Connect with us
Pakote Ahi

Saúde

Ema ho Defisiénsia Mental 1040 Rejistu iha MS

Published

on

Hatutan.com, (10 Fevereiru 2023), Díli- Ministériu Saúde rejista ema ho defisiénsia mental iha territóriu Timor-Leste hamutuk 1040.

Hosi númeru ne’e, na’in-200 mak sira-nia saúde mental rekupera total hafoin konsulta no hetan asisténsia medika hosi médiku sira inklui psikiatra no psikólogu sira.

Diretora Jerál Prestasaun Servisu Ministériu Saúde, Odete da Silva Viegas. Foto/Elio dos Santos da Costa

Ministériu Saúde liu husi Diretóra Jerál Prestasaun Servisu, Odete da Silva Viegas hateten Ministériu Saúde rejista ona pasiente moras mental hamutuk 1040 no husi ne’e iha 200 ne’ebé nia Saúde rekopera totál enkuantu sira seluk nafatin iha akompañamentu husi Médiku no enfermeiru sira inklui psikiatra no psicóloga sira.

Diretora Jerál Prestasaun Servisu Ministériu Saúde, Odete da Silva Viegas, Sesta (10/2/2023), bainhira hala’o lansamentu bá “Padraun Operasionál no Prosedimentu Referal bá Saúde Mental no Apoiu Psikososial ba Komunidade no Guideline Tratamentu Psikiatria ba Pessoal Saúde iha Timor-Leste, hateten  Ministériu Saúde iha papel importante ida mak tau matan bá moras hada’et no moras la hada’et sira no iha moras la hada’et, Saúde mental sai mós preokupasaun nasaun nian, liu-liu Timor-Leste hanesan pais post konflitu situasaun ida ne’e sempre akontese, ema moras la’ós fízika de’it maibé psikológikamente sempre iha.

Advertisement

Pasiente moras mental, tuir Odete Viegas, nia númeru la permanente tamba sira la permanente iha ospitál, ema ho defisiénsia  mental ne’e la’ós hotu-hotu ne’e hela iha ospitál tempu naruk maibé pasiente moras mental sira iha mos sira nia etapa katak bainhira sira nia moras ne’e komesa ataka kauza husi ai-moruk hotu ka laiha sira bele hela iha ospitál atu halo internamentu no bainhira di’ak sira fila hikas ba familia.

Ministériu Saúde laiha númeru serteza maibé iha dadus ne’ebé iha hatudu pasiente defisiénsia  mental ne’ebé mak Ministériu Saúde halo ona tratamentu kuaze 1040 no husi númeru ne’ebé iha  200 mak rekupera.

Diretora Jerál Prestasaun Servisu ne’e hatutan Ministériu Saúde halo hela esforsu ba tratamentu ema ho defisiénsia mental sira, tamba ne’e Ministériu Saúde iha Pradet no servisu hamutuk ho sentru reabilitasaun intensivu sira hanesan São João de Deus Laklubar atu oinsá mak halo tratamentu ba moras mental no ba futuru Ministériu Saúde hanoin katak iha ospitál nasionál sira.

Iha mos esforsu lubuk ida ne’ebé Ministériu Saúde no Ministériu Solidariedade Sosiál no Inkluzaun halo atu estabelese mós sentru ka klínika bá defisiénsia  mental iha kada rejiaun nune’e bele tulun no fasilita halo tratamentu ba ema sira ne’ebé ho moras mental.

Diretór Nasionál MSSI bá Promosaun Direitu bá Ema ho Defisiénsia Mateus da Silva. Foto/Elio dos Santos da Costa

Diretór Nasionál MSSI bá Promosaun Direitu bá Ema ho Defisiénsia Mateus da Silva hateten agradese bá servisu di’ak entre ministériu rua hanesan Ministériu Saúde no Ministériu Solidariedade Sosiál no Inkluzaun, hodi haree oinsá mekanizmu tratamentu ba ema ho moras mental.

Ministériu Solidariedade Sosiál no Inkluzaun (MSSI) nia servisu bazeia bá iha orgánika Ministériu nian atu tau matan bá maluk sira ne’ebé ho defisiénsia mental no dalaruma iha dalan ninian, ho ida ne’e Ministériu Solidariedade Sosiál no Inkluzaun servisu hamutuk ho Ministériu Saúde liu husi Pradet, klínika Klibur Domin Tibar no klínika São João de Deus Laklubar bainhira iha pasiente moras mental Ministériu sempre koordena ho instituisaun hirak ne’e hodi lori pasiente sira ba halo tratamentu iha ne’ebá too di’ak mak fila ba família.

Advertisement

“Ita koordena ho enfermeiru, doutór no psikiatra sira para oinsá halo referal ba iha pasiente moras mental sira ne’ebé iha klinika sira ne’ebé halo tratamentu espesiál ba ema moras mental hanesan klínika São João de Deus Laklubar tamba kauza sira ne’ebé iha liga ba iha psikososial, tamba dalaruma kauza husi situasaun ekonomia no fatór sosiál sira seluk ne’ebé ema afeta ikus mai sofre moras mental.” Hateten Mateus da Silva.

Ministériu Solidariedade Sosiál no Inkluzaun nafatin servisu hamutuk ho Pradet ba iha konseling ninian, no nafatin iha komunikasaun ho parte ospitál nian atu hare ba iha ai-moruk sira ne’ebé presiza atu fó bá pasiente moras mental sira.

Jornalista: Vito Salvadór

 

 

Advertisement

 

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Saúde

Kazu 64 iha RAEOA Posibilidade Afeta bá Moras Rabies

Published

on

Hatutan.com, (09 Abríl 2024), Díli-Hosi fulan-Setembru 2023  to’o fulan-Abríl 2024 Ministériu Saúde rejista  kazu 64 asu tata iha Rejiaun Administrativu Espesiál Oé-Cusse Ambeno (RAEOA) no posibilidade afeta bá moras rabies.

(more…)

Kontinua Le'e

Saúde

PN Sei Bolu Ministra Saúde no MAPPF Hodi Diskute Medida Kombate Virus Rabies

Published

on

Hatutan.com, (05 Abríl  2024), Díli– Parlamentu Nasionál (PN), Tersa semana oin, (09/04/2024), bolu Ministra Saúde, Élia A.A dos Reis Amaral  no Ministru Agrikultura Pekuária, Peska no Floresta (MAPPF), Marcos da Crus, hodi halo diskusaun kona-bá medida sira kombate virus Rabies ne’ebé agora daudaun mosu iha Rejiaun Admistrativu Oé-Cusse Ambeno (RAEOA).

(more…)

Kontinua Le'e

Saúde

Sali-Magu Kontínua Fornese Ai-moruk no Konsumaveis bá INFPM

Published

on

Hatutan.com, (03 Abríl 2024), Díli-Kompañia  nasionál Sali-Magu Lda kontinua fornese ai-moruk hanesan Reagentes Microbiologya, Hematologya & Biochemistry, no produtu medíkamentu bá iha Institutu Nasionál Farmásia no Produtu Médiku (INFPM, sigla portugés).

(more…)

Kontinua Le'e
Advertisement

Trending