Connect with us
Pakote Ahi

Lautem

Povu Lautem Husu Estadu Harii Universidade Ida iha Lospalos

Published

on

Hatutan.com (31 Marsu 2023), Lautem- Komunidade Suku Com, Postu Administrativu Lautem, Munisípiu Lautem, husu bá prezidente Repúblika, José Ramos-Horta, atu servisu hamutuk ho Governu foun períodu 2023-2028, atu harii universidade iha  Lospalos hodi fasilita Lospalos oan sira eskola besik.

Lee Mós : Prezidente Repúblika Sei Harii Rasik Sentru Saúde iha Suku Laicore

Prezidente Repúblika, José Ramos-Horta vizita povu Lautem, Sesta (31/3/2023). Foto/Elio dos Santos da Costa

Liuhosi diálogu komunitária Prezidente Repúblika ho komunidade Suku Com, Sesta (31/3/2023), Xefe Suku Rasa, Postu Administrativu Lospalos, Munisípiu Lautem, Armindo Benezat husu Prezidente Repúblika, José Ramos-Horta, atu bele halo esforsu ho Governu loke eskola universidade ida atu fasilita Lospalos nia jerasaun sira eskola besik atu evita ema hotu halai ba eskola iha Díli.  

“Ami nia oan sira ba ekola iha Dili, ami tenke selu uma aluga (kos), ami haree sira-nia han hemu no seidauk tan selu sira-nia eskola. Ami sente presiza osan boot no karik loke universidade ida iha ami nia munisípiu bele ajuda ona ami inan-aman sira no ajuda mós ami nia oan sira,” Xefe Suku Armindo Benezat hateten.

Advertisement

Estudante hosi Eskola Sekundária númeru 01 Lautem, Franselina Almeida, husu ho haraik an bá Prezidente Repúblika tau matan mós kondisaun Eskola sira ne’ebé mak aat no falta  aula hanorin ba estudante sira ne’ebé tuir prosesu aprendizajen.

“Ohin Prezidente dehan katak, Governu mak tenke tau-matan bá Edukasaun, maibé tanba saida maka Governu la tau-matan ba Eskola sira ne’ebé aat ona no seidauk hadi’a eskola sira ne’ebé aat ona, tanba dala barak mestre sira halo enkontru ho inan-aman sira kontribui osan hodi hadi’a fali eskola ne’ebé menus fasilidade,” Franselina Almeida hateten.

Prezidente Repúblika, José Ramos-Horta, hateten, eskola sira ne’ebé daudaun ne’e aat ona, balun bele apoiu direita husi Palásiu Prezidensiál no karik labele mak nia sei hato’o bá Governu liu husi Ministériu Edukasaun, Juventude no Desportu (MEJD) atu bele haree asuntu hirak ne’e tanba edukasaun  importante tebes ba foin-sa’e sira nia futuru.

Prezidente Repúblika, José Ramos-Horta halo diálogu ho komunidade Postu Administrativu Lautem, Munisípiu Lautem, Sesta (31/3/2023). Foto/Elio dos Santos da Costa

“Problema ita boot sira ne’ebé komunidade no alin estudante sira aprezenta kona-bá edukasaun, ka buat sira seluk, buat balu ha’u haree Prezidénsia bele ajuda no buat seluk boot Governu nian, ha’u sei halo karta bá Governu para haree buat sira ne’e,” Ramos-Horta hateten.

Hafoin diálogu,  Prezidente Repúblika ho komunidade sira  bá  vizita  Eskola Ensinu Báziku Filial Tenu ho Eskola Ensinu Bázika Filial Sica hodi haree direita kondisaun eskola sira-ne’e ne’ebé aat tebtebes.

Postu Administrativu Lautem iha Suku 10 mak hanesan, Suku Euquise, Ililai, Daudere, Serelau, Baduro, Mahina I, Mahina II, Pairara, Parlamento no Com.

Advertisement

Postu Administrativu Lautem iha aldea hamutuk 46, total populasaun 23.613, uma-kain hamutuk 5.189, kompostu hosi mane na’in  12.016, no feto hamutuk 11.659. Área Postu  Administrativu Lautem ho nia luhan hamutuk 38.017 km2.

Jornalista : Elio dos Santos da Costa

 

 

Advertisement

Lautem

Sentru Saúde Iliomar Presiza Tebes Rekursu Umanu

Published

on

Hatutan.com (5 Dezembru 2023), Lautém—Sentru Saúde iha Postu Administrativu Iliomar, Munisípiu Lautém presiza tebes rekursu umanu hodi bele funsiona ho di’ak.

(more…)

Kontinua Le'e

Lautem

Programa Integradu Saúde To’o Ona Lautém

Published

on

Hatutan.com, (04 Dezembru 2023), Lautem—Programa Integradu Saúde hosi Ministériu Saúde (MS) ne’eb’e ho nia konteúdu atu halo akvokasia no lori informasaun kle’an bá komunidade iha baze hodi prevene moras da’et, la hada’et, tuberkoluze, dengue no mos moras sira seluk, to’o ona munisípiu Lautém.

(more…)

Kontinua Le'e

Lautem

Rede Telekomunikasaun ho Bee-Moos Sai Beibeik Preokupasaun Turista Sira bá Illa Jaco

Published

on

Hatutan.com (06 Outubru 2023), Lospalos-Turista sira; lokál no estranjeiru, preokupa tebes kona-bá rede telekomunikasaun ho asesu bee-moos ne’ebé difisil tebetebes iha fatin turizmu Illa Jaco, Postu Administrativu Tutuala, Munisípiu Lautem.

(more…)

Kontinua Le'e
Advertisement

Trending