Connect with us
Pakote Ahi

Ekonomia

Ministériu Finansas Realiza Jornada Orsamentál 2023

Published

on

Hatutan.com, (30 Juñu 2022), Díli—Ministériu Finansas (MF) liuhosi Diresaun Jerál Planeamentu no Orsamentu, realiza Semináriu Jornada Orsamentál ba tinan 2023 iha Auditóriu Kay Rala Xanana Gusmão, Ministériu Finansas, Aitarak laran.

Ministériu Finansas (MF) liuhosi Diresaun Jerál Planeamentu no Orsamentu, realiza Semináriu Jornada Orsamentál ba tinan 2023 iha Auditóriu Kay Rala Xanana Gusmão, Ministériu Finansas, Aitarak laran, Kinta (30/06/2022). Foto/MF.

Semináriu loron ida-ne’e ho tema “Mai Ita Konkretiza Medidas iha Lei das Grandes Opções do Plano 2023, hodi Rekupera Ita-nia Ekonomia no atinje Dezenvolvimentu ida ne’ebé sustentavel, inkluzivu no reziliente”.

Lee Mós:Prezidente Repúblika Promulga Lei ba Planu Boot Sira

Ministru Finansas, Rui Augusto Gomes konsidera tema iha jornada orsamentál tinan 2023 ne’e  importante tanba komtempla objetivu prinsipál tolu: Primeiru – Atu Ita hetan informasaun sobre 275 medidas ne’ebé kontempla iha Lei GOP 2023; Segundu – Atu Ita hetan informasaun sobre tetu finál globál ba OJE 2023 ne’ebé aprova ona iha Lei GOP 2023 nia laran; Terseiru – Atu Ita diskute kritériu sira ne’ebé sei uza hodi define tetu desagregadu ba OJE 2023.

Advertisement

“Rezultadu ne’ebé Ita hotu espera husi Jornada Orsamentál ida-ne’e mak ne’e: 1) Apresiasaun ba kritériu sira kona-ba tetu desagregasaun; 2) Intende didi’ak prioritizasaun medidas sira iha Lei GOP; 3) Hetan konfirmasaun kona-ba lista obrigasoes sira ne’ebé halo konke Ita-nia OJE hetok rijidu, no ikus mai, 4) Prioridades investimentu Fundu Infraestrutura ba projetu sira la’o hela projetu ne’ebe sei hetan finansiamentu hafoin prienxe kriterius ne’ebé Ministériu Planu Ordenamentu estabelese tiha ona,” Rui Gomes hateten iha liafuan Boas Vindas.

Iha Semináriu ne’e, iha mós aprezentasaun hosi ekipa tékniku Ministériu Finansas no Gabinete Primeiru-Ministru.

Iha loron 10 fulan-juñu liubá, Prezidente Repúblika, José Ramos-Horta promulga ona Lei das Grandes Opções do Plano ba 2023.

Promulgasaun hosi Xefe Estadu ne’e akontese iha momentu ne’ebé oportunu, bainhira Governu mós hahú hakat ona hosi Faze Planeamentu ka Faze Primeiru ba Faze Orsamentasaun ka Faze Segunda, hosi Elaborasaun Orsamentu Jerál Estadu 2023 ne’ebé sei konklui ho aprezentasaun Proposta OJE 2023 ba Parlamentu Nasionál iha loron 1 fulan-outubru.

Ho promulgasaun ne’e, pela primeira vez, Timor-Leste aprova Lei das Grandes Opções do Plano, Mandatu Konstitusionál ida ne’ebé mak Oitavu Governu konsege realiza iha tinan ida-ne’e.

Advertisement

Promulgasaun Lei ne’e mós hatudu katak, Presidência da República hamutuk ho Parlamentu Nasionál fó duni importánsia ba Reforma Jestaun Finanseira Públikas, ajenda reforma importante ida ne’ebé mak inísia ona iha tinan 2015 husi Sestu Governu no Oitavu Governu Konstitusionál komprometidu atu kontinua implementa.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Governu Suspende Temporariamente Jogu Bola Guling

Published

on

Hatutan.com, (27 Marsu 2024), Díli- Inspetór Jerál do Jogu (IGJ, sigla portugés) hasai rezolusaun Nú.14/2024 de 20 de Março, hodi suspende temporariamente atividade jogu bola guling.

(more…)

Kontinua Le'e

Ekonomia

Kada Fulan, Timoroan Lori Millaun $5 bá Kompras iha Atambua

Published

on

Hatutan.com, (27 Marsu 2024), Díli-Prezidente  Kamara Komérsiu no Indústria Timor-Leste (CCI-TL, sigla portugés), Jorge Manuel de Araújo Serrano, hateten timoroan nia osan kada fulan purvolta  millaun $5-resin mak semo bá merkadu Atambua, Timor Osidentál hodi bá kompras produtu báziku sira, hanesan tomate, supermie, sutate, masako, sigaru, trigu, mina dapur nian, raupa ho seluk-seluk tan.

(more…)

Kontinua Le'e

Ekonomia

Vizita Surpreza Vise-PM bá SERVE, I.P, Diretór Ezekutivu Laiha Fatin Tanba Partisipa Kongresu ATCPTL

Published

on

Hatutan.com, (26 Marsu 2024), Díli—Vizita surpreza Vise-Primeiru-Ministru no Ministru Koordenador bá Assuntu Ekonómia no Ministru Turizmu no Ambiente, Francisco Kalbuadi Lay,  bá   Servisu Verifikasaun Emprezarial, Institutu Públiku (SERVE I.P), Tersa (26/03/2024), la bele simu hosi Diretór Ezekutivu SERVE,I.P, Florêncio da Costa Sanches tanba partisipa hela iha kongresu Assosiasaun Transporte Kontentóres Portu Timor-Leste (ATCPTL-sigla portugés).

(more…)

Kontinua Le'e
Advertisement

Trending