Defeza & Seguransa
Serbisu Sekreta Detein Suspeitu Na’in-Tolu ho Evidénsia Motór Ne’ebé Lakon iha Díli
Hatutan.com, (19 Outubru 2022), Díli—Serbisu Sekreta kaptura no halo detensaun ba suspeitu na’in-tolu ho evidénsia motór tolu ne’ebé lakon iha Díli laran.
Serbisu Sekreta kaptura no halo detensaun ba suspeitu na’in-tolu ho evidénsia motór tolu ne’ebé lakon iha Díli laran. Foto/PNTL.
Detensaun ne’e Serbisu Sekreta halo hafoin Xefe Servisu Informasaun Polísia Nasionál (SIPN), simu informasaun hosi komunidade no orienta kedan ekipa buska ne’ebé lidera hosi SIPN hamutuk ho Servisu Nasionál Intelijénsia (SNI), Makikit Munisipiu Díli junta ho Eskuadra Vera-Cruz buka tuir autór sira ba krime públiku.
Lee Mós: Motór Lakon iha Vila Verde, SIP Konsege Hetan iha Baucau
Iha operasaun ne’e konsege asegura joven na’in-lima ne’ebé involve iha kazu na’ok motór no telefone iha área Jardin 12 Novembru Suku Motael, Postu Administrativu Vera-Cruz, Munisípiu Díli.
Ekipa servisu rekolla uluk informasaun no lansa vizilánsia iha tuku 12:20 kalan, hodi kaptura suspeitu sira iha fatin ne’ebé la hanesan tanba ekipa servisu kaptura uluk iha área Suku Motael maka suspeitu ABS ne’ebé foin sai hosi prizaun, tinan 21, hela iha Suku Mascareñas-Balide hamutuk ho nia maluk feto ida naran EXGA (17), hela iha Lurumata, Suku Fatuhada.
Tuir mai kaptura mós suspeitu DGFS (17), hela iha Bidau Massaur, Suku Santa-Ana nu’udár estudante iha eskola Palaka hamutuk ho suspeitu RX (22), hela iha Aldeia Postu Penal, Taibesi no sira na’in-rua ekipa kaptura iha área merkadu Taibesi.
Hafoin, ikus mai kaptura iha área Gan 45 Hudi-Laran maka suspeitu ATDC (15), hela iha Ailok Laran, Suku Bairru-Pité.
“Iha prosesu identifikasaun, suspeitu koopera di’ak no sira deklara katak motór balun sira na’ok iha área Bairo dos Grilhos-Sentru Saúde Formoza no área Taibesi,” Hatutan.com sita komunikadu.
Evidénsia motór hirak ne’e mak hanesan Honda Beat kor mutin, xapa matrikula I.6286, Honda Beat street kor metan, xapa matrikula M.3502 no Honda Beat kor metan kahur mean, xapa matrikula Q.7712.
Hafoin prosesu identifikasaun ekipa esquadra PNTL Vera-Cruz entrega hikas alin feto EXGA (17) ba nia familia iha Lurumata, inklui ATDC enkuantu suspeitu na’in-tolu seluk halo kedan auto entrega ba Servisu Investigasaun Kriminal Nasional (SIKN), hodi asegura iha Komandu PNTL Munisipiu Díli hodi halo detensaun durante oras 72 no sei kontinua primeiru interrogatóriu iha Tribunál.
Jornalista: Elio dos Santos da Costa
Defeza & Seguransa
Luta Hamutuk Kestiona Atitude Pesoál Membru F-FDTL-PNTL Sadik Malu iha Diskoteka Sira
Kazu Mate Iha Sela Caicoli, Família Ejize Atu Assesu Bá Rezultadu Autópsia
Estadus Unidus Hili Timor-Leste Parseria bá Inisiativa Dezenvolvimentu Demokrátiku
Tinta Liman-Fuan Iha Eleisaun Parlamentár 2023 Aprovadu
Makikit Laulara Lidera Tabela Klasifikasaun Primeira Divizaun Hafoin Halakon Assalam FC 2-1
Prezidente Repúblika Sei Harii Rasik Sentru Saúde iha Suku Laicore
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Justisa & Krime4 days agoEvidénsia La Forte, Ministériu Públiku Arkiva Parsiál Kazu Amu Abito
-
Polítika2 days agoNúmeru Sorteiu Partidu Polítiku Sira Iha Eleisaun Parlamentár 2023
-
Nasionál1 week agoAhi-Han Edifísiu MAE, PNTL Investiga Bada’en Oecusse Oan Na’in-11
-
Polítika1 week agoAniceto Guterres Hahú Prossesu “Halakon Mandatu” Deputadu CNRT Na’in-16
-
Polítika4 days agoKoligasaun AD no Partidu Frente-Mudança La Priénxe Rekizitu Partisipa iha ElPar 2023
-
Justisa & Krime1 week agoKazu Culau-Becora, Suspeitu Na’in-Ualu
-
Polítika1 week agoPolémika Eleisaun Komissáriu CAC, PN Inisia Lei Kuórum no Espera Ramos-Horta Promulga
-
Ekonomia1 week agoGovernu-CET Asina Akordu Subvensaun Anuál Millaun $15