Hatutan.com, (15 Jullu 2022), Díli—Ministru Justisa Tiago Amaral Sarmento hala’o vizita hodi halo observasaun direta ba kondisaun reál Estabelesiemntu Prizionál Suai iha Sesta (15/07/2022).

Ministru Justisa Tiago Amaral Sarmento hala’o vizita hodi halo observasaun direta ba kondisaun reál Estabelesiemntu Prizionál Suai iha Sesta (15/07/2022). Foto/Repro.

Durante vizita, Ministru hato’o obrigadu ba Diretór Estabelesimentu Prizionál Suai, Júlio Dias Ximenes, no agradese mós ba Administradór Munisípiu, inklui parte kompetente sira iha Munisípiu Covalima, tanba konsege organiza aan hodi ultrapasa situasaun inundasaun iha loron 30 Juñu liubá.

Lee Mós: Inundasaun, Prizioneiru 118 Okupa Provizóriu Aeroportu Suai

“Ha’u agradese tebes bai ta boot sira ninia esforsu no lideransa. Parte Autoridade Ministériu Justisa akompaña muito bem hahú hosi akontese primeiru to’o ohin loron, ami hotu depozita konfiansa bai ta boot sira. Tau konfiansa ida ne’e iha ita boot sira nia kabas atu hiit hamutuk ho ita nia kolega sira iha ne’e hodi tau matan bai ta nia dadur sira,” Hatutan.com sita deklarasaun Tiago Amaral Sarmento iha komunikadu.

Importante liu maka atuasaun hotu-hotu kumpri lei, bainhira hasai dadur, iha altura ne’e Ministru rasik komunika kedan ho Prokuradór Adjunta, tanba Prokuradór Jerál iha hela Portugál no komunika mós ho Vise Ministru Interiór hodi husu apoiu PNTL nian ba evakuasaun.

Iha loron 30, fulan Juñu akontese udan ne’ebé hamosu bee boot tama no hamosu inundasaun iha Estabelesimentu Prizion’al Suai, nune’e Diretór Estabelesimentu Prizionál Suai, Júlio Dias Ximenes  kontatu kedan ho Ministru Justisa no halo kedan koordenasaun ho Administradór Munisípiu Covalima, autoridade kompetente sira, hamutuk halo kedan evakuasaun ba guarda prizionál 118 ba iha Aeroportu Internasionál Kay Rala Xanana Gusmão, Suai.

Estabelesimentu Prizionál Suai simu prezu sira hosi área jurídiksaun,  Bobonaro, Ainaro, Manufahi no Covalima rasik no agora daudaun totál prezu ne’ebé iha hamutuk 118.   

Husi prezu 118, kompostu hosi prezu kondenadu ema na’in 83 no Prizaun preventiva ema 35. Hosi jurídisaun Ainaro prezu  40, Bobonaro prezu  38, Ainaro 28 no na’in 12 hosi Munisípiu Manufahi ho forsa traballu Guarda Prizionais hamutuk na’in 37.

Jornalista: Carmelita Isaac