Polítika
Lere Husu Tansá Rekoñesimentu CPN-FRETILIN La Mai Antes
Hatutan.com, (29 Marsu 2022), Dili– Tenente Jenerál (Reformadu), Tito da Costa Cristóvão “Lere Anan Timur” to’o agora sei duvida ho akta deliberasaun nú.02/CPN/2022 de 26 de Março, husi Comissão Politica Nacional (CPN) partidu Frente Revolusionáriu Timor Leste Independente (FRETILIN) ne’ebé rekoñese nia hanesan úniku sobrevivente segundu jerasaun membru Komité Sentrál FRETILIN (CCF).
Notísia iha Relasaun: Lere Anan Timur Seidauk Bele Foti Desizaun Apoiu Horta ka Lú Olo
Tenente Jenerál Reformadu, Lere Anan Timur. Foto/Hatutan.com
Lere Anan Timur ne’ebé iha kampaña eleisaun prezidensiál primeira volta sempre deklara nia an hanesan “Oan Ki’ak iha FRETILIN” ne’e husu tansá maka rekoñesimentu ne’e la mai antes kampaña no eleisaun ba Prezidente Repúblika primeira volta nian. Maske nune’e, Lere Anan Timur reafirma katak CPN- FRETILIN iha duni devér atu rekoñese nia nudár Segunda Jerasaun membru CCF.
Afirmasaun Lere Anan Timur nian ne’e, hodi hatán ba akta deliberasaun ne’ebé hasai hosi CPN-FRETILIN iha loron 26 fulan-Marsu 2022, hodi rekoñese Lere hanesan mós membru CCF segunda jerasaun nian.
Ho dúvida Lere Anan Timur nian ne’e, maka iha tempu badak Lere rasik sei ba hasoru Sekretáriu Jerál partidu FRETILIN, Marí Alkatiri nudár mós prezidente CPN-FRETILIN atu hetan esklaresimentu ida detalladu no konfirmandu kona-bá konteúdu akta deliberasaun CPN-FRETILIN nian ne’e.
Tuir planu, rekoñesimentu ne’e parte CPN-FRETILIN ne’ebé lidera husi Marí Alkatiri sei atribui mós sertifikadu ho kartaun militante FRETILIN nian ba Tenente Jenerál (reformadu) Lere Anan Timur.
Maske konsidera hanesan ‘tarde’, maibé, Lere Anan Timur agradese ba CPN-FRETILIN, ne’ebé rekoñese ona nudár membru CCF segunda jerasaun ne’ebé eleje liuhusi konferénsia FRETILIN nian iha Maubai, hosi loron 03 to’o loron 08 fulan-Marsu 1981.
“Ida ne’e ha’u agradese ba sekretáriu jerál Marí Alkatiri, maibé hanoin katak, podia, antes, la’ós agora,” Lere Anan Timur hateten.
Lere fiar ba Sekretáriu Jerál FRETILIN ne’ebé mak sei rai nafatin iha nia fuan katak, nia (Lere) FRETILIN nafatin. Biar nia sei halo parte instituisaun militár ida, ne’ebé konstituisaun bandu, maibé nia identifika nudár ema FRETILIN, no membru CCF segunda jerasaun ninian.
“Tanba ida ne’e maka ha’u nia vizaun, ha’u nia misaun, ba FRETILIN mak ida ne’e, interese nasionál, no interese do partidu,” Lere afirma.
“FRETILIN rekoñese ha’u nudár membru CCF, sim. Devér, obrigasaun FRETILIN nian tenke rekoñese nia militante ida, nia sidadaun ida ne’ebé mak serví FRETILIN hosi inísiu to’o agora. Ida-ne’e, ha’u hanoin katak, ha’u la husu agradesimentu, la husu obrigadu ba ema ida, ne’e obrigasaun ne’ebé FRETILIN nian,” Tenente Jenerál (Reformadu), Tito da Costa Cristóvão “Lere Anan Timur” hateten ba jornalista sira, liuhosi konferénsia imprensa iha nia rezidénsia iha Dili, Tersa (29/03/2022).
Notísia iha Relasaun: CPN-FRETILIN Rekoñese Lere Úniku Sobrevivente Segundu Jerasaun CCF
Seidauk Iha Kontaktu Ofisial ho Alkatiri
konférensia imprensa Lere Anan Timur ho nia ekipa susesu iha nia rezidénsia iha Dili, 29 fulan-Marsu 2022. Foto/Hatutan.com
Iha Domingu, 27 fulan-Marsu ne’e, Sekretáriu jerál partidu FRETILIN, Marí Alkatiri, liuhosi entrevista ho media sira, deklara ba públiku katak, nia halo ona kontaktu ho Lere Anan Timur. Maibé, Lere rasik afirma katak, to’o oras ne’e, nia seidauk iha kontaktu ofisiál ruma ho Marí Alkatiri.
“Kona-bá deliberasaun, ha’u labele halo komentáriu ida, tanba ha’u seidauk iha kontaktu ofisiál atu esklarese ba ha’u, asuntu balu, kestaun balu ne’ebé ha’u sei dúvida hela. Ha’u labele dehan katak sala, maibé ha’u sei buka hasoru malu ho ita nia sekretáriu jerál FRETILIN atu bele esklarese dúvida sira ne’ebé mak ha’u iha, para ha’u mós bele sai esklaresidu, kuandu ba membru CCF mós, ha’u tenke ho kalmu, no konsentradu, atu dedika ha’u nia aan ba vida partidu ninian,” Lere hateten tán.
Lere Agradese
Nudár kandidatu independente ba PR 2022 to’o 2027, iha eleisaun primeira volta, Lere Anan Timur mós hato’o nia agradesimentu apoiante sira tomak hosi partidu hotu-hotu ne’ebé mak iha tempu ida difisil tebes, apoia iha nia jornada polítika.
“Bair ha’u sai oan kiak ba partidu barak, biar ha’u sai membru partidu FRETILIN rasik, maibé imi la hewai ha’u, imi la husik ha’u. Biar ha’u komesa ta’uk, biar ha’u osan laiha, maibé imi hamutuk nafatin ho ha’u,” Lere hateten.
Jornalista: Rogério Cárceres
Hatutan.com (15 Outubro 2026), Díli-Governu sei halo inaugurasaun ba uma dignu hamutuk 25 iha munisípiu Manatuto, Postu Administrativu Natarbora, no Munisípiu Manufahi postu administrativu Fatuberliu, nu’udar parte husi programa uma dignu ne’ebé sei kontinua dezenvolve iha munisípiu sira seluk.
Inaugurasaun ne’e sei fó prioridade ba uma sira ne’ebé konstrusaun kompletu ona no prontu atu hetan utilizasaun husi família benefisiária, atu nune’e sira bele hahú hela iha uma foun ne’ebé seguru no dignu.
“Iha loron 22 agora ne’e ita sei halo inaugurasaun ba uma dignu primeiru iha Fatuberliu no depois tuir mai sei iha Natarbora, no restu ne’e sei iha prosesu, uma sira ne’ebé atu inaugura ne’e tenki prontu 100%. Ita tenki inaugura ona uma ne’e para ema bele hela ona, lae hein fali uma ne’ebé mak seidauk hotu dala ruma ema labele hela lalais, uma ne’ebé kompletu los ona mak iha Fatuberliu, dau-daun ne’e iha uma 25 mak ita sei halo inaugurasaun,” Dehan Vise-Primeiru-Ministru, Ministru Sosiál no Ministru Dezenvolvimentu Rurál no Abitasaun Komunitáriu, Mariano Assanami Sabino ba Hatutan.com iha Ministérii Finansas, Aitarak-laran, Kuarta14/10/2026.
Iha faze tuir mai, iha mós planu atu halo estudu kona-ba konstrusaun uma tanba sei halo uma ho vertikál.
Programa uma dignu ne’e sai parte husi prioridade iha planu ministériu, depois durante tinan 20 independénsia, Governu fó atensaun bo’ot ba infraestrutura bázika, hanesan estrada, eletrisidade no bee-moos.
Agora, Governu hakarak aumenta investimentu iha setór uma, liu-liu atu garante katak juventude ho idade 18 ba leten bele asesu ba uma dignu.
“Ita iha moto katak ha’u nia uma mak ha’u nia moris mak sai nu’udar mensajen prinsipál husi programa ne’e. Uma la’ós de’it fatin atu hela, maibé mós símbolu dignidade, seguransa no estabilidade ba moris família ida,” Hatete Vise-Primeiru-Ministru
Programa ne’e sei kontinua to’o responde ba nesesidade populasaun, tanba iha konstituisaun hatete katak sidadaun hotu-hotu iha direitu atu asesu ba uma ne’ebé dignu no apropriadu.
Além husi fornese uma ne’e integra mós ho atividade ekonómika no dezenvolvimentu rurál, atu ajuda família benefisiária hasa’e rendimentu no hadi’a sira-nia kondisaun moris.
“Uma dignu ne’e integra mós ho oinsá mak atu hamenus kiak tanba ne’e mak ita integra ho atividade ekonomika, dezenbolvimentu rurál sei fasilita oinsá para sira bele iha rendimentu, tanba uma dignu sira ne’e sei selu la’os gratuita, selu mais kuandu nia rendimentu ne’e to’o ona $500 ba leten, katak tenki hadia nia ekonomia para ita halo uma nia dihnu iha laran tanba nia ekonomia komesa iha ona para bele halo manutensaun ba uma no bele iha sustentabilidade,” Assanami informa
Programa uma dignu ne’e mós sei liga ho edukasaun, liuhusi AHHA Education, ne’ebé sei oferese kursu lian Inglés no Portugés gratuitu ba labarik sira husi família benefisiária.
Além ne’e, kondisaun edukasaun no asesu ba eskola ne’ebé di’ak sei sai parte importante atu prepara labarik sira ba futuru, no ajuda sira iha oportunidade atu dezenvolve an no kontribui ba família no sosiedade.
“Konstrusaun uma ne’e tekniku sira hare’e katak maximu tau iha $40.000 mil mais agora sira atu hadia fali parese sei liu uitoan husi ida ne’e, mais realidade ne’e uma kuartu 4, uma ne’e se ita halo privadu mós ho $40.000 ne’e mós dala ruma ita la halo uma hanesan ne’e. Tanba ne’e mak ha’u husu ba tékniku sira tenki seriedade, survey no kompañia mós tenki iha lukru, tanba ne’e mak difikuldade kompañia mós dala ruma sira menan tiha tender mais la iha benefisiu, ida ne’e tékniku sira tenki hare’e para kada programa ka projetu ne’ebé mak ita halo tenki iha benefisiu ba kompañia para sira bele esforsu halo servisu,” Termina Assanami.
Jornalista: Maria Angelita Sandi Belo
Xanana: Mina La Maran, Kontratu Esplorasaun Bayu Undan Mak Remata
Governu Lansa Detailed Marine Survey Atu Garante Seguransa Pipeline Greater Sunrise Mai Timor-Leste
Parlamentu Nasionál Aprova OJE 2027 iha Jeneralidade
PILAR AZUL NE’EBÉ ITA HALUHA TIHA IHA TASI OE-CUSSE: VIZAUN OSEANOGRÁFIKA NO EKOLÓJIKA
Opozisaun kestiona prioridade orsamentu sira kontinua konsentra de’it ba setór petroliferu
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Nasionál6 days agoXanana: Pesoalmente ha’u sei apoia feto kandidata ba Prezidente Repúblika períodu 2027–2032
-
Opiniaun1 day agoPILAR AZUL NE’EBÉ ITA HALUHA TIHA IHA TASI OE-CUSSE: VIZAUN OSEANOGRÁFIKA NO EKOLÓJIKA
-
Nasionál1 week agoPR José Ramos-Horta Hala’o Vizita Ba Repúblika Koreia
-
Nasionál3 days agoGovernu ho PN Hahú Diskute OJE 2027 ho Total Montante Billiaun US$2.57
-
Defeza & Seguransa1 week agoDurante Períodu Finadu, Mosu Asidente 23 no Rezulta Vitíma ida Lakon Vida
-
Nasionál6 days agoEleitór Timor-Oan Liu 11.600 Halo Resensiamentu iha Diaspora Iha Ámbitu Preparasaun Eleisaun Prezidénsial 2027
-
Polítika2 days agoOpozisaun kestiona prioridade orsamentu sira kontinua konsentra de’it ba setór petroliferu
-
Nasionál1 day agoXanana: Mina La Maran, Kontratu Esplorasaun Bayu Undan Mak Remata