Defeza & Seguransa
Ekipa Konjunta, Detein Sidadaun Estranjeiru Na’in-37 iha Hudi-Laran
Hatutan.com, (04 Abríl 2022), Dili-Ekipa konjunta kompostu husi Polísia Nasionál Servisu Investigasaun Kriminál (PNSIK), Servisu Migrasaun (SM), Inspesaun Jerál Traballu (IGT, sigla portugés), Autoridade Tributária ho AIFAESA, kaptura no detein sidadaun ho pasaporte estranjeira na’in-37 iha área Hudi-Laran, tanba viola vistu turista, hodi hala’o fali atividade komersiál.
Sidaduan estranjeira sira ne’ebé viola vistu turista hodi halo fali servisu iha karouke, masage no hala’o servisu ótelaria. Foto/Mídia SM
Komandante Setór Operasaun Servisu Migrasaun (SM), Inspetór Polísia, Ernesto Maia informa, prosesu kapturasaun no detensaun ne’e, ekipa konjunta halo Domingu (03/04/2022), iha kalan-boot madrugada no operasaun ne’e rasik ekipa sira hala’o tiha ona durante loron lima nia laran.
“Durante loron lima nia laran ita halo operasaun konjunta, tama sai fatin oteleira, karaoke no massage iha Dili laran hodi halo inspesaun ba sidadaun estranjeiru sira, no konsege asegura sidadaun na’in-37 kompostu hosi feto na’in-16, mane na’in-21 no ekipa konjunta lori sidadaun estranjeiru hirak ne’e ba edifísiu Migrasaun, Ministériu Interior hodi submete ba prosesu investigasaun,” Inspetór Polísia, Ernesto Maia haktuir iha komunikadu imprensa ne’ebé Hatutan.com sita.
Objetivu prinsipál hosi atividade operasaun no inspesaun ne’e, parte Servisu Migrasaun haree liubá pasaporte no violasaun vistu. AIFAESA haree ba presu no data produtu, Ministériu Turizmu Komérsiu no Indústria (MTCI), liuhosi IGT, foka kona-bá dokumentu sira ba lisensa nian ne’ebé mak kompañia hirak ne’ebé halo atividade komersiál.
Sidadaun estranjeiru hamutuk na’in-37 ne’e, mai hosi Indonézia, Malázia ho Cambodia, no oras ne’e, Servisu Migrasaun hala’o hela prosesu identifikasaun ba autór sira, maibé iha sidadaun na’in-lima mak seidauk ba aprezenta-an iha Servisu Migrasaun, Vila Verde, Dili.
Sidadaun estranjeiru sira ne’ebé viola lei, Servisu Migrasaun sei aplika sansaun koima, maibé sira ne’ebé rekuza, maka autoridade kompetente sei submete lista naran sidadaun sira nian ba iha Ministériu Públiku atu prosesa tuir lei RDTL.
Jornalista: Rogério Pereira Cárceres
Defeza & Seguransa
PM Xanana Observa Direta Atuasaun PCIC Desmantela Scam Call Centre iha City-8 no Kaer Mós Xinés 18 iha Kuluhun
Fransa Aprofunda Kooperasaun Bilaterál ho Timor-Leste
Projetu ICC, Governu Sakrifika Edifísiu Terminal Passajeiru Portu Dili Ne’ebé Foin Reabilita ho Kustu US$315,575,51
Kazu Scam Call Centre Kuluhun, Tribunál Aplika Kausaun Bá Jerente US$5,000.00 no Arguidu Na’in-18 US$4,000.00
Kazu Scam Call Centre Bedois, Tribunál Aplika Kausaun US$10,000.00 Bá Arguidu LC ho US$2,000.00 Bá Arguidu Na’in-Neen
PR Bolu Urjente MTK, MNEK, SNI, ANATL Ho AACTL Hodi Konfirma Verasidade Polémika Jet Privadu Cesna C700
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
