Connect with us
Pakote Ahi

Justisa & Krime

MAPKOMS Hanesan Suspeitu ba Kazu Instalasaun Set-Top Box RTTL,E.P

Published

on

Hatutan.com, (18 Outubru 2022), Díli—Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo hanesan suspeitu ba kazu instalasaun Set-Top Box Rádiu Televizaun Timor Leste, Empreza Públika (RTTL,E.P), bazeia bá karta mandadu bá buska iha domisiliáriu no prende sasán ho Númeru Úniku Krime (NUK) 0016/21.CACTL.

Karta mandadu bá buska iha domisiliáriu no prende sasán ho Númeru Úniku Krime (NUK) 0016/21.CACTL ba suspeitu Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo.

Iha karta ne’e, juiz direitu Albertina da Conceição das Neves fó órden atu halo buska iha domisíliu ho posibilidade ba prende sasan ne’ebé mak bele iha ligasaun ho faktu hirak ne’ebé investiga ona, tuir dispozisaun iha artigu 37 númeru 2 hosi KRTL, iha artigu 226 númeru 1, Alinea c), no artigu 170 hotuhotu hosi K.P.P ba suspeitu ninia hela fatin.

Lee Mós: Kazu Instalasaun Set-Top Box RTTL,E.P, CAC Halo Buska no Apreensaun iha Gabinete MAPKOMS, FFTL ho Rezidénsia Likisá

“Órdem ba halo buska ne’e konsede iha auto inkéritu nian NUC (ic.NUCNo), hosi ne’ebé investiga daudaun hela suspeitu kona-bá autoriza krime, p.p. hosi artigu kódigu penál nian,” refere karta ne’ebé Hatutan.com asesu.

Advertisement

Ba kumprimentu efetivu ba mandadu ida-ne’e iha autorizasaun ba asesu iha dependénsia hotu-hotu, inklui kofre, fatin rai sasan nian, veíkulu hirak ne’ebé uza hosi suspeitu, no bele fera odamatan, hakat sa’e hosi moru no neitraliza animál sira, se presiza duni ho buska ne’e tenke realiza entre 06.00 oras no 20.00 oras.

Bainhira hala’o buska ne’e tenke entrega ba vizadu orijinál mandadu ida-ne’e, hanesan mós kópia despaixu nian, ne’ebé mak autoriza buska iha domisíliu.

Sei tenke elabora auto ida kona-ba buska no prende sasan nian, tuir termu hosi artigu 87 no 88 K.P.P nian.

Prazu loron hosi karta ne’e urjente ho data 16/10/2022 no asina hosi juiz direitu Doutora Albertina da Conceiçao das Neves.

Karta mandadu bá buska iha domisiliáriu no prende sasán ho Númeru Úniku Krime (NUK) 0016/21.CACTL ba suspeitu Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo.

Kona-bá ne’e, Hatutan.com konfirma ho fontes kredível iha Comissão Anti Corrupção (CAC) hateten katak, parte investigadór CAC nian ezekuta mandadu hosi Tribunál, ba suspeitu MAPKOMS Francisco Martins da Costa Pereira Jerónimo.

“Dokumentu ida-ne’e hanesan dokumentu orijinál ne’ebé fó-sai hosi Tribunál no MAPKOMS konstituidu ba suspeitu. MAPKOMS lee fila fila despaixu ne’e no nia hatene katak, nia suspeitu,”  fontes ne’e hateten.

Advertisement

MAPKOMS Konsidera Atuasaun CAC Hanesan “Hatudu Forsa”

MAPKOMS, Francisco Martins da Costa Pereira Jerónimo deklara liu hosi live streaming SMNEWS TIMOR iha aeroportu Internasionál Prezidente Nicolau Lobato, Díli, Tersa (18/10/2022) hateten, konsidera buska no apreensaun bá iha ninia gabinete hosi Komisaun CAC hanesan “hatudu forsa ka show of force” tamba nia seidauk simu notifikasaun ruma antes hosi parte kompetente hanesan suspeitu bá kazu ruma.

Nia ho fiar an deklara katak, dala-barak ona hateten bá públiku hanesan ne’e, husik bá instituisaun ida-idak halo nia servisu, CAC halo nia servisu, Tribunál halo nia servisu, Governu halo nia servisu.

Francisco Jerónimo konsidera CAC hahú hatudu sira-nia knaar, maibé  atu hateten de’it katak dala ruma “show force” ida hanesan ne’e atu hatudu de’it katak sira hakarak halo akrobatiku ruma, atu hateten de’it katak CAC kaer ema, maibé  realidade Ministru dehan nia seidauk suspeitu.

“Ha’u ne’e seidauk buat ida, no laiha ema ruma mai hatete  no fó karta dehan katak mai husu ha’u dehan katak atu bá iha CAC atu bá fó informasaun ruma. Maibé derrepente mosu mai dehan katak lori mandadu Tribunál, maibé ha’u hanesan membru Governu ha’u mós hakfodak oitoan tanba membru Governu mós iha nia regra rasik. Maibé CAC la sente ida-ne’e no bá sira laiha ida ne’e. Entaun sira haluhan tiha lei sira ne’e hotu, sira halo de’it servisu tuir de’it sira-nia hakarak,” Ministru Francisco Jerónimo hateten ho fiar an.

Advertisement

Tuir nia haree ida-ne’e ladún di’ak no presiza sira hadi’a tanba hanesan ne’e beibeik bá futuru nasaun ida-ne’e, ema ne’ebé atu bá kaer knaar públiku sira ne’e ema tauk hotu, tanba bá kaer iha ne’ebá pois bá halo mo’e nia iha públiku, hatún nia dignidade iha públiku.

Ministru MAPKOMS iha CAC. Foto/Elio dos Santos da Costa.

Nia mós dekalra katak, nia mane duni, la tauk ema ida, nein ba se se de’it. Nia klarifika katak nia prezensa Segunda (17/10/2022) iha CAC hanesan saida nia mós la hatene no husu de’it bá CAC nia prezensa hanesan saida tanba to’o oras ne’e nia seidauk hatene nia sala.

Nia afirma tán, asaun ne’ebé CAC halo ne’e hanesan fali nia ne’e ema suspeitu ida, detein nia iha karreta CAC nian atu bá maibé nia mak ne’e hela, laiha buat ruma, la hatene nia estatutu agora saida.

Loloos bele bolu de’it nia bá iha CAC, la presiza halo hanesan horisehik ba nia, tanba se bolu nia mak nia la bá ne’e oin-seluk.

Nia dehan, ema ida nunka hakerek karta no fó notifikasaun ida bá nia oinsá mak derrepente mai hanesan fali hatudu forsa  ka show force iha fali Repúblika ida-ne’e no la respeita tiha ona Palásiu  Governu.

Nia hatetem tan, Palásiu Governu ne’e, membru Governu sira nia Xefe Governu iha, tenke bá fó hatene informasaun bá Primeiru-Ministru dehan CAC atu mai bolu membru Governu ida-ne’e, maibé ida-ne’e laiha hodi halo atu hatudu de’it katak CAC la hatene nia kompeténsia loos ne’e saida atu halo nusa.

Advertisement

“Primeiru Ministru rona no hatene hotu ona, há’u hanoin Governu mós iha nia hanoin oinsá mak bele haree buat ne’e, tanba ita fó nafatin hanesan ne’e, ita atu hatudu bá públiku katak ita ne’e hakarak, halo “show force” hodi hatudu ba publiku katak ami halo ida ne’e, maibé iha realidade mamuk,”  Francisco Jerónimo hateten.

Atuál prezidente FFTL ne’e subliña, CAC halo buska no apreensaun bá dokumentu sira ne’ebé iha relasaun ho projetu sira ne’ebé la’o no nia dehan ida-ne’e bá foti de’it ba tanba ne’e dokumentu públiku  nia la preokupa ida ne’e halo saida.

“Dalaruma sira hanoin há’u subar hela osan iha uma ka iha fatin ruma, maibé ba to’o iha uma la hetan buat ida, ha’u nia uma simples no há’u mak ne’e,” nia hateten tán.

Mensajen ba públiku katak bainhira hare informasaun sira ne’e buka tuir lai atu kompleta referénsia seluk atu bele hatene loos kazu ne’e saida, tanba tuir Ministru Francisco Jerónimo katak kuandu ko’alia kona-bá abuzu de poder, brankamentu kapitál, partisipasaun ekonomika, fraude fiskál no konflitu interese  haree halo didiak lai, husu informasaun bá malu atu nune’e labele komunga buat la loos.

“Há’u nia mensajen de’it katak buat sira ne’ebé horisehik halo ne’e tuir lei, ne’e lalos, asaun sira ne’e “show force” de’it, há’u sempre hateten bá públiku há’u prontu atu responsabiliza há’u nia knar ne’e ba sese deit iha publiku, há’u prontu responsabiliza tanba se há’u halo sala, há’u sala no se ha’u halo loos há’u loos ida ne’e de’it,” nia haktuir.

Advertisement

Nia konsidera atuasaun CAC nian ne’e hanesan perseginsaun polítika ida atu oho nia karakter hanesan ema politiku ne’ebé komesa ema haree katak la’o daudaun di’ak depois balun mai haree katak ho ida ne’e atu hamate nia karákter.

“Há’u laiha problema no ha’u hanesan mane, prontu iha ne’ebé de’it atu ko’alia no esplika ba públiku kona-bá kazu ne’e rasik,” nia tenik.

Lee Mós: Buska no Apreensaun La Haree Bá Kargu Ministru no Palásiu Governu

Jornalista: Vito Salvadór  

Advertisement

Justisa & Krime

Kazu Farmásia Moris Foun, Tribunál Aplika Medida Koasaun 4 bá Arguido Sira no Husu Polísia Fó Fila Ai-moruk Item 150

Published

on

Hatutan.com, (24 Fevereiru 2024), Díli -Tribunál Judisiál Primeira Instánsia Dili (TJPID) liuhosi primeira interrogatóriu, Sábadu (24/02/2024), aplika medida koasaun haat (4) bá arguido na’in-tolu (3) nu’udár jerente bá Farmásia Moris Foun relasiona ho kazu hatama ai-moruk ilegál ho item 150.

(more…)

Kontinua Le'e

Justisa & Krime

Hatama Ai-moruk Ilegál Fó Prejuizu bá Estadu

Published

on

Hatutan.com, (23 Fevereiru 2024), Díli– Membru Parlamentu Nasionál hosi  Bankada CNRT, Patrocínio dos Reis Fernandes, husu bá autoridade polisiál, Ministériu Públiku no Tribunál atu prosesa kazu hatama ai-moruk ilegál tanba  fó prejuizu bá Estadu.

(more…)

Kontinua Le'e

Justisa & Krime

PTR Deolindo Deklara TR La Pronunsia Kazu Konkretu Ruma iha Fiskalizasaun Abstrata Nia Laran

Published

on

Hatutan.com, (23 Fevereiru 2024), Díli- Prezidente Tribunál Rekursu (PTR), Deolindo dos Santos deklara, Tribunál Rekursu (TR) la pronunsia kazu konkretu ruma iha fiskalizasaun abstrata nia laran, maibé halo apresiasaun de’it ba pedidu husi 1/5 (um quinto) deputadu Parlamentu Nasionál ba artigu sira ne’ebé deputadu sira dehan kontra Konstituisaun RDTL.

(more…)

Kontinua Le'e
Advertisement

Trending