Connect with us
Pakote Ahi

Desportu

Lalenok United FC Manan AD SLB Laulara 3:1

Published

on

Hatutan.com, (18 Dezembru 2021), Díli— AD SLB Laulara FC obrigadu tenke simu derrota hasoru adversáriu Lalenok United FC iha jogu ikus Liga Futeból Timor Leste (LFTL) ho skore 3:1.

Ekipa AD SLB Laulara FC obrigadu tenke simu derrota hasoru adversáriu Lalenok United FC iha jogu ikus Liga Futeból Timor Leste (LFTL) ho skore 3:1, Sábadu (18/12/2021). Foto/LFTL.

Ekipa rua maioria tun ho plantel intimu tanba jogadór sira ne’ebé antes ne’e refórsa ekipa selesaun nasionál joga hikas.

Notisia iha Relasaun:Lalenok United FC “Kansela” Festa Kampiaun Karketu Díli

Ho oportunidade ne’e Lalenok United FC hatudu kedan nia kualidade hodi konkista vitória hafóin iha jornada haat tutuir-malu nia jogadór intimu sira auzénsia tanba refórsa ekipa selesaun nasionál iha jogu AFF Szuki Cup 2020.

Advertisement

Daniel Adade (11) jogadór Lalenok United FC sai hanesan estrela iha jogu ne’e, hafóin marka golu rua ba adversáriu AD SLB Laulara FC.

Golu dahuluk ekipa Lalenok United FC akontese iha minutu 2 hafóin Daniel Adade (11) aptoveita asiste sia hosi Paulo Gali Freitas (21).

Ekipa Lalenok United FC kontinua domina jogu liuliu iha bola klaran hodi fó presaun ba nia adversáriu AD SLB Laulara FC.

Elias Mesquita (10) avansadu Lalenok United FC koko halo atake hosi liña esquerda maibé falla tanba defeza adversáriu sei bele antesipa.

Tama ba minutu 14 Daniel Adade (11) hatama tan golu ida hafóin simu asisténsia hosi Italo Pimentel (28) hosi liña direita.

Advertisement

Ho golu ne’e obriga AD SLB Laulara FC joga iha presaun nia laran hodi buka oportunidade atu halo impata.  

Ekipa Lalenok United FC kontinua domina bola liu hosi kombinasaun jogadór sira iha liña klaran ne’ebé komanda hosi Rofino Gama (7).

Defeza Lalenok United FC Gumario Moreira (5) simu kartaun kinur hafóin halo falta ba jogadór adversáriu iha minutu34.

Tama ba minutu 37 jogadór AD SLB Laulara FC Cristovão Fernandes (23) simu kartaun kinur hafóin halo erru iha liña klaran.

AD SLB Laulara FC buka oportunidade atu sai hosi presaun maibé falla nune’e hola inisiativa hodi halo substituisaun ba jogadór iha liña klaran hodi hasai Cristovão Fernandes (23) no hatama avansadu Nidio Alves (93) iha minutu 40.

Advertisement

Ho substituisaun ne’e AD SLB Laulara FC iha mudansa ba taktika hodi halo ameasa liu hosi avansadu Mouzinho de Lima (99). Ekipa rua mantein jogu to’o tempu primeira parte remata.

Tama ba segunda parte, AD SLB Laulara FC halo kedan substituisaun ba jogadór rua dala ida hodi hasai Natalino da Costa (8) no Tonito Belo (50), hodi hatama João Pedro Freitas (10) no Kornelis Portela (11).

Ho substituisaun ne’e ekipa rua hahú iha balansu ba jogu no AD SLB Laulara FC komesa halo atake ba nia adversáriu liu hosi jogu lais ne’ebé avansadu João Pedro Freitas (10) no Mouzinho de Lima (99) hatudu.

Tama ba minutu 55 AD SLB Laulara FC responde golu ida liu hosi Jogadór Aldo Amaral (27) iha minutu 55.

Ekipa rua hahú hasa’e tensi jogu no AD SLB Laulara FC halo esfórsu maximu atu bele aumenta tan golu hodi halo impata.

Advertisement

Paulo Gali Freitas (21) jogadór Lalenok United FC obrigadu tenke simu kartaun kinur iha minutu 76 hafóin halo protestu hasoru desizaun árbitu no nia kompatriota minutu tolu Elias Mesquita (10) simu kartaun kinur iha minutu 79 hafóin dabing iha área grandeal adversáriu nian.

 AD SLB Laulara FC nafatin halo esfórsu hotu maibé falla iha ezekusaun bola oportunidade sira nune’e adversáriu nafatin ukun no tama ba minutu 80 jogadór AD SLB Laulara FC Fernando de Carvalho (3) hetan aleiza nune’e treinador hola inisiativa hodi halo substituisaun no hatama Jordão da Silva (80) iha minutu.

Jogu nia tensi sae hafóin mosu dezintendimentu iha kampu laran entre Gumario Moreira (5) no Aldo Amaral (27) iha minutu 84.

Tama ba minutu 87 jogadór AD SLB Laulara FC Filipe Oliveira (24) simu kartaun kinur hafóin halo falta hasoru avansadu no mos kapitaun Lalenok U ited FC Elias Mesquita (10).

Paulo Gali Freitas (21) aumenta tan golu ida ba nia ekipa Lalenok United FC no muda skore ba 3:1 iha minutu 89. To’o tempu remata vitória ba Lslenok United FC.

Advertisement

Lalenok United FC oras ne’e okupa provizóriu pozisaun daruak tabela klasifikasaun LFTL ho pontus 10 hosi jogu 5, enkuantu AD SLB Laulara FC tuur iha pozisaun da-haat ho pontus 7 hosi jogu 6.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e
Advertisement

Trending