Internasionál
Sekretáriu Jerál ONU Sei Ko’alia ho Nasaun G20 Apoia TL Adere bá ASEAN
Hatutan.com, (27 Setembru 2022), Díli—Sekretáriu Jerál Organizasaun Nasaun Unidas (ONU), António Guterres promete atu ko’alia ho líder mundiál sira, liu-liu líder nasaun membru G20 hodi apoia adezaun Timor-Leste (TL) bá Association of Southeast Asian Nations (ASEAN).
Prezidente Repúblika (PR), José Ramos-Horta hasai foto hamutuk hafoin enkontru ho Sekretáriu Jerál ONU, António Guterres iha Nova Iorka, Tersa (27/09/2022). Foto/Média PR.
Prezidente Repúblika (PR), José Ramos-Horta agradese ba apoiu hotu hosi ONU no nasaun membru ASEAN nian ne’ebé eforsu hodi simu Timor-Leste sai membru ASEAN ba dala XI.
Lee Mós: Enkontru Komisaun Konstrusaun Pás ONU, Dedika Espesiál bá TL
Xefe Estadu afirma, Sekretáriu Jerál ONU, António Guterres iha relasaun metin ho atuál Prezidente Indonézia, Jokowi, nune’e nia bele negosia hodi Timor-Leste adere lalais ba ASEAN.
“Sekretáriu Jerál ONU, António Guterres sempre prontu atu haree saida mak Timor-Leste presiza nia apoiu, bele dala ruma apoiu diretamentu hosi ONU maibé mós bele liu hosi ko’alia ho líder sira iha mundu, favór tau matan ba Timor-Leste. António Guterres iha relasaun metin ho Prezidente Repúblika Indonézia, Joko Widodo, nu’udár mós Prezidente ba ASEAN no G20 iha tinan 2023. Ne’e duni, ita presiza buat ruma hosi Sekretáriu Jerál ko’alia ho líder Europeiu sira no G20, nia prontu atu halo loby ba Timor-Leste, Timor-Leste sempre iha nia hanoin no fuan,” Hatutan.com sita deklarasaun Ramos-Horta hafoin enkontru ho Sekjer ONU, António Guterres, iha komunikadu, Tersa (27/09/2022).
Ramos-Horta konsidera atuál Sekretáriu Jerál ONU, hanesan ema ida di’ak tebes, líder ne’ebé iha kualidade no koñesidu hanesan ema reliziozu, nu’udár Katóliku dezde hanesan Primeiru Ministru Portugál, iha fuan di’ak tanba ne’e mak eleitu hanesan lideransa másimu ONU ho unanimidade tutuir-malu.
Uluk iha tempu difísil 1999, hanesan Primeiru Ministru Portugál, António Guterres halo presaun makas bá Prezidente Amerikanu, Bill Clinton no líder Europeiu sira atu buka konsensu iha Konsellu Seguransa ONU, nune’e Misaun Forsa Manutensaun ba Dame INTERFET tama iha Timor-Leste.
Iha enkontru ne’e, Sekeretariu Jerál ONU apresia mós Xefe Estadu foun Timor-Leste ba períudu 2022-2027, José Ramos-Horta.
Durante estadia iha Amérika, Prezidente Repúblika hasoru-malu ona ho Primeiru-Ministru Kambodia, Hun Sen, no líder mundiál sira seluk hodi ko’alia mós kona-bá prossesu Timor-Leste adere ba ASEAN.
Jornalista: Vito Salvadór
Internasionál
Xanana Husu Universidade sira iha Portugal Aumenta Vaga Bá Estudante Timoroan iha Área Direitu
Kazu Scam Call Centre Bebonuk, Tribunál Aplika Médida Kausaun US$3000 ho Proibuisaun Aujénsia Bá Arguidu Na’in-96
Parte Sira Fasilita Aterra Jet Privadu Cessna C700 iha AIPNL Presta Ona Deklarasaun no Hein Submete bá MP
PNTL Dezmantela Tan Atividade Scam Call Centre iha Comoro ho Ulmera, Detein Xinés ho Indonéziu Na’in-90
Kazu Jogu Ilísitu iha Bebonuk, MP Solisita bá Tribunál Aplika Medida Kausaun US$3000 no Proibisaun Aujénsia
Kazu Scam Call Centre Metiaut, Tribunál Muda Despaixu bá Proibisaun Aujénsia no Kausaun US$3000
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Defeza & Seguransa3 days agoLutu Nasaun Kuak Ona, Krime Transnasional Buras iha Timor-Leste
-
Nasionál3 days agoHorta Husu Xanana Fó Instrusaun bá Bankada CNRT ho PD Hasai Tiha Krimináliza Difamasaun
-
Opiniaun1 week agoRejime Kareira Únika entre Esperansa no Desafiu Foun!
-
Nasionál1 week agoPR Kestiona Autoridade Sira Husik Fila Jet Privadu Cesna C700 ho Indonéziu Na’in-Tolu
-
Defeza & Seguransa6 days agoFundasaun Mahein Husu Investigasaun Kle’an Hasoru Parte Sira Ne’ebé Uza PR Hodi Fó Kondisaun Jet Privadu Cesna C700 Aterra iha Aeroportu IPNL
-
Nasionál5 days agoPolémika Jet Privadu Cesna C700, Jetrans Koordena no Komunika Ofisiál ho MNEK
-
Defeza & Seguransa4 days agoPratika Atvidade Ilísitu, PCIC ho SNI Detein Sidadaun Estranjeiru Na’in-99 iha Bebonuk
-
Justisa & Krime2 days agoArguidu Na’in-29 bá Kazu Scam Call Centre Manleuana Submete bá Interogasaun Dahuluk iha TJPID