Connect with us
Pakote Ahi

Desportu

Kampiaun Tasa Rosa “Muki” Bonaparte, AD SLB Laulara Hetan $5.000

Published

on

Hatutan.com, (08 Janeiru 2022), Díli— AD SLB Laulara FC sai kampiaun ba tasa Rosa “Muki” Bonaparte 2021 hafoin halakon adversáriu S’Amuser FC ho skore 4-3 iha jogu finál  ne’ebé halao iha estadium munisipal Díli sabdu (08/01/2021).

Ekipa AD SLB Laulara FC selebra kampiaun ba tasa Rosa “Muki” Bonaparte 2021, hafoin halakon adversáriu S’Amuser FC ho skore 4-3 iha jogu finál ne’ebé hala’o iha estádiu munisipál Díli Sábdu (08/01/2021). Foto/Hatutan.com.

AD SLB Laulara FC hatudu ogu ida dominante no atrativu uainhira arbitu hu apitu sinal jogu hahu. Liu hosi jogu ida ofensivu ne’ebé AD SLB Laulara FC halo obriga adversáriu S’Amuser FC tenke halo esforu extra hodi satan nia baliza hosi atake ne’ebé jogadora AD SLB Laulara FC halo.

Jogadora AD SLB Laulara FC Elvira da Silva (22) hatudu nia klase no kualidade individu iha jogu finál  ne’e hafoin marka golu tolu impotrtante ba nia ekipa.

Avansadu metan morena ne’e marka golu dahuluk ba S’Amuser FC iha minutu dahuluk aproveita bola falla iha liña kotuk hosi adversáriu.

Advertisement

S’Amuser FC ne’ebé nu’udár kampiaun Liga Timorense de Futeból Femenina (LTFF) époka 2021 nafatin halo esforsu hodi responde golu ida liu hosi jogadora Amina Costa (21) iha minutu 18.

Ekipa rua nafatin halo esforsu liu hosi tatika ne’ebé treinadór sira orienta atu bele hatama golu daruak hodi lidera jogu ne’e atu nune’e bele rekola vitória.

AD SLB Laulara FC lidera hikas hafoin nia avansadu Elvira da Silva (22) hatama golu daruak ba adversáriu iha minutu 23.

Ho golu ne’e AD SLB Laulara FC halo jogu meiu kampu no domina jogu hodi nafatin fo presaun ba S’Amuser FC, AD SLB Laulara FC nafatin halo atake nune’e rezulta golu datoluk iha minutu 41 ne’ebé nafatin marka hosi Elvira da Silva (22) hodi kompleta nia Hat-Trick molok termina primeira parte.

Tama ba segunda parte AD SLB Laulara FC kontinua hatudu jogu ida ofensivu hodi hatama tan golu dahat iha minutu 46 liu hosi jogadora Julia Belo (19).

Advertisement

Ho golu ne’e halo AD SLB Laulara FC joga ho fleksibilidade no adversáriu S’Amuser FC halo jogu ho kuidadu hodi duni atrazu ne’ebé atu bele halo impata no hadau vitória hosi AD SLB Laulara FC.

Esforsu ne’ebé S’Amuser FC halo iha dunik rezultadu no iha minutu 56 jogadora S’Amuser FC liu hosi nia jogadora Cecilia Godinho (23) hatama golu daruak ba nia ekipa hodi muda skore ba 2-4. S’Amuser FC nafatin halo esforsu no hahú halo presaun ba AD SLB Laulara FC maske sei falla iha ezekusaun.

S’Amuser FC hetan oportunidade osan mean iha minutu 80 hafoin jogadora AD SLB Laulara FC halo falta iha área grandeal nune’e arbitu deside fo penalidade ba S’Amuser FC no Dolores V. Costa Silva (7) ne’ebé hetan fiar atu ezekuta bola falta ne’e falla halo golu.

Ho fallansu ne’e S’Amuser FC iha halo AD SLB Laulara FC hahu hadia jogu no komesa joga ho kuidadu atu asegura vitória ne’ebé iha.

Jogadora S’Amuser Dolores V. Costa Silva (7) selu nia failansu ne’ebé iha ho golu iha minutu 86. S’Amuser FC hahu halo atake no tranzisaun ba taktika hodi fo presaun ba nia adversáriu AD SLB Laulara FC iha minutu sira ikus maibé falla halo impata nune’e too jogu remata vitória ba AD SLB Laulara FC hodi hetan titulu kampiaun no S’Amuser FC obrigadu tur iha segundu lugar  Tasa Rosa “Muki” Bonaparte 2021.

Advertisement

Treinadór S’Amuser Eligio dos Santos hateten ho férias natal no tinan foun halo jogadora sira nia estamina no fizikamente tun nune’e fo mós impaktu ba iha jogu iha kampu laran.

“Ami rekoñese ho ekipa adversáriu nia forsa no maioria ami nia jogadora foin fila hosi férias nune’e estamina tun,” Eligio dos Santos dehan.

Treinadór ne’e nafatin agradese ba esforsu ne’ebé jogadora sira halo ho maximu durante jogu iha  Tasa Rosa “Muki” Bonaparte 2021.

Iha parte seluk sekretariu Jeral AD SLB Laurara FC Domingos Caero hateten kampiaun ida ne’e hatudu rezultadu hosi esforsu ne’ebé jogadora no treinadór sira halo.

Kampiaun ba Tasa Rosa “Muki” Bonaparte 2021 iha direitu ba medalla, tasa inklui osan ho montante $5.000, segundu lugar S’Amuser FC hetan medalla no premiu osan ho montante 3.000, terseiru lugar Buibere FC hetan madalla no osan ho montante $2.000, enkuantu kurtu lugar hetan deit osan ho montante $1.000.

Advertisement

Iha selebrasaun finál  ba Tasa Rosa “MUKI” Bonaparte 2021 ne’e komisaun organizadora FFTL ne’ebé nu’udár nain ba kompetisaun LTFF fo mós premiu ba manan nain sira segunda divizaun LTFF ne’ebé sai hanesan manan nain dahuluk ka kampiaun mak AS Baucau nune’e iha direitu ba premiu hanesan medalla, tasan no osan ho montante valor $3.000 promovidu ba primeira divizaun LTFF 2022.

Segundu lugar VDL Lahane FC simu medalla no osan ho valor $ 2.500, terseiru lugar Maudoko FC hetan medalla no osan ho valor $ 2.000, enkuantu kuartu lugar monu ba Unital FC ne’ebé iha direitu ba osan ho valor $ 1.000.

Alem de fahe tasa ba manan na’in sira hosi segunda divizaun LTFF komisaun organiza mós atribui premiu ba Top skore primeira divizaun LTFF nebé monu ba jogadora Nilda Reinaldo hosi Buibere FC, ho total golu 16, nune’e jogadora refere iha direitu ba osan ho valor $ 1.000.

Ba kategoria Best player monu ba jogadora S’Amuser Dolores V. Silva Costa, hetan mós premiu osan ho valor $1.000, ikus liu atribui mós premiu ba Best goal keeper ne’ebé monu ba jogadora Madalena Soares hosi S’Amuser ho osan $ 1.000.

Jornalista: Vito Salvador

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending