Connect with us
Pakote Ahi

Ekonomia

Inflasaun Globál Durante Fulan Lima, TL Lakon Billaun $1,6

Published

on

Hatutan.com, (30 Juñu 2022), Díli— Ministru Finansas, Rui Augusto Gomes  fó sai katak, inflasaun global ne’ebé akontese hahú hosi fulan Janeiru to’o Maiu, lori implikasaun ba Timor-Leste tenke lakon billaun $1,6.

Ministru Finansas, Rui Augusto Gomes. Foto/MF.

Rui Gomes  fó sai asuntu ne’e iha Jornada Orsamentál ba tinan 2023 iha Auditóriu Kay Rala Xanana Gusmão, ne’ebé hala’o iha Ministériu Finansas, Aitarak laran.

Lee Mós:Ministériu Finansas Realiza Jornada Orsamentál 2023

“𝗔𝗽𝗿𝗼𝘃𝗲𝗶𝘁𝗮 𝗼𝗽𝗼𝗿𝘁𝘂𝗻𝗶𝗱𝗮𝗱𝗲 𝗶𝗱𝗮-𝗻𝗲’𝗲, 𝗵𝗮’𝘂 𝗵𝗮𝗸𝗮𝗿𝗮𝗸 𝗶𝗻𝗳𝗼𝗿𝗺𝗮 𝗯𝗮 𝗜𝘁𝗮 𝗵𝗼𝘁𝘂 𝗸𝗮𝘁𝗮𝗸 𝗵𝘂𝘀𝗶 𝗝𝗮𝗻𝗲𝗶𝗿𝘂 𝘁𝗼’𝗼 𝗠𝗮𝗶𝘂 𝟮𝟬𝟮𝟮, 𝗘𝘀𝘁𝗮𝗱𝘂 𝗧𝗶𝗺𝗼𝗿-𝗟𝗲𝘀𝘁𝗲 𝗹𝗮𝗸𝗼𝗻 $𝟭,𝟲 𝗯𝗶𝗹𝗵𝗼̃𝗲𝘀 𝗵𝘂𝘀𝗶 𝗿𝗲𝘁𝗼𝗿𝗻𝘂 𝗶𝗻𝘃𝗲𝘀𝘁𝗶𝗺𝗲𝗻𝘁𝘂 𝗙𝘂𝗻𝗱𝘂 𝗣𝗲𝘁𝗿𝗼𝗹𝗶́𝗳𝗲𝗿𝘂 𝗻𝗼 𝗵𝗮𝗹𝗼 𝗸𝗼𝗻𝗸𝗲 𝗜𝘁𝗮-𝗻𝗶𝗮 𝗯𝗮𝗹𝗮𝗻𝘀𝘂 𝗙𝘂𝗻𝗱𝘂 𝗮𝘁𝗲 𝟯𝟭 𝗱𝗲 𝗠𝗮𝗶𝗼 𝟮𝟬𝟮𝟮 𝘁𝘂𝗻 𝗯𝗮 $𝟭𝟴,𝟯 𝗯𝗶𝗹𝗵𝗼̃𝗲𝘀 𝗵𝘂𝘀𝗶 $𝟭𝟵,𝟭 𝗯𝗶𝗹𝗵𝗼̃𝗲𝘀 𝗶𝗵𝗮 𝗳𝗶𝗺 𝗱𝗲 𝗠𝗮𝗿𝗰̧𝗼 𝟮𝟬𝟮𝟮,” Rui Gomes hateten.

Advertisement

Perda ida-ne’e akontese tanbá implikasaun hosi inflasaun globál iha nasaun bo’ot sira hanesan Amérika no Europa, ne’ebé obriga Banku Sentrál nasaun bo’ot hirak ne’e hasa’e taxa de juros no halo merkadu finanseiru monu. Situasaun ida ne’ebé TL rasik labele kontrola.

Tambá ne’e, TL labele kontinua depende ba Fundu Petrolíferu, liuliu ba longu prazu. Presipísiu fiskál sei sai realidade iha tinan sanulu oin mai, a não ser que TL dezenvolve fontes reseitas alternativu sira seluk.

Ho volatilidade presu iha merkadu finanseiru atuál, maka tempu to’o ona atu TL hahú diversifika produsaun sira, harii ekonomia ida ne’ebé mak mais reziliente no sustentavel, hodi hasoru xokes interna no esterna, hanesan pandemia, dezastre natural, krize polítika, no seluk tán.

Atu konkretiza mehi ida-ne’e, TL tenke hahú investe iha setór sosiál hanesan Saúde no Nutrisaun, Edukasaun, Abitasaun, Bee no Saneamento, Protesaun Sosiál, no seluk tán.

To’o ohin loron, Timor-Leste iha de’it instrumentu ida ne’ebé Governu uza hodi provoka kresimentu no dezenvolvimentu ekonómiku, mak Orsamentu Jerál Estadu.

Advertisement

“Maibé, iha realidade, Ita gasta ona osan Povu nian ho maneira ida ne’ebé mak la-sustentável; em termos de Produtu Internu Bruto, Timor-Leste nia despesa kuaze 90%, despesa ida ne’ebé mak aas liu iha mundu,” nia hateten.

Maski ho orsamentu ne’ebé boot, saida mak TL haree desde tinan 2009 mak tendénsia output ne’ebé tun hela de’it, TL nia produtividade laborál limitadu tebes tambá menus investimentu iha kapitál umanu, no reseitas doméstika seidauk atinji 10% husi TL nia Produtu Internu Bruto tambá impostu ne’ebé ki’ik.

Ohin loron TL bele iha estrada ne’ebé di’ak maibé dalaruma TL rasik laiha enjeñeiru ne’ebé di’ak hodi konstrui estrada foun sira ne’e no halo servisus manutensaun báziku ba estradas hirak ne’e.

Tambá ne’e, importante tebes ba TL atu servisu hamutuk hodi garante katak TL nia esforsu kolektivu sira bele kontribui hasa’e efisiensia hodi responde ba problema estruturál, hanesan pobreza, dezempregu, enkuantu kontinua presta servisu ba Povu.

Ho Lei das Grandes Opções do Plano hamutuk ho Orsamentu pur Programas ne’ebé implementa ona desde 2020, sei permite TL atu muda hosi perspetiva ne’ebé sentradu ba iha taxa ezekusaun orsamentu pur item, ba iha perspetiva ne’ebé orientadu ba taxa implementasaun medidas espesífiku sira. Nune’e, utilizasaun rekursus OJE no susesu sira husi Governu nia asaun sei fasil liután atu sukat.

Advertisement

Jornada Orsamentál tinan ida-ne’e sei konklui ho diskusaun atu mellora kritériu desagregasaun tetu orsamentu 2023 hodi fasilita participante sira iha prosesu elaborasaun proposta OJE 2023 ho kualidade.

Jornalista: Vito Salvadór

Ekonomia

Timor-Leste Sei Organiza Festivál Internasionál Foka bá Promosaun Arte-Kultura, Turizmu, Siénsia no Teknolojia

Published

on

Hatutan.com, (22 Fevereiru 2024), Díli- Vise-Primeiru Ministru, Ministru Koordenadór bá Asuntu Ekonómia, Ministru Turizmu no Ambiente, Francisco Kalbuadi Lay, informa Timor-Leste sei organiza festivál internasionál ne’ebé sei foka ba promosaun arte-kultura, turizmu, siénsia no teknolojia.

(more…)

Kontinua Le'e

Ekonomia

Ezekuta Projetu ho Kustu US$21,228,762, Empreza La Harii Basecamp no Laiha Ekipamentu

Published

on

Hatutan.com, (16 Fevereiru 2024), Díli- Prezidente Komisaun E Parlamentu Nasionál bá asuntu Infraestrutura, Marcos Xavier, kestiona empreza internasionál Hutama Karya (Persero) Indonézia ne’ebé manan projetu  Estrada urbana iha Maliana ho kustu US$21,228,762,  maibé laiha basecamp no laiha ekipamentu.

(more…)

Kontinua Le'e

Ekonomia

Sentru Lojístika Nasionál iha Dívida US$500,000

Published

on

Hatuta.com, ( 16 Fevereiru 2024), Díli—Sentru  Lojístika Nasionál (CLN, sigla portugés) daudaun ne’e iha hela dívida US$500,000.00 bá kompañia sira ne’ebé  Governu kontrata hodi fornese produtu lokál mai armazén CLN.  

(more…)

Kontinua Le'e
Advertisement

Trending