Connect with us
Pakote Ahi

Nasionál

Kuarezma 2024, Ema Labele Sai Atan bá Nia Salan

Published

on

Hatutan.com, (14 Fevereiru 2024), Díli—Kreda Katólika iha mundu hahú Kuarezma tinan 2024 ho selebrasaun Kuarta-Feira Sinzas ho kose ahu-kdesan iha rentos atu fó hanoin bá ema katak, hosi ahu-kdesan mak Maromak fó is moris no espíritu ida-ne’e mak fó dignidade bá ema tánba hola Maromak Nia ilas rasik, nune’e konvite bá sarani hotu-hotu iha tempu oportunu ida-ne’e atu sai hosi salan hodi labele sai atan bá salan ne’e rasik.

Lee Mós: Kuarezma, Tempu bá Sarani Sira Halo Orasaun, Karidade no Jejúm

Arsebispu Arkedioseze Metropolitana Díli, Dom Virgílio Kardeál do Carmo da Silva, SDB kese ahu-kdesan bá sarani sira iha misa Kuarta-Feira Sinzas iha Igreja Katedral Díli, 14 Fevereiru 2024. Foto/Elio dos Santos da Costa

Arsebispu Arkedioseze Metropolitana Díli, Dom Virgílio Kardeál do Carmo da Silva, SDB hateten, Santa Kreda selebra loron Kuarta-Feira Sinzas, Kreda hahú dalan Kuarezma nian, ne’ebé loke ho liafuan profeta Joel ne’ebé dehan “Fila imi Laran”, signifika Kuarezma hanesan dalan ida atu ema fila bá Maromak.

“Kuarezma nu’udár tempu ida atu verifika ita-nia an nu’udár ema, nu’udár Timoroan, nu’udár sarani no nu’udár eskolante Jesus nian la’o iha dalan ne’ebé loos, dalan Maromak Nian. Hakribi ita salan hodi moris tuir Maromak Nia hakarak,” Dom Virgílio hateten iha omilia misa Kuarta-Feira Sinzas iha Igreja Parókia Katedrál Imaculada da Conceição Vila Verde, Díli,  14 Fevereiru 2024.

Advertisement

Dom Virgílio repete sitasaun Bíblia katak, dalan Kuarezma nian bá sarani hanesan Ézodu, signifika sai hosi kondisaun ida atan ba liberdade loloos nu’udár Maromak-oan.

Kuarezma durante loron haat-nulu, lori sarani hotu-hotu atu bá hanoin fila-fali tinan haat-nulu Maromak nia povu iha dezertu fila-fali bá sira nia rain.

“Ita ida-idak sei simu ahu-kdesan iha ita nia rentos. Ahu-kdesan fó hanoin mai ita katak, Maromak halo ita hosi rai no hosi ahu ida-ne’e mak Maromak fó is no is ida-ne’e mak moris. Espíritu ida ne’e mak fó dignidade bá ema moris tanba espíritu ne’e rasik. Nune’e, ita la’ós rai ne’e nian maibé Maromak nian,” nia esplika.

Arsebispu Arkedioseze Metropolitana Díli, Dom Virgílio Kardeál do Carmo da Silva, SDB kese ahu-kdesan bá sarani sira iha misa Kuarta-Feira Sinzas iha Igreja Katedral Díli, 14 Fevereiru 2024. Foto/Elio dos Santos da Costa

Ema nia dalan viazen fila bá Maromak, Dom Virgílio dehan la’ós buat ida ne’ebé impossível no loron Sinzas ida-ne’e atu fó hanoin bá sarani hotu-hotu katak, bá Maromak laiha buat ida ne’ebé susar, tanba Maromak rasik mak halo ona Nia dalan atu hasoru ema ne’ebé hakarak atu fila-fali bá Nia.

“Ohin hanesan konvite ida atu ita bá rekonsilia no hadame malu ho Maromak. Rekonsiliasaun ida ne’e, ho ita ema nia forsa de’it la to’o maibé tenke konversaun ida ne’ebé mai duni hosi fuan, konversaun ida ne’ebé lori duni atu ita muda hahalok hodi moris nu’udár Maromak oan,” Arsebispu esplika.

Ohin Maromak konvida sarani hotu mai hakruk hodi simu ahu-kdesan hodi loke Kuarezma no sei termina iha Kinta-Feira Santa iha momentu ida bolu ema hotu aprende hosi Jesus fase eskolante sira nia ain.

Advertisement

“Mai ita hakruk liu tán iha ita nia moris atu hatene rona, serbí, hatene ko’alia, halo diálogu no haku’ak ema hotu-hotu,” sita konvite Maromak Nian.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Posibilidade Governu Aprezenta Kandidatu Foun Komisáriu CAC

Published

on

Hatutan.com, (23 Abríl 2024), Díli– Vise-Ministru Asuntu Parlamentár,  Áderito da Costa Hugo, informa proposta Lei, 2ª alterasaun bá Lei n°8/2009, 15 de jullu kona-bá Komisaun Anti-Korrupsaun (CAC siglá portugés), aprova  final global ona iha Parlamentu Nasionál iha loron 22 fulan-Abríl,  ho nune’e, Governu sei haree fali timoroan feto ka mane ne’ebé prenxe rekizitu hodi kandidatu  bá komisáriu CAC atu aprezenta bá Parlamentu Nasionál hodi hakat bá eleisaun.

(more…)

Kontinua Le'e

Nasionál

Eviksaun, Rede bá Rai Hato’o Ejizénsia 11 bá Governu

Published

on

Hatutan.com, (22 Abríl 2024), Díli— Rede bá Rai (RbR) hato’o ejizénsia 11 bá IX Governu Konstitusionál liuliu bá Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, atu bele konsidera durante prosesu eviksaun bá komunidade ne’ebé okupa rai Estadu iha kapitál Díli.

(more…)

Kontinua Le'e

Nasionál

Jornalista Estajiáriu Na’in-11 Partisipa Kolókiu Públiku Molok Tuir Ezame Atu Hetan Karteira Profisionál

Published

on

Hatutan.com, (22 Abríl 2024), Díli– Conselho de Imprénsa (CI) Timor-Leste, Segunda (22/04/2024), kontinua fasilita formasaun liuhosi  atividade kolókiu públiku bá jornalista estajiáriu na’in-11 hodi hasa’e liután sira-nia abilidade profesionál no abilidade tékniku molok tuir ezame aptidaun atu hetan karteira profisionál.

(more…)

Kontinua Le'e

Trending