Justisa & Krime
Arguidu Ne’ebé Komete Krime Devasa Simu Pena Multa $90
Hatutan.com, (15 Jullu 2022), Díli—Tribunál Distritál Díli (TDD) liu hosi leitura sentensa ne’ebé lee hosi juiz prezidi Evangelino Belo, deside aplika pena multa ho montante $90 ba arguidu AR ba krime ezibisaun seksuál no devasa, tanba publika fotografia ninia namorada lezada AB iha média Sosiál.
Foto Ilustrasaun Google.
Razaun Tribunál aplika pena multa tanba, maski provadu katak arguidu halo edisaun ba fotografia lezada nian ne’ebé la merese atu publika, maibé TDD konsidera arguidu la’ós publika iha facebook atu ema hotu haree maibé arguidu uza de’it iha profile WhatsAap arguidu nian.
Lee Mós: JC Alegadu Prizaun Tinan Haat Tanba Halo Violasaun Seksuál Hasoru Menoridade
Tanba ne’e, TDD konsidera aktu arguidu nian la prienxe krime ezibisaun seksuál, nune’e Tribunál absolve arguidu hosi krime refere.
Maibé TDD kondena arguidu ho pena multa $90 ba krime devasa tanba publika lezada nia fotografia iha profile WhatsAap la ho autorizasaun hosi lezada.
Alende ne’e, arguidu nia telefone ne’ebé sai hanesan evidénsia sei husik ba Estadu no la devolve ba arguidu.
Tribunál esplika, bainhira arguidu la selu multa ne’e no kontinua komete tán aktu krime, maka arguidu sei ba kumpri pena prizaun fulan rua.
Antes ne’e, tuir akuzasaun hosi Ministériu Públiku (MP) ne’ebé reprezenta hosi Prokuradór Reinato Berenahak katak, iha loron 19 fulan Janeiru tinan 2021, arguidu ho lezada iha relasaun namora.
Tanba ne’e, bainhira arguidu Video Call ho lezada, arguidu husu atu haree lezada nia isin-lolon no iha momentu ne’ebá arguidu foto tiha no ikus-mai arguidu Video Call husu lezada atu halo relasaun.
Maibé, lezada lakohi tanba ne’e arguidu ameasa hodi publika lezada nia fotografia ho kondisaun isin-tanan iha profile WhatsAap arguidu nian.
Nune’e, MP akuza arguidu ba pratika krime ezibisaun seksuál no devasa ne’ebé previstu iha artigu 181 no 183 hosi kódigu penál TL nian.
Audiénsia julgamentu prezide hosi juiz singulár Evangelino Belo, MP reprezenta hosi Prokuradór Reinato Berenahak no Arguidu sira hetan asisténsia legál hosi Defensór Públiku Jonas Henrique.
Jornalista: Carmelita Isaac
Justisa & Krime
PNTL Submete Ona Ba Minitériu Públiku Kazu Ofisiál Polísia Militár Na’in-Rua Baku Lesuk ZFS
Justisa & Krime
Deskonfia Fujitivu Kalumban Mali “Hamutuk” Hela ho PR Ramos-Horta iha Atividade Sosiál Sira
FDCH Laiha Koñesimentu Bolsu Estudu SEKOMS Bá Jornalista Na’in-10
Iha Hela Investigasaun, Membru PNTL Ida Involve Kazu Abandona Bebe iha HNGV
Kadete PNTL Sei Organiza Manifestasaun iha Ministériu Interiór
BCTL Apela Ba Públiku Utiliza Moeda Sentavu 200 Tanba Lejitimu no Ofisiál
Projetu Emerjénsia Konstrusaun no Normalizasaun Mota Casnafar ho Kustu US$631,805,56 La’ós Hodi Aprende
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa4 days agoKomisaun Revizaun Rekrutamentu PNTL Identifika Polísia Nia Oan 71 ho Jerasaun Patriota Na’in-72 Tama iha Lista Rekrutamentu
-
Nasionál1 week agoFONGTIL Preokupa ‘Korruptór’ Kalumban Mali, Fujitivu Husi Indonézia Hetan Protesaun iha Timor-Leste
-
Polítika6 days agoParlamentu Nasionál Propoin Governu Kontrola Presu Kombustível iha Merkadu
-
Saúde5 days agoFiskalizasaun Komisaun F Deskobre 32% Ai-Moruk Stock Out iha INFPM
-
Defeza & Seguransa5 days agoKazu Overstay WNI Ne’ebé Virál, Pesoál Migrasaun Olivio Pinto La Viola Lei
-
Polítika1 week agoBankada FRETILIN Preokupa Impaktu Funu Médiu Oriente Mai Timor-Leste
-
Justisa & Krime4 days agoJSMP Husu PCIC-MP Labele Nonok ho Kazu Fujitivu Kulumban Mali
-
Dili5 days agoPNTL Asegura Ona JRO Ne’ebé Abandona Bebe iha HNGV