Connect with us
Pakote Ahi

Ekonomia

Presiza Lei Espesífiku Atu Regulariza Importasaun Karreta “Sukata”

Published

on

Hatutan.com, (08 Juñu 2022), Díli—Associação Timorense para a Defesa do Consumidor (TANE), konsidera autoridade kompetente seidauk iha baze legál halo kontrolu másimu no regulariza importadór ne’ebé importa karreta “sukata” husi Austrália mai Timor Leste (TL) ne’ebé fó fatin ba TL sai fatin lixu.

Tuir observasaun TANE katak,  importasaun karreta husi rai liur barak ona, maibé presiza iha lei espesífiku atu regulariza situasaun ne’e tanba afeita ba saúde públiku no ambiente hodi la fó protesaun ba konsumidór nia direitu ba moris di’ak.

Prezidente e Fundador Associação Tane Consumidores-Tane Konsumidor, António Ramos da Silva.

Lee Mós: TL Atu Sai Fali Ona Fatin Lixu Bá Karreta “Sukata” Husi Austrália

“Ne’e hanesan problema sériu tanba primeiru laiha meius atu kontrola. Tanba antes-ne’e iha ona karreta sira ne’ebé iha ema nia rain ho prazu utilizasaun liu ona iha armazen. Maibé, sira haruka fali mai Timor, tanba ne’e husu Autoridade kompetente atu regulariza situasaun ne’e ho lei espesífiku,” Prezidente Associação Timorense para a Defesa do Consumidor (TANE), António Ramos da Silva hateten ba Hatutan.com iha knar fatin Balide, Kuarta (08/06/2022).

Lei protesaun ba konsumidór iha artigu 8/2016 hateten, konsumidór iha direitu protesaun ba interese ekonómika no direitu protesaun ba interese Estadu nian, maibé ho importasaun tenki ho kontrolu husi Governu liu-liu Alfándega, Aportil no Polísia Marítima.

Advertisement

TANE husu ba entidade relevante atu fó atensaun sériu ba problema ne’e, tanba bainhira kontinua maka sei estraga meiu ambiente, saúde públiku.

Tanba ne’e, presiza iha duni produsaun lejislasaun ida akumula opiniaun husi entidades hotu-hotu hanesan parte Ambiente, saúde, komérsiu, assosiasaun portadór no veíkula sira nian, emprezáriu sira no mós associação defesa konsumidór sira nian, ne´ebé bele kontempla sira nia pozisaun molok hamosu rejimentu foun ida.

“Importasaun karreta haree ba tinan produsaun menus tinan lima, importa karreta  tinan lima ba leten ne´e labele,” nia hateten.

PNSIK dada hela fita polísia ka Police Line bá karreta “sukata” sira ne’ebé importa husi Austrália. Foto/Hatutan.com

António Ramos da Silva fó ezemplu katak, importasaun karreta ho tinan produsaun 2015, signifika labele tama ona iha merkadu Timor-Leste tanba liu ona tinan lima.

Maibé kona-bá “sokata”, sasan la haree tinan tanba la regula ida-ne´e, tanba karreta sira ne´ebé mak tinan lima ba leten bele sai “sokata” no destroi hodi hatama kontainer haruka mai, tanba lei regula kona-ba “sokata”.

TANE nia haree kona-bá Impaktu husi importasaun “sokata”, primeiru direitu ba moris di’ak ne´e direitu konstitusionál ne´ebé proteje husi  Lei inan RDTL nian iha artigu 53º no Lei Portesaun ba Konsumidór sira nian, Lei Nº 8 tinan 2016, loron 08 fulan Jullu.

Advertisement

Moris diak katak, moris iha ambiente ne´ebé saudável. Importasaun “sokata” ne´e prezudika ambiente ne´ebé prezudika ba konsumidór sira ninia moris di’ak.

Tentativa, Liberta Karreta “Sukata” Sira husi Portu Díli

Governu Buka Hela Solusaun Bá Karreta “Sukata” 131 Husi Austrália

Jornalista: Carmelita Isaac

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Diversifikasaun Ekonómika Importante Hodi Alkansa Dezenvolvimentu Sustentável

Published

on

Hatutan.com, (18 Juñu 2024), Díli- Prezidente Repúblika (PR), José Ramos-Horta, hateten diversifikasaun ekonómika importante hodi alkansa dezenvolvimentu sustentável iha Timor-Leste.

(more…)

Kontinua Le'e

Ekonomia

Rezultadu Survey Orsamentu Nakloke 2023: Progresu Sei Posivel Bainhira Hadi’ak Transparénsia no Partisipasaun Públiku iha Prosesu Orsamentál

Published

on

Hatutan.com, (14 Juñu 2024), Díli–Dezde 2020 ba 2022, Timor-Leste la konsege hatudu mudansa signifikativu iha valór transparénsia – hirak ne’e hotu relasiona ho desizaun Governu nian kona ba orsamentál – Taxa ne’ebé presiza rekolla, servisu saida mak tenke fornese, empréstimu hirak mak sai hanesan obrigasaun atu selu. Preokupasaun hirak ne’e iha konsekuénsia importante ba ema hotu iha sosiedade. Bainhira governu fornese informasaun no fó sai liu husi kanál ne’ebé hakerek iha lian ne’ebé ema hotu bele komprende no asesu hodi atualiza ba polítika sira ne’ebé governu estabelese hodi asegura katak osan povu nian gasta duni ba interese povu nian.

(more…)

Kontinua Le'e

Ekonomia

Nova Zelándia Kontinua Apoia TL iha Área Edukasaun-Turizmu

Published

on

Hatutan.com, (12 Juñu 2024), Díli—Vise Primeiru Ministru Nova Zelándia, Winstons Peters komprometidu atu kontinua fó apoiu Timor-Leste (TL), iha seitór edukasaun no turizmu.

(more…)

Kontinua Le'e
Advertisement

Trending