Connect with us
Pakote Ahi

Desportu

Edit Savio Marka Golu Rua, Lori Emanuel FC Halakon Coração FC 2-1

Published

on

Hatutan.com, (12 Marsu 2023), Díli- Jogadór Avansadu Emanuel FC, Edit Savio (10) sai hanesan erói bá nia ekipa Emanuel FC hafoin marka golu rua (2)  hodi lori nia ekipa konkista vitória ho skor 2-1 no rekolla pontu tolu iha jogu kontra Coração FC iha Estádiu Munisipál, Díli, Domingu (12/3/2023).

Lee Mós :  Karketu Díli FC Sai Hosi Zona Degradasaun Hafoin Manan As Ponta Leste 2-1

Edit Savio (10) sai hanesan melor Jogadór bá nia klube Emanuel FC hafoin marka golu lais iha minutu minutu 0,52 (52 segundu) no minutu 40.

Advertisement

Jogadór Avansadu Emanuel FC, Edit Savio (10) sai hanesan eroi bá nia ekipa hafoin marka golu rua (2) hodi lori nia ekipa konkista vitória ho skor 2-1 kontra Coração FC iha Estádiu Munisipál, Díli, Domingu (12/3/2023). Foto/LFTL

Ekipa Emanuel FC no Coração FC hahú kedas jogu ho intensidade no Emanuel FC lansa kedas kontra atake lais iha minutu dahuluk hodi fó presaun bá ekipa adversáriu.

Estratéjia ne’ebé Emanuel FC lansa fó rezultadu tamba jogu foin hahú seidauk kompleta minutu ida, Jogadór avansadu Emanuel FC Edit Savio (10) marka uluk ona golu ida iha segundu 52 hafoin aproveita falla komunikasaun defeza adversáriu nune’e lori Emanuel FC lidera uluk jogu ho skor 1-0.

Hafoin golu lais ne’ebé Emanuel FC lansa, Coração FC nafatin kalma no jogadór sira mantein fó motivasaun no korajen bá malu atu mantein ho ritmu jogu ne’ebé iha. Sira  halo esforsu liuhosi jogu no halo kedas presaun bá adversáriu  ho ritmu joga bola as hosi liña bá liña atu bele halo golu. Jogadór Emanuel FC Juvito Moniz (3) simu kartaun kinur hafoin halo falta hasoru jogadór adversáriu.

Emanuel FC hasae liután presaun jogu tamba jogadór sira kuaze iha motivasaun as hafoin lidera jogu ne’e liuhosi golu ne’ebé iha.

Ekipa rua halo jogu lais no sempre halo kontra atake bá malu, nune’e tama bá minutu 14, jogadór defeza Emanuel FC halo falta hasoru jogadór Coração FC, Jeka Monteiro (6) nune’e defeza eskerda Coração FC, Yohanes Gusmão (12) ne’ebé suta bola falta ne’e hola inisiativa halo pasajen direita bá área grandeal ekipa adversáriu nune’e avansadu sira aproveita halo atake no rezultadu pozitivu tamba avansadu Coração FC, Rofino Gama (14) marka duni golu ida hodi muda skor bá 1-1.

Iha  minutu 22 Coração FC halo substituisaun bá nia jogadór hodi hasai Albertino Ribeiro (21) tamba sofre aleiza iha parte ain hodi hatama Pascoal Fernandes (9).

Advertisement

Ekipa rua mantein halo kontra atake bá malu, ekipa Emanuel FC halo jogu liuhosi bola badak no sempre buka meius atu domina bola, entretantu adversáriu Coração FC joga bola as liuhosi pasajen direita ne’ebé halo hosi liña kotuk bá avansadu sira hodi fó presaun bá jogador sira Emanuel FC.

Tama bá minutu 40, ekipa Emanuel FC liuhosi jogadór Edit Savio (10) marka tán golu ida hodi muda skor  2-1 hafoin aproveita kontra atake lais ne’ebé iha. Too primeira parte termina ekipa Emanuel FC mantein lídera ho skor 2-1.

Emanuel FC vs Coração FC. Foto/LFTL

Iha segunda parte ekipa Emanuel FC hahú kedas hodi halo substituisaun bá Jogadór iha liña mediu hodi hasai Amancio Araújo (18) no hatama Fretelino dos Santos (20). Ekipa Coração FC mantein ho jogadór ne’ebé antes ne’e iha no jogadór sira komesa halo tranzisaun bá jogu hodi mantein halo presaun bá jogadór sira Emanuel FC liuhosi bola as.

Ekipa Emanuel FC mantein halo presaun bá adversáriu liuhosi kombinasaun entre jogadór sira iha meiu kampu no avansadu sira nune’e defeza Coração FC tenke halo esforsu atu bele asegura atake ne’ebé Emanuel FC halo.

Iha  minutu 53 defeza sentral Coração FC, Lesy Careca Atok (24) tenke simu kartaun kinur hafoin halo falta. Liu deit minutu 3, no tama ba minutu 57 Jogadór Coração FC, Yohanes Gusmão (12) mós simu kartaun kinur hafoin halo falta bá jogadór  Emanuel FC.

Hare katak ekipa Emanuel FC nafatin halo atake, Coração FC kontinua halo substituisaun iha liña klaran atu bele halo balansu bá sira-nia adversáriu nia jogu nune’e deside hasai Jogadór Jeka Monteiro (6) no hatama Denilson Almeida (10) iha minutu 71 no tama ba minutu 72 Coração FC kontinua hasai Miguel Fernandes (8) no hatama Carlos Ximenes (16).

Advertisement

 Kapitaun ekipa Emanuel FC Jeferino Nheu (12) obrigadu tenke simu kartaun kinur hafoin halo falta hasoru jogadór Coração FC.

Ekipa rua mantein ho jogu ne’ebé iha no Coração FC sempre tenta halo kontra atake atu bele halo empata bá jogu, maibé adversáriu nafatin mantein disiplina hodi bele asegura pontus ne’ebé iha.

Ekipa Emanuel FC kontinua halo subtituisaun iha minutu hodi hasai Fretelino dos Santos (20) no hatama Zinedine Lopes (6) hodi joga iha liña klaran ho pozisaun mediu defensivubatu bele reforsa defeza nia servisu hodi asegura pontu ne’ebé iha.

Tama bá minutu 88, jogadór avansadu Emanuel FC Mario Quintão (11) simu kartaun kinur hafoin halo erru no iha minutu 90+1 Emanuel FC deside hodi hasai avansadu Mário Quintão (11) ne’ebé foin sofre kartaun kinur hodi aumenta mós defeza Vidal Correia (5) atu bele asegura vitória ne’ebé iha liman ona.

Too tempu termina ekipa Emanuel FC mantein lídera ho skor 2-1 ho nune’e ekipa Coração FC obrigadu tenke simu derota no lakon pontus tolu.

Advertisement

Treinadór Coração FC, Januario de Almeida hateten, ekipa rua joga di’ak maibé sorte monu bá Emanuel FC ho nune’e Coração FC tenke simu derrota.

“Parabéns bá ekipa Emanuel FC ne’ebé manan jogu lokraik ida-ne’e, ami sei hadia ami nia ekipa bá jogu tuir mai,” Januário de Almeida hateten.

Nia subliña fatór internu ne’ebé halo ekipa Coração FC derota maka mentalidade tamba ne’e sei hadi’a di’ak iha jogu tuir mai.

Asistente Treinadór Emanuel FC, Van Basten hateten, hafoin ekipa Emanuel FC lakon kontra AD SLB Laulara, treinadór no jogadór hotu-hotu iha fali motivasaun atu hadia erru sira ne’ebé iha, nune’e , halo treinu no preparasaun másimu bá jogu kontra Coração FC no klube hotu-hotu iha jogu tuir tuir.

Jogu tuir mai kontra As Ponta Leste ekipa Emanuel FC nia jogadór prinsipal rua hanesan defeza sentrál Juvito Moniz (3) no avansadu Mario Quintão (11) labele reforsa ekipa Emanuel FC tamba hetan akumalasaun tamba hetan kartaun kinur rua.

Advertisement

Jornalista: Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e
Advertisement

Trending