Connect with us
Pakote Ahi

Saúde

Pesoál Saúde 2,276 Rejistu iha Baze Dadus Ministériu Saúde

Published

on

Hatutan.com, (03 Fevereiru 2023), Díli-Baze dadus Ministériu Saúde nian rejista pesoál saúde hamutuk 2,276 mak hetan kontratu hosi Ministériu Saúde.

Lee Mós : MS Lansa Manuál Foun Deskrisaun Servisu no Avaliasaun Dezempeñu Pessoál Saúde

Serimonia Asinatura Termu Aseitasaun ba Rekrutamentu Públiku Professionál Saúde kategoria Emfermeiru no enfermeira Junior ho Parteira Junior na’in 24, iha Salaun Palásiu das Cinzas, Caicoli, Díli, Segunda (25/07/2022). Foto/Média MS.

Dadus ne’ebé Hatutan.com asesu hosi Diresaun Rekursu Umanu Ministériu Saúde nian hatudu katak to’o tinan 2023 ne’e, Ministériu Saúde  estabelese kontratu servisu ho pesoál saúde hamutuk 2,276 kompostu hosi médiku jerál na’in-400, espesialista na’in-74, enfermeiru na’in-1,200 no parteira na’in-600-resin.   

Diretór Rekursu Umanu Ministériu Saúde, Augusto Pinto, informa, hosi númeru pesoál saúde hirak ne’e  médiku de’it iha na’in-1,800 no porsentu 33 (33%) servisu ospitál sira iha ospitál nasionál ho mós ospitál referral sira.

Advertisement

Iha Planu Estratéjiku  Nasionál  Setor Saúde nian, Timor-Leste presiza espesialista na’in-180 no to’o tinan ne’e (2023-red)  foin iha espesialista na’in-74 ne’ebé maioria hala’o knar iha Ospitál Nasionál Guido Valadares (HNGV),  na’in-tolu (3) destaka iha Ospitál Referénsia Baucau, na’in-tolu (3) iha Malina no na’in-ida (3) koloka iha Ospitál Referral Maubisse.  

“Tinan oi, Ministériu Saúde  haruka ema hamutuk 219 atu bá kontinua bolsa estudu husi sira ne’ebé atu lori ba Cuba hamutuk 29  ne’ebé kompostu husi Médiku Jerál na’in-25, ho Enfermeiru na’in-haat (4) ne’ebé atu áa estuda iha Cuba, no iha tan na’in-tolu  (3) maka atu ba Estuda iha Indonézia kona-ba Forensik, ida ne’e maka bá iha área Médiku nian Sira ne’ebé iha Area Enfermeiru ka Parteira, hamutuk 188 ne’ebé maka sei estuda iha Timor-Leste, balu iha UNTL no UNDIL,” Augusto Pinto informa bá Hatutan.com foin lalais ne’e.

Kona-bá médiku ka espesialista  sira ne’ebé servisu dupla (oras balun iha MS no oras balun iha klínika privadu sira), Diretór Rekursu Umanus Ministériu Saúde nian ne’e, afirma iha regulamentu hateten katak ema hotu tenke kumpre oras ofisiál ne’ebé iha, no sira seluk tenke iha superiór ne’ebé autorizadu atu utiliza didi’ak.

“Hanesan diretór Rekursus Umanus ha’u sempre dehan katak tenke kumpre  oras ne’ebé maka  hatuur tiha ona iha kontratu ho Estadu ne’e ida ne’e maka sira-nia dever no direitu,” nia tenik.

La Bele Halimar

Advertisement

Ministra Saúde (MS) Odete Maria Freitas Belo.

Relasiona ho bolseiru timoroan barak ne’ebé estadu investe bá hasai espesialista  iha área saúde fila mai servisu barak liu iha ONG Internasionál sira, inklui klínika privadu sira,  Ministra Saúde, Odete Maria Freitas Belo, klarifika katak, bainhira Médiku, Parteira, Enfermeira sira ne’ebé maka  hetan Bolsa Estudu husi Governu, bainhira sira deside atu sai hosi Governu tenke selu fila fali osan  balun ka multa bá Governu.

“Ida-ne’e maka ami halo, maibé sira mós dala-ruma  sira prontu atu sai husi sistema Governu nian, se sira maka desidi  no sira prontu atu selu  ne’e hosi Parte Governu la bele ko’alia buat ida tanba ne’e sira nia diretu no Lei fó dalan,” Ministra Saúde, Odete Maria Freitas Belo hateten.

Ministra Saúde ne’e tenik, iha nia tempu seidauk haree katak Médiku ida maka  la halo kontratu bá sira, iha Enfermeiru no Médiku ne’ebe maka durante ne’e halo kontratu bá ema na’in-1000  ho osan Covid-19 nian.

 Iha Orsamentu Jeral Estadu 2023 ne’e, Ministériu Saúde  trata hela atu fó kontrata bá sira, maibé tuir Ministra Odete Maria Freitas Belo, katak  la hot-hotu depende  bá sira nia nesesidade no depende mos bá mapamentu ne’ebé maka diresaun ida-idak iha.

“Doutór Espesialista la iha ida maka halimar hela, maibé sira hot-hotu hala’o hela sira nia kna’ar, Ministra Saúde mos fó kontratu bá sira, maibé depende bá sira Governu  haruka sira ba hasai estudu, maibé sira maka iha desizaun  la hola parte iha Governu nian  ne’e sira nia direitu,” Ministra Odete tenik tan.  

Jornalista : Vito Salvadór

Advertisement

Saúde

Estranjeiru Hetan Projetu La Iha Ida Kestiona, Timoroan Hetan Sai Fali Polémika

Published

on

Hatutan.com, (26 Fevereiru 2024), Díli-Prezidente Komisaun F Parlamentu Nasionál (PN) bá asuntu Saúde, Seguransa Sosiál no Igualdade Jéneru, Maria Barreto Gorumali, preokupa ho situasaun balun ikus -ikus ne’e relasiona ho    projetu adjudikasaun direta hosi Ministériu Saúde  bá empreza nasionál Sali-Magu hodi fornese ai-moruk ho karatér emerjénsia   bá Institutu Nasionál Farmásia no Produtu Medikamentu (INFPM).

(more…)

Kontinua Le'e

Saúde

MS Loke Investigasaun Interna bá Projetu Fornesimentu sira Ne’ebé Deskonfia “Monopóliu” hosi Empreza 7

Published

on

Hatutan.com, (22 Fevereiru 2024), Díli—Ministériu Saúde (MS), daudaun ne’e, halo hela investigasaun interna hodi buka hatene maneira sira oinsá mak durante tinan 2022 to’o mai 2023  empreza   hitu (7), maioria empreza estranjeiru,  deskonfia sempre manan projetu fornesimentu produtu medikamentu no farmaséutika bá SAMES (Serviço Autónomo de Medicamentos e Equpamentos de Saúde) ho MS rasik.

(more…)

Kontinua Le'e

Saúde

MS Sei Reativa Klínika Móvel Atu Fó Asisténsia Saúde To’o Área Remota

Published

on

Hatutan.com, (16 Fevereiru 2024), Díli—Governu liuhosi Ministériu Saúde (MS) sei reativa hikas programa Klínika Móvel, nune’e pessoál saúde sira bele tun direta bá halo atendimentu saúde bá populasaun to’o iha área remota.

(more…)

Kontinua Le'e
Advertisement

Trending