Connect with us
Pakote Ahi

Baucau

Produtu Lokál Enfeita Feira Nasionál 28 Novembru iha Darasula

Published

on

Hatutan.com, (27 Novembru 2021), Baucau-Komemorasaun loron proklamasaun independénsia ba da-46 (28 Novembru 1975-2021) ne’ebé konsentra iha área Darasula, Suku Gariuai, Postu Administrativu Baucau Vila, Munisípiu Baucau, hetan entuziazmu hosi komunidade Baucau.

Pavilaun MTCI nian iha Feira Nasionál 28 Novembru iha Darasula, Suku Gariuai, Baucau. Foto/Hatutan.com

Atividade oioin, hanesan konsertu múzika, atividade desportivu no atividade kulturál nian ne’ebé realiza iha ámbitu komemorasaun festa popular ne’e  fó ánimu ba komunidade sira área Darasula nian ho seluk-seluk tan ne’ebé besik.

Hosi atividade oioin hirak ne’e, Feira Produtu Lokál sai mós hanesan foku atensaun ba vizitante sira hosi munisípiu seluk, liuliu sira husi kapitál Díli.    

Produtu lokál, hanesan ai-han lokál,  produtu artezanatu hosi tais, akadiru-tahan, kakuun no seluk tan, ne’ebé enfeita iha Feira Nasionál 28 Novembru,  lori rendimentu di’ak ba grupu kriativu sira ne’ebé partisipa iha feira ne’e.  

Advertisement

Sónia Soares, membru ida hosi grupu Três Familia, haktuir hahú loron 19 fulan-Novembru 2021, bainhira Governu lansa feira nasionál iha Darasula, ai-han lokál ne’ebé sira fa’an iha feira ne’e  folin tebes tanba vizitante sira barak mak sosa.

Sónia introdús nia aan katak, durante nee involve aan mós iha organizasaun Rede Feto, no feto pás ho seguransa, iha ne’ebé hahú uluk kedas hala’’ negósiu iha ai-han lokál.

“Ha’u kontente, tanba iha eventu komemorasaun loron proklamasaun independénsia ne’e, ha’u hetan lukru di’ak, kompara ho loron baibain. Kuaze loron haat ona ho ohin, iha kalan ida ha’u $100-resin,” Sónia Soares, hateten ba jornalista sira iha Feira Nasionál 28 Novembru, iha Darasula, Baucau Vila, Sesta loro-kraik (26/11/2021).

Bainhira kompara ho loron sira baibain, ladún hetan lukru ne’ebé boot, tanba produtu kripik ne’ebé durante halo, iha kada semana, ba hatama de’it iha loja.

“Nia folin la hanesan, tanba iha loja, semana ida ha’u hatama falun 50 to’o falin 100 ba iha loja ida ka rua, no to’o semana ida, foin bele foti osan. Maibé ida-ne’e, loron ida ka rua ne’e, ha’u bele hetan to’o $70  to’o $100 kalan ida,” Sónia hateten ho oin hamnasa.

Advertisement

Produtu lokál ne’ebé nia lori ba fa’an iha feira nasionál ne’e mak hanesan kulu, ai-farina, talas, fehuk, ne’ebé mak nia sosa tutan agrikultór sira fa’an iha merkadu.

“Ha’u sosa fila-fali atu nune’e bele mai promove fali ita nia ai-han lokál ne’ebé mak iha. Ha’u kontente, ha’u agradese ba ida-ne’e, ha’u sente kontente,” negosiante ne’e dehan tan.

Iha fatin hanesan, Joaninha da Costa Belo, hateten, foin ba dala-uluk nia lori produtu ba fa’an produtu iha feira ne’ebé Governu realiza hodi komemora loron Proklamasaun Independénsia ba da-46.

“Agradese tebes bainhira ema mai hola hahán ne’ebé ami fa’an. Ha’u nia rendimentu ha’u sente di’ak, loron ida maizumenus bele hetan to’o $20 dolar. Sé ema mai hola barak, bele liu fali $20 ne’e. Kompara ho tempu baibain. Horiseik loron tomak ha’u hetan rendimentu $150. Kontente tebes,” Joaninha hateten.

Jornalista: Rogério Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Baucau

Komunidade Uma-Kain 60 iha Uma-Ana-Iku Triste ho Atitude Autoridade BTL,E.P Baucau Tesi-Kotu Kanu Distribuisaun Bee-Moos bá Sira

Published

on

Hatutan.com, (23 Janeiru 2024), Baucau-Komunidade uma-kain 60 ne’ebé horik iha área Uma-Ana-Iku, Suku Bahu, Postu Administrativu Baucau Vila, Munisípiu Baucau, lamenta no triste ho atitude Diretora Bee Timor-Leste, Empreza Publika (BTL,E.P) Munisípiu Baucau, ne’ebé ho ‘arrogánsia’ tesi-kotu kanu distribuisaun bee-moos bá sira-nia horik fatin, Segunda (22/01/2024).

(more…)

Kontinua Le'e

Baucau

MS Kontinua Implementa Servisu Integradu Saúde Iha Baucau

Published

on

Hatutan.com (24 Novembru 2023), Baucau—Ministeriu Saúde (MS) liu hosi programa servisu integradu saúde kontinua koordena ho liña sektorais iha sentru saúde sia (9)  iha munisipu Baucau.

(more…)

Kontinua Le'e

Baucau

Sentru Saúde Quelicai Enfrenta Problema Barak-liu

Published

on

Hatutan.com (24 Novembru 2023), Baucau— Sentru Saúde iha Postu Admistrativu Quelicai, munisípiu Baucau enfrenta problema barak liu.

(more…)

Kontinua Le'e
Advertisement

Trending