Connect with us
Pakote Ahi

Justisa & Krime

Ajente Públiku 6.319 Deklara Rikusoin bá CAC

Published

on

Hatutan.com, (15 Fevereiru 2023), Díli—Comissão Anti Corrupção (CAC) rejista ona ajente públiku 6.319 hosi instituisaun Estadu 99 mak deklara ona rikusoin.

Dadus ida-ne’e hato’o hosi Komissáriu CAC, Sérgio Hornai bainhira relata kona-bá progresu no atinjimentu serbisu durante mandatu tinan-haat (4), hahú hosi 21 janeiru 2019 to’o 21 janeiru 2023.

Lee Mós: Lei MPCC Obriga Ajente Públiku Deklara Rikusoin

Advertisement

Iha 21 janeiru 2019, ninia diskursu bainhira simu posse iha Parlamentu Nasionál (PN), re-ajenda bá iha Lei Korrupsaun ninian, hamutuk ho sosiedade, média, sosiedade Sivíl, intelektuais no ativista sira ne’ebé hala’o serbisu maka’as bá kombate krime erradikasaun krime korrupsaun nian.

CAC hamutuk ho entidade sira-ne’e inklui polítiku sira konsege hamosu Lei ida kona-bá Lei Medida sira bá Prevene no Kombate Korrupsaun, kuaze dékada ida sira paradu, no labele halo.

Maibé, Sérgio Hornai iha nia terseiru mandatu nu’udár Komissáriu ne’e ho tulun estrutura tomak CAC nian ho entidade sira nakait halo sira bele prodús Lei númeru 07/2020, ne’ebé entrada iha vigór iha 22 Fevereiru 2021.

“Iha progressu lubuk ida, Ita halo hela serbisu maka’as liu-liu bá iha deklarasaun rendimentus béns interreses ne’ebé to’o agora ita rejista, halo arollamentu purvolta instituisaun Estadu 99. Iha deklarantes 6.319 sira tenke deklara bá iha CAC,” Sérgio Hornai hateten iha kna’ar fatin Faról, Kuarta (15/02/2023).

Oras-ne’e CAC halo hela serbisu, halo mós kooperasaun institusionalmente ho serbisu TIC Timor (Teknolójia Informasaun no Komunikasaun) ne’ebé tutela iha gabinéte Primeiru Ministru, CAC konsege estabelese plataforma online ida atu bele rejísta deklarasaun rendimentu sira béns interesse bá iha deklarante sira.

Advertisement

“Serbisu sira sei la’o hela, ita hein katak, Komissáriu ne’ebé atu mai iha kapasidade natoon, atu bele fó kontinuidade bá iha deklarasaun rendimentus béns interesses ne’e rasik. Tanba hosi artigu ida bá atigu seluk, liu-liu hosi artigu 27 to’o iha 58, Lei ida ne’e, presiza iha serbisu estraordinária, serbisu ida ne’ebé mak ho eskluzividade atu bele haree sasan sira ne’e, hodi bele bá oin,” Sérgio Hornai hateten.

Alende halo inspesaun, monitorizasaun sira ne’ebé sai hanesan serbisu rutina CAC ninian, halo mós serbisu investigasaun, delegasaun bá kompeténsia, halo averiguasaun, halo auto-partisipasaun, halo buska sira, halo revista, hirak ne’e tenke halo, razaun tanba órgaun polisiál kriminial ninia kompeténsia.

Hosi sorin seluk, iha serbisu própriu ne’ebé dezignadu mai CAC atu bele halo, konforme planu estratéjiku CAC ninian iha 2021 to’o 2025. Primeiru, atu hametin sistema dezmantelamentu bá iha krime korrupsaun sira, ne’ebé la’o hela.

Segundu, atu hametin CAC ninia rede sira kooperasaun atu bele hametin medida sira prevensaun no kombate korrupsaun ninian.

Terseiru, hametin kooperasaun sira, kuartu maka, CAC bele halo serbisu maka’as hodi bele hametin sira-nninia jestaun ida ne’ebé mak metin, dezenvolvimentu institusionál atu bele iha konfiansa hosi komunidade.

Advertisement

Komunidade la’ós rai-laran de’it, maibé komunidade internasionál akompaña hela, oinsá Timor-Leste bele hametin ninia vizaun boot, liu-liu CAC ninia vizaun boot ida maka hametin Estadu direitu demokrátiku no buka esforsu sira atu bele halo rezeisaun bá korrupsaun.

“Ida ne’e mak sai hanesaan vizaun boot iha ha’u nia mandatu ho puderasaun bá iha hanoin sira mai hosi primeiru mandatu, segundu mandatu, halo artikulasaun no hamosu planu estratéjiku CAC ida ne’ebé atu hatuur prinsípiu estratéjiku sira, orienta pelu-menus iha mandatu ha’u nian to’o 2025. Husu karik, ita mai hosi ne’ebé, ita agora iha ne’ebé, ita atu bá ne’ebé,” subliña.

Lei numeru 7/2020, 26 agostu kona-bá Medida Prevensaun no Kombate Korrupsaun (MPCC), tama ona iha vigór, iha 22 fevereiru 2021.

Lei MPCC prevee iha kapitulu II Regime de Declaraçao de Rendimentos, Bens e Interesses hosi artigu 27 to’o artigu 58.

Jornalista: Rogério Pereira Cárceres

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Kazu Taa iha Bebora, Tribunál Aplika Aprezentasaun Periódika Bá Arguido Na’in-rua

Published

on

Hatutan.com, (25 Fevereiru 2024), Díli -Tribunál Judisiál Primeira Instánsia Díli (TJPID), Domingu (25/02/2024), halo primeiru interrogatóriu bá arguido na’in-rua ho inisiál J no HM ne’ebé halo tentativa omisídiu hodi uza samurai taa sidadaun ida iha karreta Grand-Max laran iha área Bebora, Díli.

(more…)

Kontinua Le'e

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e

Trending