Hatutan.com, (12 Agostu 2022), Díli-Prezidente partidu Congresso Nacional de Reconstrucção de Timorense (CNRT), Kay Rala Xanana Gusmão,  Sesta loraik (12/08/2022), simu Xefe Asuntu Polítika no Ekonomia Embaixada Estadus Unidus Amerika (EUA) mai Timor-Leste,  Fausto DeGuzman hodi ko’alia durante oras-rua kona-bá lala’ok polítika, ekonomia no demokrasia Timor-Leste nian.

Lee Mós : Xanana Apela bá Simpatizante CNRT Tau Ás Interese Nasionál

Prezidente partidu CNRT, Kay Rala Xanana Gusmão akompaña hosi Sekretariu Jerál partidu CNRT, Francisco Kalbuadi Lay, halo enkontru ho Xefe Asuntu Polítika no Ekonomia Embaixada EUA iha TL, Fausto DeGuzman, Sesta loraik (12/08/2022).

Sorumutuk parte rua iha Sede Nasionál partidu CNRT, Díli, ne’ebé akompaña mós hosi Sekretáriu Jerál partidu CNRT, Francisco Kalbuadi Lay no Jacinto Rigoberto ne’e, nu’udár biban ida bá Xefe Asuntu Polítika no Ekonomia Embaixada Estadus Unidus Amerika (EUA) mai Timor-Leste,  Fausto DeGuzman  atu aprezenta bá Xanana Gusmão kona-bá ninia misaun diplomátika iha TL.

“Fausto DeGuzman foin to’o, nia mak kaer economic political and affairs, iha Embaixada EUA. Nian iha Timor-Leste. Ne’e, atu koñese malu de’it,” Xanana Gusmão, hateten bá jornalista sira, hafoin sorumutuk ne’e.

Jornalista: Rogério Pereira Cárceres