinan 1938, muda ba sidade Carcóvia atu halo estudos iha Universidade Jaguelonica.

Iha tinan 1941, ninia aman señor Karol Wojtyla mate. Atu soldadu nazi sira labele deporta nia, Joven Karok serbisu iha fábrika.

Nia mós ativu iha atividade kultural hanesan iha teatru. Seminarista Jozef Karol Wojtyla simu ordenasaun saserdotal iha 1 Novembru 1946.

Iha tinan 1958, Amu Papa foti nia ba Bispo auxiliar iha Arquidiocese Carcóvia. Iha tinan 1964, sai Arcebispo. Nia partisipa iha Concílio Vaticano II. Iha tinan 1967, sai Kardeal.

Wainhira amu Papa João Paulo I mate, kardeal sira tama konklave atu hili Papa foun. Sira hili kardeal Arcebispo Carcóvia nian, ne’ebé hili naran João Paulo II.

Nia hili naran João atu hanoin hikas amu Papa João XXIII, amu  Papa Paulo VI, no amu Papa João  Paulo I, ne’ebe mate lalais deit (nia ukun durante loron 33).

 Papa João Paulo I hakerek Carta Encíclica barak. Ida dahuluk “Redemptor Hominis” (4 de março 1979).  “Ecclesia de Eucharistia” (17 de abril de 2003);” Fides et Ratio” (14 de setembro de 1998); “Ut Unum Sin”t (25 de maio de 1995); Evangelium Vitae (25 de março de 1995); “Veritatis Splendor” (6 de agosto de 1993); “Centesimus Annus” (1º de maio de 1991); “Redemptoris Missio” (7 de dezembro de 1990); “Sollicitudo Rei Socialis” (30 de dezembro de 1987); “Dominum et Vivificantem” (18 de maio de 1986); “Slavorum Apostoli” (2 de junho de 1985); “Laborem Exercens” (14 de setembro de 1981); “Dives in Misericordia” (30 de novembro de 1980).

Exortações Apostólicas: Exortações Apostólicas: “Pastores gregis” (16 de outubro de 2003); “Ecclesia in Europa” (28 de junho de 2003); “Ecclesia in Oceania” (22 de novembro de 2001); “Ecclesia in Asia” (6 de novembro de 1999); “Ecclesia in America” (22 de janeiro de 1999); “Uma esperança nova para o Líbano” (10 de maio de 1997); “Vita Consecrata” (25 de março de 1996); “Ecclesia in Africa” (14 de setembro de 1995); “Pastores Dabo Vobis” (25 de março de 1992); “Redemptoris Custos” (15 de agosto de 1989); “Christifideles Laici” (30 de dezembro de 1988); “Reconciliatio et Paenitentia” (2 de dezembro de 1984); “Redemptionis Donum” (25 de março de 1984); “Familiaris Consortio” (22 de novembro de 1981); “Catechesi Tradendae” (16 de outubro de 1979)

Amu Papa João Paulo II ukun Uma Kreda iha mundu tomak iha tinan 26 nia laran. Nia sai Papa eslavu-polaku ba dahuluk, no Papa ne’ebé laós italianu hahú tinan 1522.

Amu Papa João Paulo II iha influénsia boot iha Igreja no mundu. Iha nia tempu, regime komunista monu iha Polónia.

Nia hameti relasaun diak ho Igrejas sira seluk, hanesan Igreja Ortodoxa, Comunhão Anglicana, etc. Iha ninia pontifikadu nia vizita rai (países) 129.

Nia kanoniza santu 483, no foti beato 1345. Nia mate tan ba moras Parkinson. Amu Papa Bento XVI foti nia hanesan beato iha 1 maiu 2011. 

Iha tinan 2014, amu Papa Francisco foti nia hanesan Santo, iha Bento XVI (Papa Emérito) nia prezensa. Saun João Paulo II ninia festa litúrjika monu iha loorn 22 fulan Outubru.

(História ne’e hakerek hosi D. Carlos Filipe Ximenes Belo,SDB hodi hanoin hikas Festa ka Memória Saun João Paulo II, Papa, iha 22 Outubru).