Hatutan.com (23 Marsu 2021), Dili-Liu husi primeira interrogatóriu iha Tribunal Distritál Dili (TDD),  Kuarta (23/03/2022), deside no aplika medida koasaun termu identidade rezidénsia (TIR) ba arguidu na’in-21 ne’ebé deskonfia halo asaltu ka atake ba Sentru Votasaun Fomentu II, Dili.

Notísia iha Relasaun: Suspeitu 12 Mak Halo Krime iha Sentru Votasaun Fomentu II

Tribunál Distritál Dili (TDD). Foto/Espesiál

Juiz prezide Argentino Nunes aplika meida koasaun ne’e ba arguodu sira ho inisiál DP, JA, DDS, JC, JD, F, FQ, JL JV, JG, FDC, TAS, AM, J, JC, AJT, CD, AC, AN, AC no JL tanba  faktu provadu katak arguidu sira hamutuk hodi halo asaltu ba sentru votasaun ne’e, maibé medida koasaun ne’ebé TDD aplika hodi asegura arguidu sira-nia prezensa durante prosesu investigasaun.

Iha primeiru interrogatóriu ne’e, Ministériu Públiku ne’ebé reprezenta husi Prokuradór Jacinto Babo promove arguidu sira ba krime perturbasaun aktu eleitorál ne’ebé previstu iha artigu 235 husi kódigu penál TL.  

Advertisement

Tuir kronolojia katak, iha loron tuir mai depois loron votasaun,  tuku  3:00 madrugada,  arguidu na’in-21 kondús motór tolu no karreta lima hodi asaltu ba sentru votasaun iha Fomentu II ne’ebe iha tempu ne’ebá Ekipa STAE no CNE hala’o hela kontajen  votu iha sentru votasaun refere.

Arguidu sira utiliza kilat no besi kanu hitu hodi harahun vidru eskola, tanba membru PNTL ne’ebé destakadu iha sentru votasaun ne’e impede sira labele tama ba fatin kontajen  votu, maibé arguidu sira ko’alia hodi hatudu liman ba brigada CNE no STAE, tanba ne’e Polísia halo intervensaun direta hodi detein arguidu sira durante oras 72 hafoin submete ba interrogatóriu.

Iha primeiru interrogatóriu ne’e, arguidu sira hetan asisténsia legal husi Advogadu privadu Arlindo Sanches, Mariano da Cruz ho Ruben Carvalho Ismael Asunção.

Jornalista: Carmelita Isaac

Advertisement