Connect with us
Pakote Ahi

Defeza & Seguransa

Kazu Culau-Becora, Polísia Detein Joven Na’in-tolu

Published

on

Hatutan.com, (20 Marsu 2023), Díli-Polísia Nasional Timor-Leste (PNTL) Munisipiu Díli, Eskuadra Cristo Rei, detein ona joven mane na’in-tolu (3) iha  sela detensaun tanba deskonfia envolve iha kazu tentativa omesídiu iha área Culau, Suku Becora, Postu Administrativu Cristo Rei, Díli.

Lee Mós : PNTL Detein Joven Na’in-Haat Involve Konfrontu Manleuana

Komandante PNTL Munisípiu Díli, Superintendente Xefe Polísia, Natércia Eugrafia Soares Martins, vizita vitima na’in-rua  ne’ebé oras ne’e halo hela tratamentu intensivu  iha HNGV. Foto/Elio dos Santos da Costa

Portavós Komandu Jerál PNTL, Superintendente Xefe Polísia, Arnaldo de Araújo informa, kazu insidente ka problema sona-malu ho kr’oat (tudik) ne’e akontese iha Domingu (19/03/2023), hale’u tuku 21:35 Otl, besik kost (uma bá aluga) ida iha área Culau, Becora.

Insidente ne’e rezultadu ema na’in-tolu sai vítima, no sira na’in-tolu ne’ebé sai vítima hanesan maun-alin uma-laran, Eduardo Francisco da Costa (20), transporta bá Hospitál Nacional Guido Valadáres (HNGV), Bidau, Díli, mak hokotu iis ka mate. Enkuantu, Rogério dos Santos (21) kanek kaman, no Benjamin dos Santos (32), kanek todan. Oras ne’e, vitima nain-rua baixa hela iha Ospitál.

Advertisement

“Hamutuk na’in-tolu, ida kanek no mate liu, ida kanek todan, no ida kanek kamaan, iha hela Ospitál. Sira ne’e mak sai vitima bá iha asaun brutal, asaun kriminal ne’ebé mak mosu iha Suku Becora,” Portavós PNTL, Arnaldo de Araújo informa liuhosi konferénsia imprénsa iha Kuartel Jerál Caicoli, Segunda (20/03/2023).

Ho insidente ne’e, familia vitima inklui viziñu sira kontakta kedan bá Polísia hodi halo atuasaun, no kaptura kedan  mós sidadaun mane na’in-tolu. Maibé, PNTL liuhosi ekipa Investigasaun Kriminál Komandu Díli nian sei atende prosesu ne’e, tanba ida ne’e mak identidade hosi suspeita sira ne’e seidauk rekolla hotu.

“Ita hein katak, iha tempu badak, ita bele hatene nia kronolójia kona-bá kazu ne’e tanba saida,” Arnaldo de Araújo informa tán.

Vitíma sira ne’ebé mak hela iha kost ne’e, balu PNTL liuhosi Unidade Espesial (UEP), Eskuadra Cristo Rei, foti hotu bá iha Eskuadra hodi halo identifikasaun.

PNTL Sei Buka Tuir tán Suspeitu Seluk

Advertisement

Maske PNTL detein ona sidadaun mane na’in-tolu, maibé oras ne’e dadaun, Polísia mós buka tuir hela joven sira seluk tán ne’ebé mak durante envolve hotu iha kazu sona-malu ne’e.

“Hanesan baibain, iha insidente ka asidente ruma ne’ebé mak kauza bá ema mate, ema vitima, PNTL iha ninia ekipa própriu buka tuir hodi bele hatene ema ne’e nia paradeiru iha ne’ebé, atu bele bá foti mandatu hodi bá kaptura ema sira ne’e,” Portavós PNTL Arnaldo de Araújo hateten.

PNTL sempre halo esforsu tomak ona, PNTL halo vizita tama-sai uma, bá koalia ho komunidade sira, koalia ho jovens sira atu bele tau-aan, rai-aan, no labele halo buat ne’ebé mak viola  lei ka kontra lei.

Kronolojia hosi Família Vítima

Komandante PNTL Munisípiu Díli, Superintendente Xefe Polísia, Natércia Eugrafia Soares Martins, vizita vitima na’in-rua  ne’ebé oras ne’e halo hela tratamentu intensivu  iha HNGV. Foto/Elio dos Santos da Costa

Iha sorin seluk, inan hosi vitima sira, Alzira dos Santos Alves, konta kronolójia katak, iha Domingu kalan, nia-oan mane sira ne’e, hadeer hela iha mate-uma ida, besik kost ne’ebé suspeita sira aluga no hela bá.  Lakleur oan-mane Rogério dos Santos, simu kontaktu ida hosi fato ida ne’ebé mak hela duni iha kost ne’e, dehan bá atu sira hasoru malu, hodi koalia ‘halimar’.

“Feto ne’e, nia maun sira, kala, ha’u la hatene, problema saida-saida, ha’u la hatene. Derepente, sira telefone nia, nia feto ne’e telefone nia, dehan, ó mai lai. Ó mai hasoru ha’u lai, ita koalia lai. Ne’e mak, nia dehan, entaun loos ona, ha’u tesik bá. Nia kala hadeer hela iha mate-uma, nia mós tesik bá, sira baku nia. Nusá mak imi baku fali ha’u, problema saida? Entaun, nia dehan hanesan ne’e, ha’u atu halai bá bolu ha’u nia maun,” vítima sira-nia inan Alzira dos Santos Alves, konta.

Advertisement

Hafoin baku, vitima Rogério tenta halai atu bá bolu nia maun sira, maibé, la biban halai sai hosi arredór kost ne’e nian, nune’e, feto ida telefone bá vitima ne’e, ninia maun sira taka hotu tiha ahi ka eletrisidade sira iha kost nian hodi sona vitima.

“Sira taka hotu kedas ahi kost rua ne’e nian, entaun, feto nia maun sira halai bá sona kedas. Sona mak, nia maun mós tuir bá, atu tahan ne’e, sira sona hotu nia maun nia kabun, borus bá kotuk. Ninia alin ida fali, mane ne’e mós hanesan, sona iha kelen ne’e, iha liman ne’e. Ha’u la hatene loos, problema ne’e, saida-saida, ha’u la hatene, ida mate, na’in-rua iha Ospitál hotu, agora seidauk lori mai,” inan Alzira konta ho matan-been.

Hatán kona-bá, karik durante ne’e, vitima sira iha problema ho suspeitu sira, Alzira dehan, loos duni, molok ne’e, sira iha problema, dala-ruma, sira sempre tuda-malu. Maibé, la’ós problema boot, no ikus mak rezolvidu.

“Ha’u nia oan mane ida Nilton ne’e, ne’e sona tembus, hiit de’it bá iha Ospitál, nia mate, husik iis. Nia maun, ho subriñu ne’e mós kanek hotu. ha’u la hatene, problema saida-saida. Kazu ne’e, tenkeser levanta, ha’u nia oan mate de’it, sira atu goza ne’e, laiha. Tenkeser levanta bá oin,” Alzira dos Santos hateten.

Observasaun Hatutan.com iha HNGV, nota hosi  dadeer, hale’u tuku 09:00, Otl Komandante PNTL Munisípiu Díli, Superintendente Xefe Polísia, Natércia Eugrafia Soares Martins, vizita vitima na’in-rua  ne’ebé oras ne’e halo hela tratamentu intensivu  iha HNGV.

Advertisement

Jornalista: Rogério Pereira Cárceres

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Defeza & Seguransa

Polísia Kontinua Buka-tuir Autór Prinsipál Ne’ebé Ta’a Luis Vicente iha Kampung Baru

Published

on

Hatutan.com, (18 Marsu 2024), Dili—Iha Kinta (22/02/2024) oras kalan, mosu insidente omesídiu ida iha área Kampung Baru, Suku Comoro, Postu Administrativu Dom Aleixo, Munisípiu Díli.

(more…)

Kontinua Le'e

Defeza & Seguransa

PNTL Detein Supeitu Na’in-Tolu Ameasa SEATOU Durante Halo Intervensaun bá Jogu Bola Guling

Published

on

Hatutan.com, (18 Marsu 2024), Díli-Polisia Nasionál Timor-Leste Munisípui Díli detein suspeitu na’in-tolu ha sela detensaun tanba halo ameasa ka hasai liafuan aat hasoru Sekretáriu Estadu Toponímia no Orbanizasaun Urnaba (SEATOU), Germano Santa Brites Dias, durante halo intervensaun bá atividade  jogu bola guling (BG) iha área Kampung Alor,  Díli.

(more…)

Kontinua Le'e

Defeza & Seguransa

Polísia Entrega Motór 141 bá Patrimóniu Estadu Halo Leilaun

Published

on

Hatutan.com, (11 Marsu 2024), Díli-Polisia Nasionál Timor-Leste (PNTL) Munisípiu Díli, Segunda (11/03/2024), entrega motór 141 bá Diresaun Jerál Jestaun no Patrimóniu Estadu (DJJPE), Ministériu Finansas, hodi halo no bele halo  konkursu leilaun públiku ka bele mós enkimaña fali bá instituisaun Estadu sira seluk hodi utiliza tuir nesesidade.

(more…)

Kontinua Le'e
Advertisement

Trending