Connect with us
Pakote Ahi

Edukasaun

VPM Asuntu Sosiál Halo Teste Rejistarasaun Dijitál Bá Progrma BdM-Jerasaun Foun

Published

on

Hatutan.com, (28 Abríl 2022), Díli- Vise Primeiru-Ministru (VPM) bá Asuntu Sosiál no Ministra Solidariedade Sosiál no Inkluzaun (MSSI), Armanda Berta dos Santos, lidera painél asesória bá programa Bolsa da Mãe – Jerasaun Foun (BdM-Jerasaun Foun) halo teste rejistrasaun dijitál iha Postu Saúde Atabae.

Vise Primeiru-Ministru (VPM) bá Asuntu Sosiál no Ministra Solidariedade Sosiál no Inkluzaun (MSSI), Armanda Berta dos Santos. Foto/Buseniss Timor

Iha programa teste dijitalizasaun ba rejista programa bolsa da mãe-jerasaun foun ne’e órgaun ida ne’ebé kompostu husi ofisiál seniór husi Ministériu Sosiál Solidariedade no Ministériu Saúde, ekipa apoia téknika husi Catalpa Internasionál no Parseria ba Dezenvolvimentu Umanu.

VPM no MSSI, Armanda Berta dos Santos hateten, sistema rejistrasaun dijitál sei prienxe papél operasionál ne’ebé importante ho dalan asegura katak jerente programa sira kolleta informasaun no dokumentasaun relevante husi poténsia benefisiáriu sira, hatama no jere individual sira nia informasaun ho dalan ne’ebé mak sistemátiku liu, no verifika ka atualiza informasaun ba konsisténsia no ho loloos.

BdM-Jerasaun Foun ne’e planeada áa lansamentu iha fulan-Juñu 2022 no sei hahú iha Munisípiu Ainaro, Bobonaro no Rejiaun Administrativu Espesiál Oé-Cusse Ambeno (RAEOA).

Advertisement

Fatin hirak ne’e selesionadu ba faze dahuluk (1) tanba tasa manutrisaun, ra’es badak ho krekas ne’ebé ás. Programa ne’e hala’o aliña tuir Konsellu Ministru nia desizaun katak iha 2025 programa ne’e gradualmente habelar nia kobertura iha territóriu tomak.

Komunikadu imprensa ne’ebé Hatutan.com asesu relata tuir nia implementasaun, rejistrasaun ba Jerasaun Foun sei hala’o iha nivel fasilidade saúde oioin iha Munisípiu tolu; Ainaro, Bobonaro no RAEOA, iha ne’ebé aplikante sira hanesan inan isin-rua no labarik tinan-tolu (3) mai kraik bele bá vizita MSSI nia ofisiál rejistu iha fasilidade saúde.

Teste iha terrenu ida ne’e hala’o depoizde programa sosializasaun ne’ebé extensiva ho líder lokál sira iha munisípiu tolu ne’ebé hahú uluk ba programa ne’e.

“Ami hala’o teste sistema rejistrasaun dijitál ida-ne’e antes lansamentu tanba ami hatene katak rejistrasaun iha papél importante hodi asegura informasaun ne’ebé konsistente no loloos hodi asegura ninia prontidaun antes lansamentu.”

“Ha’u fiar, rejistrasaun dijitál nu’udar sistema inkluzivu ida hodi tulun asegura poténsia benefisiáriu sira hatene bainhira mak sira rejistu no iha ne’ebé hodi garante inclusion, dokumentu no informasaun saida mak sira presiza atu fornese, no bahira mak sira sei hetan notifikasaun ba elijibilidade no desizaun ba aprovasaun,” haktuir iha komunikadu ne’ebé Hatutan.com sita.

Advertisement

Bolsa da Mãe – Jerasaun Foun, estabelese tuir sistema asisténsia sosiál, kompostu ba subsídiu isin-rua – $15.00 kada fulan no Subsídiu Labarik – $20 kada fulan ba labarik tinan-tolu (3) mai kraik kada fulan.  No labarik tinan-tolu (3) mai kraik ho defisiénsia sei simu suplementu adisionál $10 kada fulan.

Bolsa da Mãe – Jerasaun Foun kria tuir Dekretu Lei nú. 22/2021, 10 Novembru, nu’udar parte ba sistema asisténsia sosiál, ho ninia objetivu ba hadi’ak saúde no nutrisaun ba inan no labarik, promove inkluzaun ekonomiku, no estimula ekonomia lokál.

Sistema rejistrasaun dijitál ne’e dezenvolve husi Catalpa Internasionál ho orientasaun husi Painel Asesória kolabora ho PHD.

Jornalista: Vito Salvador

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Edukasaun

Bankada FRETILIN Konsidera Governu Laiha Seriedade Rezolve Eis-Profesór Kontratadu Sira-Nia Problema

Published

on

Hatutan.com, (17 Abríl 2024), Díli-Bankada Parlamentár FRETILIN, Kuarta (17/04/2024), levanta problema eis-profesór kontratadu sira-nian no kestiona mós seriedade Governu nian atu fó solusaun bá situasaun ensinu aprendizajen iha eskola sira iha territóriu Timor-Leste.

(more…)

Kontinua Le'e

Edukasaun

Hapara Profesór Kontratadu La Tetu ho Konsekuénsia bá Estudante Sira

Published

on

Hatutan.com, (26 Marsu 2024), Díli– Bankada FRETILIN iha Parlamentu Nasionál (PN) kontinua kestiona desizaun IX Governu Konstitusionál nian ne’ebé hapara profesór kontratadu sira iha territóriu  nasionál.

(more…)

Kontinua Le'e

Edukasaun

IX Governu Haluha Ona Sidade Universitária Aileu, Dezenvolve De’it Politékniku Sira

Published

on

Hatutan.com, (21 Marsu 2024), Díli—IX Governu Konstitusionál haluha ona sidade universitária iha munisípiu Aileu tanba konsidera gasta osan barak liu, nune’e sei konsentra de’it hodi promove no dezenvolve programa politékniku sira.

(more…)

Kontinua Le'e
Advertisement

Trending