crossorigin="anonymous">
Connect with us
Pakote Ahi

Bobonaro

Alkatiri ho Lú Olo Promete Atu Lori Libertasaun Foun Mai Timor

Published

on

Hatutan.com, (05 Marsu 2022), Díli- Duo  superiór partidu FRETILIN, Francisco Guterres “Lú Olo” (prezidente) ho Sekretáriu  Jerál FRETILIN, Mari Bin Amude Alkatiri, Sábadu (05/03/2022), hala’o kampaña polítika iha Munisípiu Bobonaro no husu ba Bobonaro oan sira dala-ida tán vota ba Lú Olo hodi kontinua segundu mandatu nudár Prezidente Repúblika atu bele hametin Estadu direitu demokrátiku no lori libertasaun foun mai Timor Leste.   

Notísia iha Relasaun:FRETILIN Apoia Lú Olo Tanba Razaun Tolu

Militante no simpatizante partidu FRETILIN Munisípiu Bobonaro paritisipa iha kampaña kandidatu PR 2022-2027, Francisco Guterres “Lú Olo, 05 Marsu 2022. Foto/Hatutan.com

Perante militante sira nia futar-oin, Lú Olo ho Mari Alkatiri promete atu  kontinua kumpri Konstituisaun RDTL no respeita ba orden demokrátiku sira no tane ás valor seperasaun podér órgaun Estadu nian.

“Hau hateten ba imi hotu, hili de’it hau ba prezidente republika dala-ida tan, nune’e ita bele la’o ba oin hodi hatudu katak estadu ida ne’ebé la’o ho lei no respeita  povu nia liberdade tomak,” Francisco Guterres Lú Olo hateten.

Advertisement
Monta Publisidade

Kandidatu Prezidente Repúblika 2022-2027 ho numéru sorteiu 6 ne’e garante mantein relasaun multilaterais no bilateral ho nasaun ne’ebé de’it hodi hametin kooperasaun no kontinua dezenvolvimentu ba oin, tamba jeografikamente Timor Leste sai hanesan ponte husi nasaun sira pasífiku nian mai Asean nune’e mós husi Asean ba rai seluk.

Sekretáriu Jerál partidu FRETILIN, Mari Alkatiri husu atu militante no simpatizantes tomak partidu FRETELIN nian iha Bobonaro vota ba Lú Olo hodi kontinua hametin estadu direitu demokrátiku no garante estailidade nasional ba povu hotu nia moris di’ak.

“Vota iha Bandeira FRETILIN signifika FRETILIN aliansa ho nia oan sira ba Lú Olo nia vitoria,” Mari Alkatiri hateten.

Iha fatin hanesan José Manuel Nakfilak nudár diretór jerál kampaña kandidatu PR Lú Olo nian deklara  katak kompromisu kandidatura partidu FRETELIN nian mak kumpri deit konstituisaun no lei sira ne’ebé vigora iha Timor Leste, mantein halo dialogu ho orgaun soberanu sira atu garante kooperasaun mutua no interdependensia orgaun soberanu sira nian.

Ida ne’e hatudu, Nakfilak afirma, kompromisu politika ida ne’ebé diferente tamba Lú Olo leal ba konstituisaun no nia merese atu re-eleitu hodi kontinua hatuur konstituisaun no lei sira tuir nia dalan atu bele benefisia povu nia moris diak.

Advertisement
Monta Publisidade

José Manuel Nakfilak husu ba militante no simpatizante hotu FRETILIN nian iha Bobonaro no Timor laran tomak atu vota de’it ba kandidatu ne’ebé mai ho atributu no simblu partidu nian hanesan Bandeira FRETELIN.

Iha kampanha aberta ne’e hetan mos apoiu husi partidu politiku hanesan Partidu Unidade Dezenvolvimentu Demokrátiku (PUDD), organizasaun masa Kolimau 2000 no seluk-seluk tan.

Jornalista: Vito Salvador

Advertisement
Monta Publisidade
Kontinua Le'e
Advertisement
Monta Publisidade
Hakarak Hato'o Komentariu?

Husik Hela Komentariu

Your email address will not be published. Required fields are marked *

Bobonaro

Komunidade Halo “Keixa” Hasoru MAP ba PR Lú Olo

Published

on

Hatutan.com, (15 Dezembru 2021), Bobonaro-Iha diálogu  Prezidente Repúblika (PR), Francisco Guterres “Lú Olo” ho komunidade, Kuarta (15/12/2021), iha Jináziu Maliana,  komunidade Suku Lahomea, Munisípiu Bobonaro,  Apolinário Barros, hato’o lamentasaun kona-bá Ministériu Agrikultura no Peska (MAP)  ne’ebé sosa tiha sira-nia hare maibé to’o agora seidauk selu.

(more…)

Kontinua Le'e

Bobonaro

Ministru Pedro Reis Lansa Importasaun Manu-Futu

Published

on

Hatutan.com, (15 Dezembru 2021), BobonaroMinistru Agrikultura no Peska (MAP), Pedro dos Reis, Kuarta (15/12/2021), halo lansamentu ofisiál ba atividade importasaun manu-futu hosi Indonézia iha Pontu Entrada Fronteira Terrestre, Batugade, Bobonaro.

(more…)

Kontinua Le'e

Bobonaro

PA Bobonaro Husu Governu Tau Prioridade ba Setór Produtivu

Published

on

Hatutan.com, (15 Dezembru 2021), Bobonaro–Atu lori  moris di’ak ba populasaun  iha Munisípiu Bobonaro, maka Prezidente Autoridade (PA)  Munisípiu Bobonaro, Ernesto de Oliveira Barreto, husu  ba Governu sentrál atu tau atensaun másimu ba iha área infraestrutura no setór produtivu sira, hanesan agrikultura no  turizmu,  inklui hadi’a fasilidade edukasaun, saúde, bee-moos.  

(more…)

Kontinua Le'e

Trending