Connect with us
Pakote Ahi

Desportu

As Marca Konkista Vitória Dahuluk ho Santa Cruz FC 1-0

Published

on

Hatutan.com, (23 Fevereiru 2023), Díli—Klubu As Marca rekolla pontu tolu dahuluk iha jogu abertura Segunda divizaun Liga Timorense époka 2022-2023, hafóin halakon adversáriu Santa Cruz FC ho skore 1-0.

Klubu As Marca rekolla pontu tolu dahuluk iha jogu abertura Segunda divizaun Liga Timorense époka 2022-2023, hafóin halakon adversáriu Santa Cruz FC ho skore 1-0, Kinta (23/02/2023).

Ho vitória ne’e As Marca provisoriamente lidera tabela klarifikasaun Liga Timorense époka 2022-2023 iha segunda divizaun ho pontus tolu ne’ebé ekipa ne’e hetan hafóin halakon Santa Cruz FC.

Lee Mós: Assalam FC Rekolla Pontu Tolu Dahuluk Iha Liga Timorense époka 2022-2023

Iha jogu ekipa rua hahú ho intensidade jogu ne’ebé kalma, kada ekipa mantein ho nia estratéjia no buka domina bola ho ritmu jogu ne’ebé iha.

Advertisement

As Marca sempre halo presaun ba iha parte defeza adversáriu nian, maibé Santa Cruz FC la fó biban hodi kontrolla avansadu ekipa adversáriu nune’e jogu kontinua iha balansu tamba ekipa rua ida-idak mantein nia estratéjia.

Tama ba minutu 7, defeza Santa Cruz FC Ivan Lay (5) hetan kartaun kinur hafóin halo falta hasoru avansadu ekipa adversáriu.

Hosi ne’e ekipa As Marca hahú halo atake ba iha ekipa Santa Cruz FC maibé laiha golu ruma akontese. As Marca kontinua tenta nafatin liu hosi bola kantu no falta maibé ekipa rua nafatin impata.

Jogadór Santa Cruz FC Antonio Amarál (15) simu mós kartaun kinur iha minutu 21 hafóin halo falta. Liu de’it minutu balun jogadór As Marca Janel Fernandes (33) simu mós kartaun kinur hafóin halo falta.

Ekipa rua kontinua halo jogu no kada ekipa halo esfórsu atu produz golu, jogadór estranjeiru Santa Cruz FC Moise Kouame (11) simu kartaun kinur iha minutu 28 hafóin kaer bola ho liman iha área adversáriu nian.

Advertisement

Tama ba minutu 31, ekipa As Marca halo substituisaun ba nia Jogadór hodi hasai Ezaquel da Cruz (11) no hatama Marcio da Costa (13).

Ho substituisaun ne’e ekipa rua mantein halo jogu maibé laiha ida mak hatudu nia superioridade hodi marka uluk golu nune’e primeira parte ekipa rua obrigadu tenke fahe pontu hanesan.

Tama ba segunda parte, ekipa Santa Cruz FC hola kedas inisiativa hodi halo atake ba adversáriu maibé bola seidauk tama ba rede no liu de’it hosi besi rin sorin.

Iha minutu 56, As Marca kontinua halo substituisaun ba Jogadór hodi hasai Teofilo Barros (9) no hatama Claudino Faria (7), ho substituisaun ne’ebé iha As Marca hahú halo neutralidade ba atake hosi Santa Cruz FC.

Iha minutu 57, Jogadór As Marca Ivan José (22) obrigadu tenke simu kartaun kinur hafóin hamonu avansadu Santa Cruz FC iha area grandeal liur.

Advertisement

Santa Cruz FC la aproveita falta ne’e ho di’ak no bola ne’ebé suta as liu tiha baliza adversáriu nian. Ekipa Santa Cruz FC hahú halo tranzisaun ba tátika hodi hasai Avansadu Luis Figo (10) no hatama Paul Godinho (19) iha minutu 59.

Liu de’it minutu lima, As Marca liu hosi Jogadór Ivan José (22) marka golu dahuluk ba nia ekipa iha minutu 64 no As Marca lidera provizoriu ho skore 1-0.

Atu hadi’a liña no implementa tékniku sira ho di’ak hodi buka halo impata, ekipa Santa Cruz FC halo tan substituisaun iha minutu 64 hodi hasai Diamantino Lopes (8) no hatama Rui Soares (14).

Ho substituisaun ne’e, ekipa Santa Cruz FC kontinua halo tranzisaun ba tátika maibé ekipa adversáriu nafatin hatudu nia jogu hodi asegura vitoria ne’ebé iha.

Tama ba minutu 67, As Marca halo substituisaun ba nia Jogadór Ivan José (22) ne’ebé sofre aleija hodi hatama Valendinho de Jesus (99).

Advertisement

Santa Cruz FC kontinua halo esfórsu maibé ekipa As Marca kontinua domina bola no lansa atake barak liu hosi kombinasaun Jogadór sira iha liña médiu no avansadu.

Ekipa rua nafatin halo esfórsu maibé rezultadu nafati As Marca lidera. Santa Cruz FC nafatin halo substituisaun iha minutu 78 hodi hasai António Amarál (15) no hatama Rui Amarál (22) maibé ekipa adversáriu kontinua domina bola.

Tama ba minutu 81 jogadór defeza direita Santa Cruz FC Rui Abel (29) simu kartaun kinur hafóin halo falta hasoru Jogadór adversáriu ne’ebé tenta halo atake.

Ekipa rua kontinua jogu no iha minutu 88 Santa Cruz FC no As Marca halo substituisaun ba Jogadór iha ne’ebé Santa Cruz FC hasai Juvencio Menezes (9) no hatama Adriano Pinto (93) enkuantu As Marca hasai Filomeno Macusana (28) ne’ebé sofre aleiza no hatama médiu Rosário da Cruz (6).

Tama ba minutu ikus segunda parte sinal jogu atu termina arbitu rezerva Nerio Vidigal fó sinal liu hosi kuadru katak aumenta tan tempu adisional minutu 4.

Advertisement

Ekipa Santa Cruz FC tenta aproveita oportunidade ne’ebé iha maibé nafatin falla tamba ekipa adversáriu disipliña iha kada liña no hatudu jogu ne’ebé diak.

Jogadór Santa Cruz FC Rui Abel (29) obrigadu tenke simu kartau mean iha minutu 90+4 hafóin halo falta no too tempu termina As Marca nafatin lidera ho Skor 1-0 no ida ne’e lori As Marca rekolla pontu tolu dahuluk no provizoriamebte lidera tabele klarifikasaun segunda divizaun époka 2022-2023.

Hafóin jogu treinadó Santa Cruz FC, Moisés da Silva fó parabéns ba ekipa As Marca ne’ebé konkista vitória no hetan pontu tolu iha jogu ohin.

Niadehan, iha jogu dahuluk ba ekipa ne’ebé de’it nunka mais fasil, no durante ne’e liga iha Timor-Leste mós paradu kleur oitoan tamba ne’e iha jogu primeiru nunka fásil no Jogadór hotu-hotu halo ona esfórsu máximu no iha vantajen balun ne’ebé lolos ne’e golu maibé lakonsege no ida ne’e mak jogu.

“Ohin há’u hare ami iha faillansu oituan iha kada liña ne’ebé ami iha no ba oin sei hadia atu bele manan iha jogu sira tuir mai,” Moisés da Silva hateten.

Advertisement

Iha parte seluk, treinadór As Marca, Octávio da Costa hateten agradese ba Jogadór tomak As Marca nian tamba iha jogu kontra Santa Cruz FC konsege aplika dunik taktika sira ne’ebé durante ne’e hetan iha treinu.

Jornalista: Vito Salvadór  

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e

Desportu

Kongresu FFTL Falla, Komité Eleitorál La Prudente no Inkapasidade

Published

on

Hatutan.com, (10 Janeiru 2024), Díli- Kongresu Estraordináriu Federasaun Futeból Timor-Leste (FFTL) bá da-IX, Kuarta (10/01/2024), ne’ebé hala’o iha Otél Timor, Díli, falla tanba parte sira kongresista  konsidera Komité Eleitorál inkapasidade no la prudente iha foti  desizaun.

(more…)

Kontinua Le'e

Trending